احببتها عنيده

(البارت الثالث عشر _الجزء الثالث)💎

كلهم دخلو اوضهم
آسر وركان ف اوضه
أنس و سليم ف اوضه
تاليا و مليكه سوا
ريتال و سيلا سوا
سلمي و جنى
جوري وريناد سوا
روضه لوحدها في اوضه
كلهم من تعب السفر ناموا ومصحوش غير بعد الضهر
كريم : ده كله نوم
ورد فتحت عين واحده: علي فكرا انا بقا انا صاحيه قبلك بس مقومتش
كريم : تعالي اقفي معايا هنا شويه نبص علي البحر
ورد قامت و وقفت قدامه ورفعت حواجبها: لا والله تبص علي البحر وعلي البنات
كريم ضحك : يعني علي حسب
ورد: لا والله
كريم : اللي هناك دي حلوه علي فكرا
ورد بغضب : لا مش حلوه
كريم : لا حلوه
ورد : احلي مني يعني
كريم ابتسم: هي حلوه ونتي مينفعش يتقال عليكي حلوه مينفعش اوصفك بصفه ممكن تتوصف بيها غيرك!!
ورد ضحكت: إذا كان كدا ماشي ، لحقت نفسك
كريم : ما تيجي ننزل نشوف اي الوضع تحت عشان انا جعان نشوف البوفيه فتح ولا لا
ورد : عرفت قيمه الاكل بتاعي مش مضطر ننزل انا كنت جايبه اكل معايا للأوضاع اللي زي دي وعملاه ب ايديه ، بس استني انا معرفش العيال كلوا ولا صحيوا اساسا ولا لا
كريم ضحك : طب استني هكلم رويتر
آسر : ايوه ي عمو
كريم : بما انك صاحي ف اكيد الباقي كله صاحي
آسر :اه كله صاحي ما عدا روضه او اللي خالتو بتقول عليها السنيوره
كريم ضحك: كله كله صاحي
آسر : اه احنا قاعدين علي الشط كلنا بس معرفش عمو زين فين و لا عمتو كارما وسيلا معاها و ماما قاعده معانا وبابا لسا جاي هناك اهو
كريم : طب انا نازلكم
ورد : في اي
كريم: عايزك تفهمي اللي هقوله كويس
كريم حكالها علي اللي حصل بين يوسف ومريم
ورد اضايقت: وازاي يعمل كدا ليه يخبي عليها ويكدب لو مبيعملش حاجه غلط
كريم : عارف انه غلطان وهو عارف انه غلطان بس هو معملش حاجه غلط ف حقها يعني مبصش لغيرها او حته اعجب بيها ولا كان ف نيته حاجه هو بس مرضاش يشيلها همه وهي عندها مشاكل ف المستشفي واحنا عمالين ندور علي البنت اللي بتعمل المشاكل دي ومضغطوين ف الشغل بسبب في تصميم اتأخر ف هو راح يحكي لحد تاني يمكن يرتاح ده اللي قاله
ورد : طب وبعدين
كريم : لازم تكلمي مريم وتحاولي تخليها تسمعه لأن اكيد عارفه انها مش هتقبل بأي شكل انها تقابله
ف المطلوب انك تحاولي معاها شويه انها تسمعه وهو هيعرف يفهما مع أن ده من رابع المستحيلات بس اهو بنحاول
ورد : بصراحه انا معاها يعني مفيش حاجه ف الدنيا تخليه يكدب طالما مبيعملش حاجه غلط عارفه انه بيحبها وكل حاجه بس ليه ميتكلمش معاها بقالهم العمر ده كله بيشاركوا بعض كل حاجه وجاي دلوقتي يقول اصل مش عايز ازود عليها مريم بقالها كام يوم كل شويه تسأله قدامي مالك وهو يقولها كويس
كريم : اللي حصل حصل بقا دلوقتي المشكله لازم تتحل وكمان معرفش اي اللي زين بيعمله ده هو كمان ومين دي
ورد حطت ايدها علي ايده واتكلمت بحنيه : متحملش هم حاجه ربنا اكيد له حكمه من كل حاجه بتحصل وكل حاجه هتبقي كويسه ، يلا ننزل نشوفهم
كريم ابتسم : يلا
نزلوا..
يوسف: مريم عايز اتكلم معاكي شويه
مريم اتكلمت عادي قدامهم: اقعد ي يوسف استمتع بالشط وكمان انا قاعده مع الاولاد مش عايزه اقوم
كريم جه : ها بتعملوا ايه شكلكم جعانين
ورد: عرفتوا قيمه اكلي ولا لا،يلا عشان تاكلوا
وهما بياكلوا
يوسف بيبص لمريم وعايز يتكلم بأي شكل
كريم بجديه: ان شاء الله تخلصوا اكل وتقرروا.......
