[COMPLETED] ဗီလိန်ဗျူဟာ || ဘာသာပြန်

[၅.၁] မိစ္ဆာဘုရင်ရွှမ်လီ။

သူထိုသို့ပြောလိုက်ရာ ကျန်းမိုလုံ၏အနောက်မှာရှိသည့်လင်းယင်ဂိုဏ်းသားများအားလုံးက သူ့ကိုဒေါသတကြီးစိုက်ကြည့်လိုက်ကြပြီး တချို့ဆိုရင်ဓားပင်ဆွဲထုတ်နေကြသည်။ သို့ပေမဲ့ ကျန်းမိုလုံကတားလိုက်သည်။ ရွှမ်လီ၏မျက်နှာထားကအေးခဲသွားကာ ခဏအကြာတွင်သူပြောလိုက်သည်။
"မင်း.....ဘာပြောလိုက်တယ်?"

ကောင်လေးကမျက်နှာသေဖြင့်ကြည့်လာသည်။ ရွှမ်လီကသူ့ဆီမှအဖြေမရသဖြင့် ထပ်မေးသည်။
"ဘယ်သူသေသွားတာလဲ။ ကျန်းရွှင်းယီလား။ ကျန်းရွှင်းယီသေသွားပြီလား။"

သူ့အသံကကျယ်သထက်ကျယ်လာကာ လူတွေ၏နားထဲတွင်ပဲ့တင်သံထပ်နေရော့သည်။ လူစုကြီးကရွှမ်လီ၏ဖိအားသက်ရောက်မှုကိုခံစားနေကြရကာ မည်သူကမှသူ့ကိုပြန်မဖြေပေ။

အဆုံးတွင် ရွှမ်လီကသွေးရူးသွေးတန်းထရယ်တော့သည်။
"ဟားဟားဟားဟား! ကောင်းသောသေခြင်း! ကောင်းသောသေခြင်းပဲ!"
သူယွင်ရှဲ့ကိုကြည့်လိုက်သည်။
"အဲ့ကောင်လေးကအမြဲတမ်း ရိုင်းစိုင်းတယ်၊ မောက်မာတယ်၊ ပြီးတော့ သူ့သိက္ခာနဲ့မတန်တာကိုလုပ်တယ်။ မိစ္ဆာဘုရင်အနေနဲ့ အဲ့ကောင်လေးက မိစ္ဆာတွေဆီကနေအကူအညီတောင်းတယ်ဆိုတာကို ငါတကယ်မသိခဲ့ဘူးပဲ! စိတ်ဝင်စားစရာပဲ! အရမ်းကို စိတ်ဝင်စားဖို့ကောင်းတယ်!"

ဤကဲ့သို့ရွှမ်လီ၏ ပါးစပ်မှလှောင်ပြောင်သည့်စကားတွေတရစပ်ပြောနေတာကိုမြင်လိုက်ရရင်း ကျန်းရွှင်းယီအံ့အားသင့်မိသည်။ သို့သော် သူ၏စာအုပ်ဇာတ်ကြောင်းကိုနားလည်နိုင်စွမ်းမှာ သူသေဆုံးတဲ့အချိန်တွင်ရပ်သွားသည်။ ရွှမ်လီကတကယ်ပဲပြန်လည်ရှင်သန်လာတာလား၊ ယွင်ရှဲ့ကရောအမှန်တရားကိုရှာဖွေအုံးမှာလား...
သူမသိတော့ပေ။ ရွှမ်လီကိုသွားတားရင်ကောင်းမလားဟု တစ်ခဏလောက်တုံ့ဆိုင်းနေပြီးနောက်တွင် သူကရွှမ်လီကိုစကားပြောဖို့ခွင့်ပြုပြီးနေပြီဖြစ်သည်။

ယွင်ရှဲ့သူ့လက်ထဲကဓားကိုခပ်တင်းတင်းဆုပ်လိုက်မိသည်။ လတ်ဆတ်သောသွေးကငွေဖြူရောင်ဓားသွားကိုဖြတ်၍ အက်နေသည့်ကျားပါစပ်အတွင်းကိုကျဆင်းသွားသည်။ မျက်စိလျင်တဲ့သူတွေသာလျှင် ထိုဓားကကျန်းရွှင်းယီ၏ကိုယ်ပိုင်ဓား'ဖျက်ဆီးရေးပန်းကလေး(မဲ့ဟွား)'ဆိုတာကို သိပေလိမ့်မည်။ ယွင်ရှဲ့၏ကိုယ်ပိုင်ဓား'တောက်ပသောမြစ်(မင်ဟဲ့)'ဘယ်ရောက်သွားသလဲဆိုတာကတော့ သိပ်ပြီးမရှင်းလင်းပေ။