Chapter 4
AKALESHA's POV
"Tita Raine naman! Gusto niyo bang mamulubi ang gwapong tulad ko?" pangongonsensya ko kay tita Raine. May inaayusan siya ngayong bakla habang ako naman nakikiusap sa kaniya na ipasok niya ako dito. Naroon sa tabi sina Alesia at Shana na nilalamon ang meryenda. Pinuntahan namin siya matapos nang napag-usapan namin kanina.
"Hindi! At huwag mo kong idaan sa mga walang kuwenta mong pangongonsensya at hindi na gumagana sa akin 'yan! Buti nga sayo at binigyan ka ng leksyon ng Daddy mo! Bente uno kana, hindi kana bata! Kaya tama lang ang ginawa ng Daddy pero hindi ka dito magtatrabaho. Maghugas nga ng pinggan palpak ka pagkatapos ay hindi ka pa marunong magwalis? Magtanda ka!" masungit na dada niya na ikinasimangot ko. Napabuntong hininga akong umupo sa bakanteng upuan sa tabi.
"Buntis ako" nakadekwatrong sabi ko sa kaniya. Wala naman akong magagawa kung hindi konsensyahin siya ng todo. "Jusko!" sa sobrang gulat niya ay lumampas ang lipstick ng baklang inaayusan niya. May malaking check na ito ngayon sa mukha. Nalaglag ang lipstick at maarte siyang napahawak sa magkabilang sentido niya.
"Anong sinabi mong tomboy ka?! Akala ko ba..." tinuro niya ko habang nakatingin kina Shana at Alesia na mukhang natigilan sa sinabi ko. Kailangan na kailangan ko na talaga ng trabaho dahil hindi ako sigurado kung mabubuntis ba ako o hindi kahit na ayaw ko talaga at hindi puwede. Pinalayas ako ni Daddy para magsimula ako, hindi ko maimagine ang sarili kong malaki ang tiyan na nagmamakaawa sa harap ni Daddy na tanggapin niya ako ulit para sa anak ko.
"Akala ko ba tibo ka? Huwag mong sabihing nagbalik-loob kana dahil sa mga pokpok mong kaibigan?" naghihisteriya na ang tita kong bakla na naibaling galit kina Shana at Alesia, na mas nagulat sa sinabi ni tita Raine sa kanila. Sabay pa silang napahawak sa dibdib na parang tamang-tama sila sa sinabi ni tita Raine.
"Grabe naman sa pokpok, tita Raine!" OA na reaksyon ni Shana na hawak parin ang dibdib.
"Oo nga, hindi kamin pokpok. Slight lang pero na hindi kami pokpok!" pagmamalaki naman ni Alesia na inamin rin na isa siyang pokpok.
"Tingnan mo! Tingnan mo! Iyan ba ang natutunan sa mga babaeng 'yan?! Pinalayas kana nga, wala ka pang trabaho at buntis ka pa. Pasalamat ka't may condo ka at kotse ka pa! Hindi ko alam na lalala ka ng ganito, Aki!" stress na si tita Raine. Prente lang akong nakadekwatro at medyo ginagalaw pa ang paa ko, nililibang sarili.
"At nasaan ang lalaking bumuntis sayo? Wala, iniwan ka dahil isa kang tomboyin? Hindi ka ba nag-iisip, ikaw lang kaisa-isang anak ni Alexander! Kung magiging tomboy ka, ayusin mo naman ang ugali mo! Isa ka talagang sakit sa ulo, mabuti pa't ikuwento mo ang nangyari ng malaman ko!" hinila niya ang monoblock sa gilid at umupo sa harap ko sa pinakamaarteng paraan at pinagkrus ang kaniyang braso. Ang daming sinabi, ipapakuwento lang pala sa akin iyong nangyari.
"Medyo harsh iyong sinabi niya pero tama" rinig kong bulong ni Shana nang akmang magkukuwento na ako. Sinamaan ko lang siya at sinimulan ko nang magkuwento.
