إلحاد عاطفي.✓

١٩_ نعمة وجودك.

"‏وأجهل حين أكون بحضرة عينيكِ
‏ماذا أريدْ، وما لاأريد
‏ولم يكن الحبّ شيئاً جديداً عليّ
‏ولكن حبكِ كان الجديد. "

تستيقظ على صوت رسالة تفتحها فـ تتسع إبتسامتها و كأنه وهبها الحياة

_ نزار قباني ؟
_ حصل ، بحب الراجل ده.
_ وأنا كمان.

تنهدت براحة و نهضت من نومتها

_ فطرت ؟
_ أنا لسه على السرير و حياتك.
_ +1 ، بس بما إنك على السرير إتصور صور و إبعتهالي.
_ لازم ؟
_ لازم.

أعادت الكلمة خلفه بإصرار لتجده يكتب ما لبثت أن إنفجرت ضاحكة

_ طب إستني أستر نفسي الأول.
_ لأ لأ ، زي مانتَ.

أرسل لها مُلصق بوجه خبيث

_ آه يا سوسة ، بس ماشي مترجعيش تزعلي.

أغلق تطبيق "الواتساب" تزامناً مع نهوضها من الفراش ، خرجت من الغرفة تتوضأ و عندما عادت وجدته قد أرسل الصورة لتتأوه بإنبهار هامسة

_ جمال ودلال والله العظيم.

تنفست بعمق وهي تتأمل الصورة ، خصلاته مبعثرة و عيناه الناعستان قد إزدادا خمول معطية إياه مظهر ناعِس مُثير صدره عاري كما توقعت و جزئه السُفلي لم يغطيه سوا سروال قصير أقصر مما رأته سابقاً

_ أدهم حبيبي إنتَ مش سقعان ؟

عاد يرسل لها ملصق " حمدي الوزير " الشهير تبعه برسالة صدمتها

_ حُبك مدفيني يا قمر.
_ مُتحرش مُتحرش يعني.
_ يعني أنا أبقى جود بوي وأحترم نفسي مش عاجب أبقى باد بوي و قليل الأدب و أطلق العنان لسفالتي مش عاجب ، أعمل إيه أنا أقطع نفسي.
_ لا أستر نفسك و إنزل نفطر سوا.
_ حلو الجزء التاني من الجملة إنما الجزء الأول مش عاجبني ، هو لازم يعني ؟

وضعت يداها على رأسها بتعب

_ لو حابب أمي و أختي يشوفوك بالبوكسر مفيش مشكلة.
_ يعني إنتِ عادي و الحاجة و ملك لأ إيه الظلم ده !
_ أنا دكتاتورية و رأس مالية و بحب ممتلكاتي ، في مشكلة ؟
_ ده معناه إني من ممتلكاتك ؟

ألصق برسالته إيموچي يغمز لتضحك بصخب

_ عندك مانع ؟
_ هو أنا أطول يا ستي ده يوم المُنى لما أبقى من ممتلكاتك يعني.
_ أدهم يلا خلص و هات طنط معاك عشان الشات ده بدأ ياخد منحني غير لائق.
_ يا بتاعت الأخلاق و القيم يا جامدة ، بس حاضر هجيب الحاجة و أنزل يلا سلام هتوحشيني لحد ما أنزل.

قفزت من مكانها تحتضن الهاتف و تقبله قبل أن تقتحم ملك الغرفة لتفزع الأولى

_ أوه حاسة إني قاطِعت حاجة.
_ أنا إلي قطعت الخلف يا شيخة منك للَّه ، في إيه ؟
_ ماما بتقولك كلمتي أدهم و قلتِ له.
_ آه يا أختي كلمته و نازل.