ဒါပေမယ့် ဒီအခိုက်အတန့်တွင် ဤကဲ့သို့အမှန်တကယ်မရှိသည့်ဇာတ်ကောင်လေးအတွက် သူဘာကြောင့်များဝမ်းနည်းပူဆွေးနေသလိုခံစားနေရတာပါလိမ့်။
'အိုး...ကောင်းပြီလေ...ဘာပဲဖြစ်ဖြစ် ဒါတွေအားလုံးကို..နောက်ကျရင် မေ့သွားမှာပဲ။'
ကျန်းရွှင်းယီမျက်လုံးမှိတ်လျက် နောက်ဆုံးအနေဖြင့်အသက်ကိုအဝရှူလိုက်ပြီး
"ယွင်...ရှဲ့....ငါ....မင်း..."
[Beep...Beep...Beep...OOCသတိပေးချက်! ဇာတ်ဆောင်တွေရဲ့ လမ်းကြောင်းမှာ အမှားဖြစ်သွားတဲ့အတွက် ဇာတ်ကောင်တွေရှုပ်ထွေးသွားပါတယ်။ ထို့ကြောင့် လုပ်ဆောင်ရမယ့်တာဝန်မပြီးမြောက်သေးပါ။ ပြန်လည်ရှင်သန်ခြင်းစနစ်ကိုဖွင့်လိုက်ပါပြီ! ]
ဤစကားလုံးများကို သူစိတ်ထဲတွင်ရုတ်တရက်ကြားလိုက်ရသည်။
'ဘာ?! ဒါက ရေးထားတဲ့ဇာတ်ညွှန်းပဲလေ၊ ဟုတ်တယ်မလား?'
ကျန်းရွှင်းယီအသက်ပြင်းပြင်းရှူ၍ ရန်တွေ့ဖို့ကြိုးစားလိုက်သည်။ သို့ပေမယ့် သူအသက်ရှူလိုက်ပြီးနောက် ထွက်သက်ကိုဘယ်တော့မှပြန်ရှူမထုတ်နိုင်တော့ပေ။
'သူသေသွားပြီ'
"သူသေသွားပြီ"
ယွင်ရှဲ့ကား သူ့ရှေ့တွင်လဲကျသွားသည့်သူကို ဗလာသက်သက်စိုက်ကြည့်နေမိသည်။
သူသည်ဘာဖြစ်သွားမှန်းမသိသေးသည့်ပုံပင်။
ကျန်းရွှင်းယီ၏လဲကျသွားသောခန္ဓာကိုယ်ထဲမှသူ့ဓားကိုဆွဲထုတ်လိုက်သည့်အခါမှသာ ရေခဲတမျှအေးစက်သောအသံကဒီစကားကိုသူ့အားပြောလိုက်တာကို ကြားလိုက်ပုံရသည်။'ဒါ...ဒါ...လုံးဝ မဖြစ်နိုင်ဘူး..!'
အိပ်မက်မှနိုးထလာသည့်နှယ် သူတောင့်တင်းစွာဒူးထောက်ချလိုက်မိသည်။ ကျန်းရွှင်းယီ၏ သွေးထွက်လျက်ရှိသောဒဏ်ရာကို သူ့လက်ဖြင့်ဖိပေးလိုက်ချင်ပေမဲ့ သူ၏လက်တို့မှာအဆက်မပြတ်တုန်ရီနေခဲ့သည်။
မျက်ရည်များမှာ သူ၏မျက်လုံးထဲမှတဆင့်သူ့ပါးပေါ်စီးကျလာပြီး အဆုံးမဲ့လှပကာ အပြစ်အနာအဆာကင်းသည့်မျက်နှာလေးကိုဖြတ်၍ အောက်ကိုစီးကျသွားသည်။ ထို့နောက် ရေခဲအဖြစ်တဖြည်းဖြည်းချင်းပြောင်းလဲသွားတော့သည်။
YOU ARE READING
[COMPLETED] ဗီလိန်ဗျူဟာ || ဘာသာပြန်
AdventureAuthor: ကျွေ့ယို့ဟောဖန် Total: 89chapters + 17Extras E'translators: Penhappy(1- 43) and cheerio translation(44 -106) B'translator: JLicz This is just a fan translation. I have a permission from E'translator. All credits to Original Authors & E'tran...
[၁] ပြက်ရယ်ပြုချင်စရာပြဇာတ်ဆန်သောအဖွင့်။
Start from the beginning