"Isa kang malanding tomboy! Umamin ka nga sa akin tibo ka ba talaga?" react kaagad ni tita Raine matapos kong magkuwento. Ang sarap sigurong baliin ng buto ng baklang 'to.
"Lasing nga ako, tita. Lasing! Nadala lang ng alak!" dahilan ko na totoo naman talaga. Kung nasa wisyo ako ay hindi ako mamomroblema ng ganito. Patong-patong na tuloy problema ko, pasalamat nalang ako na mayroon akong condo at kotse pati cellphone na rin.
"Eh ano ngayon kung lasing ka? Baka naman nagustuhan mo rin dahil gwapo?! Kung maganda at mayaman 'yang Hana na 'yan paniguradong gwapo at mayaman din ang pinsan niya. Doon ka magmakaawa at humingi ng pera! Tomboy tomboy ka pa diyan, ayan baka buntis ka pa!" maarte siyang napasapo sa kaniya noo, mukhang namomroblema na rin sa akin. Kinamot ko ang noo ko habang nakatingin sa kaniya na mukhang hirap na hirap na. Ang dalawang lokaret ay tahimik rin pero kumakain parin.
"Teh, nakakadagdag ng sexual desire ang alak kaya naman ganoon ang nangyari. Be, ang sabi mo lasing ka diba? Tsaka first time mo pa, kaya gano'n. Naku! Danas na iyan, nabuntis nga rin ang pamangkin ko noong lasing siya tapos ginalaw pa siya ng kaklase niya. Kaya naman nagsearch ako tungkol sa epekto ng alak na 'yan. Simula noon ay hindi ako uminom ng alak, be, katakot baka majontis!" biglang sabat ng bakla na malaking tsek sa sa mukha. Napatingin kaming lahat sa kaniya maging si tita Raine ay napaangat ang tingin sa baklang kaninang inaayusan niya. Hindi namin na nandito parin siya at nakikinig na rin pala sa amin.
"Totoo ba 'yan, Doray?" tanong ni tita Raine na sinulyapan pa ako saglit at binalik ang tingin sa baklang Doray.
"Ay true! Subok ko na rin!" sagot naman nito. Napangisi ako at sinulyapan si tita Raine na bumuntong hininga. Hindi kasi ako masyadong makapagdahilan kapag siya ang kausap ko, paniguradong mapupuno ng laway niya ang mukha ko sa kakadada niya. Minsan pa nga ay lumalayo na siya kaya pinapabayaan ko nalang.
"Kahit na ganoon pa, hindi parin ako papayag na dito ka magtrabaho! Ayokong tumambay ang mga lalaki rito dahil sayo!" napakamot naman ako sa ulo ko habang nakasimangot. Akala ko naman ay bibigay na eh. Kaya lang naman gusto ko rito ay dahil sa easy money, alam ko naman na hindi ako pahihirapan ni tita Raine.
"Tomboy nga ako at alam niyo iyon. Ngayon na pinalayas na ako ni Daddy, puwede ko nang ilantad panigurado ang taglay kong kagwapuhan" pagmamayabang ko na sinuklay pa ang mahaba kong buhok at kumindat sa kanila. Kinindatan ko pa ang baklang Doray.
"Ang ganda ganda niya teh!" hinampas pa ni Doray si tita Raine matapos niyang sabihin iyon. Napasuntok nalang ako sa palad ko at walang tunog na nagmura. Kakasabing lang guwapo eh!
"Ay hindi ako papayag! Tomboy ka nga, babae ka parin pati iyang katawan mo. Tingnan mo nga iyang dyoga mo, mas malaki kaysa sa mga pokpok mong kaibigan!" pang-iinsulto naman sa akin ni tita Raine. Narinig ko naman ang OA na react ng dalawa na kumakain parin. Hanep!
