[COMPLETED] ဗီလိန်ဗျူဟာ || ဘာသာပြန်

[၇၃] အီစီကလီရိုက်ခြင်း။

!unicode!

အခန်း(၇၃) အီစီကလီရိုက်ခြင်း။

.....

ယွီဟုန်တစ်ယောက်ရေသောက်နေစဥ်မှာပင်၊ သူဟာ အသစ်ရောက်လာသူ၏တွန်းဖယ်ခြင်းခံလိုက်ရပေ၏။ သူလက်ဖက်ရည်ခွက်ကိုချကာ ဒေါသတကြီးပြောမိသည်။
"ဟေး၊ မင်း..."

ယွင်ရှဲ့လက်မြှောက်ပြီး "ရပ်"ဟူသည့်အမူအရာပြကာ ပြုံးရင်းပြောလိုက်သည်။
"ယွီရှစ်ကျီ၊ ဒီတစ်ယောက်ကငွေရှင်းပေးဖို့ဒီကိုရောက်လာတာလေ၊ မင်းပိုပြီးယဥ်ကျေးသင့်တယ်နော်။"

ယွီဟုန်ထိတ်လန့်သွားရသည်၊ ထို့နောက် သူ့ဘေးရှိလူကိုပြန်လှည့်ကြည့်မိသော် ထိုလူဟာ သူ၏သေဆုံးသွားသောအစ်မကိုရောင်းချခဲ့သည့်ယန်သခင်လေးဖြစ်ကြောင်းမှတ်မိသွားရသည်။ သူ့၌ အခက်အခဲဖြစ်နေသည့်အကြည့်တစ်ခုရှိနေကာ သူသည် ယွင်ရှဲ့အားကြည့်မိသည့်အခါ တုန်တုန်ရီရီဖြစ်သွားရ၏။

ကျန်းရွှင်းယီကပြောသည်။
"မင်းရဲ့ဦးလေးယွင်က သူ့ကိုယ်ပေါ်မှာခြေရာခံအဆောင်ကပ်ခဲ့တယ်လေ။"

ယွင်ရှဲ့သည် ယန်သခင်လေးအတွက် ဝိုင်တစ်ခွက်ငှဲ့ပေးကာ သူ့ဆီကိုတွန်းပို့လိုက်သည်။
"သောက်ကြည့်ပါအုံး။ ဒါကကျွန်တော်မှာထားတဲ့ အကောင်းဆုံးနျူအာဟုန်သေရည်ဖြစ်တယ်။ အစကတော့ မင်းအစ်မကဒီနေ့လက်ထပ်တော့မှာလေ။ ဆိုတော့ မင်းဒါကိုသောက်သင့်တယ်။"

ယန်သခင်လေး၏လက်မှာတုန်ယင်နေလေရာ သေရည်တစ်ချို့ဖိတ်ကျသွားခဲ့သည်။ ယွင်ရှဲ့ကျစ်တစ်ချက်စုတ်သပ်လိုက်ပြီးနောက်၊ သူဟာရုတ်တရက်ဒူးထောက်ချလာသည်။
"သူရဲကောင်းလေး၊ သူရဲကောင်းလေး၊ ဒီလူဆိုးကိုသွားခွင့်ပေးပါ၊ ဒီလူဆိုးကဘာမှမသိပါဘူး။"

ယွင်ရှဲ့ဟာ သူ၏လက်ချောင်းများနှင့်စားပွဲပေါ်ကိုတောက်လိုက်သည့်အခါ၊ ဖိတ်ကျသွားခဲ့သောသေရည်များမှာ ချောမွေ့သောမှန်တစ်ချပ်အဖြစ်ပြောင်းလဲသွားချေသည်။ သူထရပ်ကာ ယန်သခင်လေး၏အကျီကော်လာအနောက်ကိုဆွဲ၍ သူ့အားစားပွဲပေါ်မှောက်ချကာ ဖြည်းဖြည်းချင်းပြောလိုက်သည်။
"ရူးချင်ယောင်ဆောင်မနေနဲ့၊ မင်းကိုယ်မင်းကြည့်လိုက်၊ မင်းမသိတဲ့အရာကိုမင်းမှတ်မိလာနိုင်တယ်။"