!unicode!
အခန်း(၆၈) ယွင်ဂိုဏ်းချုပ် - ၂
........
"ယွင်ဂိုဏ်းချုပ်!"
"ယွင်ဂိုဏ်းချုပ်!"
"ကြည့်! ယွင်ဂိုဏ်းချုပ်က ဒီမှာရှိနေတယ်ကွ၊ ငါတို့အကယ်ခံရပြီဟေး!"
သူတို့သည် ယွင်ရှဲ့အားမြင်လိုက်ရသည်နှင့် စိတ်လှုပ်ရှားနေသည့်လူတွေကိုကြည့်ရသည်မှာ မဏ္ဍိုင်ရှာတွေ့သွားသည့်ပုံပေါ်ကာ သူတို့ဟာ အံ့သြဝမ်းသာစွာဖြင့် သူ့ကိုဝန်းရံလိုက်ကြပေသည်။ ဤဂိုဏ်းငယ်လေးများ၏မျက်လုံးထဲတွင်တော့ ထင်ရှားကျော်စောသည့်ယွင်ရှဲ့ကား သဘာဝကျကျပင် ထောင်စောင့်အဖြစ် အကြိမ်တော်တော်များများဝင်ထွက်ခဲ့သော ကျိုးကျန့်ဖန်ထက်ပို၍ပင်ယုံကြည်စိတ်ချထိုက်ပေ၏။ စိတ်လှုပ်ရှားမှုအပြည့်ဖြင့် သူတို့စုဝေးလာကြသည်။
"ယွင်ဂိုဏ်းချုပ်၊ စိတ်ဝိညာဥ်စင်မြင့်ကျောက်စိမ်းညီနောင်က တကယ့်ကို ဂုဏ်ကျက်သရေနဲ့ထိုက်တန်လှပါပေတယ်! ခင်ဗျားကျွန်တော်တို့ကိုအပြင်ထုတ်ပေးမှာလား။"
"ဒီနေရာက ဘာကြီးလဲ၊ ကျုပ်တို့တွေကိုဒီမှာကြုံရာကျပန်းအကျဥ်းချထားခဲ့တာ။ယွင်ဂိုဏ်းချုပ်၊ ခင်ဗျားဘေးက တစ်ယောက်က ယုံကြည်လို့ရရဲ့လား။"
"ဒီနေရာကလူတွေက အရမ်းရက်စက်ကြမ်းကြုတ်ကြတာ၊ ကျွန်တော်တို့ဂိုဏ်းထဲမှာ ရှစ်ရှုန်းသုံးယောက်ပဲကျန်တော့တယ်။ ကျန်းသခင်လေးရော လာမှာလား။ ခင်ဗျားတို့အပြင်မှာတွေ့ကြမှာလားဟင်။"
"ယွင်ဂိုဏ်းချုပ်.."
"လူတိုင်းပါးစပ်ပိတ်ထားကြ!"
လူတိုင်းဟာ ပွစိပွစိနှင့် ဆူညံပွက်လောရိုက်နေကြလေရာ ယွင်ရှဲ့သည်းမခံနိုင်တော့ပေ။
"မင်းတို့ပြောတာကို ငါနားလည်တယ်။ ဖြေဆေးသောက်ပြီးသွားရင် အားအင်ချွေတာတာပိုကောင်းလိမ့်မယ်! ငါနားမလည်တာက မင်းတို့တွေမှာ ခြေတွေလက်တွေနဲ့ ဦးနှောက်ရှိတယ်ဆိုရင် ငါ့အနားမှာဘာလို့စုဝေးနေကြတာလဲဆိုတာကိုပဲ။ တကယ်လို့ ငါမလာရင် မင်းတို့မထွက်သွားကြတော့ဘူးလား။ မင်းတို့ဒီမှာပဲသေကြမှာလား။"
YOU ARE READING
[COMPLETED] ဗီလိန်ဗျူဟာ || ဘာသာပြန်
AdventureAuthor: ကျွေ့ယို့ဟောဖန် Total: 89chapters + 17Extras E'translators: Penhappy(1- 43) and cheerio translation(44 -106) B'translator: JLicz This is just a fan translation. I have a permission from E'translator. All credits to Original Authors & E'tran...