[COMPLETED] ဗီလိန်ဗျူဟာ || ဘာသာပြန်

အချပ်ပို: ပြန်အလာကိုမျှော်နေတယ်-(၃)

"ငါ့ဇနီးလေးကိုလမ်းပေါ်ခေါ်သွားခဲ့တယ်"

.............................................................................

ယွင်ရှဲ့သည်ကျန်းရွှင်းယီစားသောက်နေသည်ကိုတစ်အောင့်မျှကြည့်နေပြီးနောက် ချင်းကွမ်အိတ်ထဲမှသေရည်ဝိုင်တစ်ခရားကိုရုတ်တရက်ထုတ်လိုက်၏။ သူကယင်းကိုစားပွဲပေါ်တွင်အပြုံးတစ်ပွင့်ဖြင့်တင်လိုက်သည်။
"ဒါကိုလာကြည့်ကြည့်။"

သေရည်အပိတ်ကိုဖွင့်လိုက်သည်နှင့် ကျန်းရွှင်းယီ၏လှုပ်ရှားမှုများတန့်သွားကာ လှည့်ကြည့်လာသည်။ သူရနံ့ကိုခွဲခြားရန်တဒဂ်မျှအချိန်ယူလိုက်ပြီး နောက်တော့ပြောမိသည်။
"စုန့်လောင်သေရည်?"

ယွင်ရှဲ့ရယ်လိုက်သည်။
"မင်းကငါ့ကိုတော်တော်ကြီးသိတာပဲ။ သေရည်ကောင်းဆိုတာက လူမှန်သူမှန်နဲ့အတူသောက်ဖို့လိုတယ်။ တူတူသောက်ကြရအောင်။ ဒီမှာ လာပြီးအရသာခံကြည့်ချေ။"

ကျန်းရွှင်းယီတစ်ယောက်ဗိုက်ထဲမှာအစာမရှိဘဲ သေရည်တွေအများကြီးသောက်မိပြီး တစ်ခုခုဖြစ်လိမ့်မည်ကို သူစိုးရိမ်မိသဖြင့် ကျန်းရွှင်းယီကိုစုန့်လောင်သေရည်သောက်စေချင်သော အချိန်အတော်ကြာစိတ်အားထက်သန်နေခြင်းမှ သူ့ကိုယ်သူတန့်လိုက်သည်။ ယခုတွင် သူသည်စိတ်လှုပ်ရှားမှုအပြည့်ဖြင့် တစ်ခွက်ထည့်ပေးကာ ကျန်းရွှင်းယီဆီတွန်းပို့လိုက်၏။

စုန့်လောင်သေရည်ကား ငြိမ်သက်လျက်ရှိကာ သောက်သောသူအားခေတ္တမျှရီဝေဝေဖြစ်သွားစေသည်။ ၎င်းမှာ နှင်းများဖြင့်အမှတ်အသားပေးထားသော ဆောင်းရာသီနေ့ရက်များအတွက် ပြုလုပ်ထားသောရွှေရည်နှယ်။* ဒါကတကယ့်ကိုကျော်ကြားသောသေရည်ပါတကား။ ကျောက်စိမ်းခွက်ထဲတွင်လောင်းထည့်ထားသောသေရည်မှာ ရွှေရောင်ဖြင့်ပျစ်ပျစ်လေးဖြစ်နေကာ မွှေးပျံ့၍ ချိုမြိန်ယစ်မူးစေပေသည်။

ကျန်းရွှင်းယီခွက်ကိုခါလိုက်သည်။
"ဒီလိုသေရည်မျိုးပျောက်သွားတာကြာပြီလို့ငါထင်တယ်။ ဒီသေရည်အစစ်ကိုရှာဖို့်မင်းအတွက်တော်တော်ခက်ခဲခဲ့မှာပဲ။"

"မင်းရဲ့မွေးနေ့အတွက် ငါကကောင်းတာတစ်ခုခုကိုရှာပေးရမှာပေါ့ကွာ။"