"Edi saan ako magtatrabaho?!" inis na saad ko. Naiirita na ako! Dalawang libo nalang pera ko, ubos na ang mga pagkain sa bahay, hind na gumagana ang kagwapuhan ko kay tita Raine, pinalayas ako ni Daddy, ang mga kaibigan ko lokaret parin, wala akong trabaho at higit sa lahat baka buntis pa ako. Hayop na buhay iyan, ang pangit ko namang tingnan na tomboy at buntis pa.
"Isa lang ang solusyon rito, alam mo kung ano?" seryosong tanong ni tita Raine habang isinesenyas ang palad na lumapit ako, may pa-intense pa ang payatot na bakla. Napalapit naman ang dalawang lokaret pati si baklang Doray, hinihintay ang pasabog ni tita.
"Ano?" sabay-sabay na tanong namin sa kaniya na halos magpalit-palit na kami ng mukha sa sobrang lapit namin sa isa't isa.
"Bumalik kana sa mansyon at mag-aral ka" seryosong sagot naman nito. Agad naman akong umatras at sumimangot, bumuntong hininga pa ako at nagbaba ng tingin. Nang mag-angat ako ay nakatingin sa akin silang lahat. Napako ang tingin ko kay tita Raine ng magsimula itong magsalita.
"Sinasabi ko sayo, bumalik kana sa inyo at mag-aral ka. Tigilan mo na ang pagpapakasaya mo kaya tingnan mo, anong nangyari sa iyo ngayon? Hindi habang buhay aasa ka sa mga tao na nasa paligid mo, napapagod ang Daddy mo, napapagod ako, napapagod din kami. Ikaw lang ang kaisa-isang anak ng ni Alexander, ikaw ang magmamana ng kompaniya at kapag dumating ang araw na ikaw na ang hahalili, anong gagawin mo? Magpapakasaya gaya ng ginagawa mo?" naging tahimik ang paligid at tanging ingay ay nagmumula sa ceiling fan. Hindi nagawang umimik nina Shana at Alesia.
"Sa tingin mo ba matutuwa si Kalisha kung nabubuhay pa siya hanggang ngayon?" banggit niya sa Mommy ko. Napalunok ako nang magsimula nang manubig ang mga mata ko. "Huwag ka sanang magalit sa akin kung hindi kita masusuportahan sa gusto mo ngayon. Pero kung magagalit ka tatanggapin ko, tatanggapin ko iyon ng buong-buo. Hindi ako masasaktan dahil alam ko sa sarili kong ginawa ko ang tama."
Tumatak sa isip ko ang lahat ng mga sinabi ni tita Raine. Nalilito parin ako kung babalik na ba ako kaagad kay Daddy o ipapakit ko muna sa kaniya na kaya kong maging independent. Saka ako napaisip, saan na ako pupulutin kapag wala na si Daddy? Bumuntong hininga nalang ako at bumaba mula sa kotse ko matapos kong magpark. Pinapauwi na si Shana ng Daddy niya, ganoon din si Alesia na sinundo ng driver nila. Gusto rin naman nilang tumulong pero ayokong humingi ng pera sa kanila lalo na't pareho silang nag-aaral.
Bago sila umalis ay pinilit nila akong mag-aral. Parehong business ang tinake ng dalawa dahil na rin sa kagustuhan ng pamilya nila. Handa silang tumulong sa akin pero paano kung sa proseso ay bigl kong malaman na buntis pala ako? Sayang rin. Tsaka magiging busy din sila dahil graduating na sila sa pasukan. Eh ako?
Nabalik ako sa kasalukuyan ng may mabangga akong babae papasok sa building."Sorry, Miss!" ako na ang kumuha sa bag niya at binigay sa kaniya iyon.
"Thank you. Akalesha? What's with your outfit?" nagulat naman ako, si Hana pala 'to. Matamis siyang ngumiti sa akin. Paasa ka naman. Napatingin naman ako sa suot ko? Ano namang mali? Nakasweatpants ako at t-shirt ako.
"You look sexy! By the way, I'm with my cousin-" masayang balita niya na bad news sa akin. Agad naman akong nagpaalam sa kaniya. Ang cousin niyang manyak.
to be continued...