إلحاد عاطفي.✓

٣٥_ إدعاء الفضيلة.

رغم كل شيء هي تُتابعهُ يوميًا تقرأ منشوراته وتتفاعل معها ، حتى إنها صارت تتفق معه في جميع آرائه حتى التي كانت مُخالفة لها ، وفي ليلة كانت مستلقية على الفراش تُتابع صفحته كالعادة رآت إحدى التعليقات المُستفزة

" يعني حضرتك بتتكلم عن الكرتون إلي هو شيء لا يُذكر جمب كل المحتوى الإباحي إلي مالي التايم لاين و وكل السوشيال ميديا ، ده أنهي منطق بيقول كده؟
عندك متابعين أتكلم في حاجات مهمة مش كرتون وهبل. "

« أم صُرم » هكذا همست ملك وهي تضع لها أغضبني على تعليقها ، لم تمر دقائق إلا و وجدت تعليق لساهر يحمل رابط لمنشور من منشوراته ثم رد بتعليقٍ آخر

" مبدئيًا أسلوب حضرتك أنا مش قابله و واضح من صورة البروفايل أنه سنك صغير فـ احترمي فرق السن على الأقل ، ثانيًا ده لينك بوست أتكلمت في عن الـ محتوى الجنسي المُنتشر على السوشيال ميديا وفي الأفلام من حوالي شهر ، كُونك مشوفتيهوش مش مشكلتي أنا بقى
بعد كده تقدري تعملي skip للبوستس بتاعتي عادي جدًا أو اعملي لي بلوك. "

ضحكت بخفوت وهي تدعم تعليقه ، انتقلت للمنشور الذي وضع الرابط الخاص بهِ

" الـ sexual contact , طبعًا حضرتك هتدخل تشتم قبل ما تقرأ بوست وتقول دكتور ساهر بيقول كلام قليل الأدب ، حاليًا إنتشر نوع غريب من الميمز وهي الميمز الديرتي طبعًا كلنا عارفنها وعارفين أنه محتواها جنسي بَحت ومع ذلك بنهاها ونضحك و شير قد كده ، والموضوع منتشر في الأفلام كمان و الروايات و كل حاجة حرفيًا ، طب ليه يا شباب ؟ مش هنعرف نعيش من غير إيحائات جنسية وهزار +١٨ يعني ؟ المجتمع هيخرب لو منشرناش الكوارث دي ؟ ليه نعمل محتوى بالشكل ده تحت مُسمى الهزار! بشوف حاجات غريبة الحقيقة في أغاني وأفلام وفيديوز ، وبسأل نفسي استفدت إيه لما طلعت فيديو غير أخلاقي بالشكل ده؟ و كمان حرام وهتاخد عليه ذنوب ؟
ضحكنا.. حققت الكوميدية.. لأ ، المحتوى ده عادًا مش بيبقى مضحك أوي كده هو بس بيشبهنا بالحيوانات إلي بيتبعوا غرائزهم وبيهزروا فالي يصح وإلي ميصحش ، و طبعًا كله كوم وجسم الست إلي بيتعمل عليه حوارات ده كوم ولو قلت لهم تصليح مرأة هيشهقوا فزعًا من هَول الجملة ويقولك كُنا بنهزر ، مش أي حاجة نهزر فيها يا شباب اتقوا الله شوية في نفسكوا وإلي حواليكوا و فكروا انكوا هتقابلوا ربنا بالكلام ده كله و لو إنتَ مش بتصنع المحتوى ده لكنه بتدعمه زي الأفلام إلي بتشجع على التحرش وكلها إيحائات فأنتَ عليك ذنب ومشارك في الجرمية ولو حتى بلايك أو متابعة.. إنتَ مش عايش لوحدك مجتمعنا بتاعنا كلنا. "

رغبت بالتصفيق لهُ على كلماته ولكن هالها التعليقات السلبية مثل: " شاهدوا الشيخ ساهر إلي بيلبس سلسلة جاي ينصحنا. " ، " أفلام إيه إلي بتشجع على التحرش البنات هما إلي بيمشوا قالعين حد يقول للنعمة لأ. " ، " وأنتَ مالك أهلك! " ، " وهو بقى البوست بتاعك إلي هينشر الفضيلة في المجتمع ، بطل مثالية وادعاء الفضيلة عشان كلنا عارفين إلي فيها. " ، " ناقص ترفع علم يا جدع يخربيت الضحك. " .