مُتابعين إلحاد عاطفي الجُمال حابة أقول كلمتين بخصوص الرواية ، فكرة الرواية كانت من الأول بلا هدف مجرد تسلية لحد ما بدأت أحط أفكار بين السطور .. الرواية مش فاضلها كتير أوي عشان مش عاوزة أبقى بمط
كنت عايزة أوضح شوية حاجات منها
١_ البطلة مش لازم تكون شخصية كيوت و حبوبة بل ممكن تكون شخصية سلبية وعندها مشاكل نفسية مش بس البطل.
٢_ البطل عادي جدًا يكون چنتل ومثقف و sweet talker وبيعرف يتعامل مع البنات ، مش لازم يكون قاسي ولا باد بوي ولا حتى غني إنسان طبيعي شكلًا و موضوعًا بس عنده شخصية مميزة وده المهم.
٣_ الأحداث تكون قريبة من الواقع والشخصيات تكون بسيطة وبتقضي يومها زينا بالظبط.
٤_ أدهم زيه زي باقي الشباب إلي في مجتمعنا متولدش في بوقه معلقة دهب لا إتظلم وتعب في دراسته وكافح عشان بس يوفر لنفسه مصروف يومي.
٥_ مِيرال كانت معتمدة على نفسها رغم كل إلي كانت بتعاني منه وبساعدة أدهم فـ هي قدرت تخرج من الـ zone بتاعتها ، بتدرس في كلية عادية وبتشتغل زي أي بنت مننا.
٦_ الأهل مش قاسيين ولا مستبدين خالص بالعكس كانوا دعم للاتنين.
٧_ أحداث الرواية إن شاء الله إن شاء الله مش مملة بالنسبة لناس كتير عشان في مواقف و مشاكل وتقلبات وده إلي كان نفسي أوصله.
٨_ وأخيرًا حاولت إنه الرواية تكون قريبة من قلوبكم وتحبوا أبطالها لبساطتهم مش إنبهارًا بيهم.
بحبكم وأشوفكم في الفصول الجاية بإذن الله. ♥️
وأي حد عنده تعليق سلبي أو إيجابي يهمني أسمعه ولو حابين تنقاشوني في حاجة بخصوص الرواية أو مش بخصوص الرواية فـ بردو يسعدني جدًا. ♥️🌿