واحده ست فجأه صرخت: يلهوووي حد يلحق ابني بيغرق
ركان وآسر وأنس وسليم قاموا راحولها
آسر : مالك ي حجه يتصرخي ليه
الست : ابني ي بني ابني دخل ومطلعش اللهي يسترك تدخل تشوفه انا ست كبيره ونظري علي قدي ومنش شايفه حاجه خالص
آسر : تمام هنزل نشوفه
ركان بجديه : خليك نت انا بعرف أعوم كويس هدخل انا
ورد خافت وقامت : كريم نت هتسيبه يدخل جوه
كريم بخوف مداريه: ابنك مش صغير وعارف هو
بيعمل اي
ركان قلع التي شرت بتاعه ونزل المايه
كلهم قاموا مستنينه يطلع
ورد بخوف: يارب استرها علينا يارب ، ي حبيبي ي بني ، اشمعني هو اللي ينزل فين الغواصين ولا المنقذين ولا اي حد اي الاهمال ده
ركان طلع بعدها بفتره
ركان: مفيش ي حجه حد بيعوم جوا اساسا نتي متأكده انه نزل
الست: والله ي بني ما اعرف
ركان : هو اد ايه
الست : ده شاب
ركان : طب متقلقيش هتلاقي راح مع صحابه كدا ولا كدا
مصطفي جاي بيهزر مع صحابه واتخض لما شاف امه الناس واقفه حواليها
مصطفي: مالك ي أمي
الست بخوف : قلقتني عليك نت كنت فين فكرتك بتعوم جوا
مصطفي: ازاي بس ده انا قولتلك اني هروح اجيب الغدا معاهم
آسر : حصل خير ي حجه
الست : تسلموا ي ولادي ربنا يمنع عنكم الشر
ورد : ربنا يخليهولك ي حجه
ريناد في سرها : صبيان اخر زمن والله
الكل سمعها بس ريناد دارت علي الكلام بسرعه
ريناد : انا بقول نرجع نكمل اكل ولا اي
سليم: اه يلا عشان تقرروا هتعملوا الخطوبه دي فين ولا أمته
أنس : واحنا بنتعشي هنا علي البحر بليل اي رأيكم
كريم : ده قراركم ومحدش يقدر يقول لا خلاص يبقي بليل ان شاء الله مبروك ي ولاد
أنس : الله يبارك ف حضرتك ي بابا
سلمي ابتسمت وكانت فرحانه دي اول مره تحس انها فرحانه او تحصل حاجه في حياتها تفرحها
جنى تلفونها بيرن : ثانيه ي سلمي وجايه
جنى : ايوه عايزه اي
اعتماد : نتي هتيجي امته عشان تتجوزي نتي عاجبك اللي احنا فيه ده
جنى بحزن وقله حيله : اصبري شويه لما اخلص شغلي ولما ارجع هتجوزه
مسعد خد منها التلفون: اسمعي ي بت نتي لو مجتيش كمان يومين بكتير هرميهم في الشارع نتي سامعه
جنى : طيب حاضر انا هرجع كمان يومين
مسعد: بسلامه ي عروسه
جنى قفلت: داهيه تاخدك وتخلصني منك ومن قرفك
ركان كان سامعها وابتسم بسخريه: اي ده نتي كمان هتتجوزي
جنى قعدت قدام مكانها قدام البحر: آه هتجوز محروس
ركان قعد جمبها : مش مصدق نفسي بقا جنى هانم بجلاله قدرها استسلمت بسرعه كدا للأمر الواقع
جنى اتنهدت: مفيش في ايدي حاجه اعملها لازم اعمل كدا عشان اخواتي اي نعم من ام تانيه بس اخواتي
ركان : طب ما نتي بتشتغلي ما تدفعي الفلوس اللي عليكم ليه
جنى : الفلوس اللي انا باخدها دي باكلهم بيها وبجيب لبس وحاجات مدارس وكهربا والمايه و ادي سلمي هتتجوز لازم نجيب لبس وحاجات كتير ليها الموضوع مش هين
ركان : سلمي مش هتحتاج حاجه ، ماما هتجبلها اللي محتاجاه ومش هتحتاج حاجه عندنا نهائي
جنى : مينفعش لازم علي الاقل احنا نجيب اللبس انا عارفه انها مش هتحتاج حاجه بس ده هيحسسها هي براحه ، انا عايزه اسألك سؤال
ركان : مع اني مش بتقبل منك اي حاجه بس ممكن اسمع
جنى : نت مبتعرفش تضحك تفرح
ركان استغرب: لا اكيد بعرف اي السؤال ده
جنى: انا من يوم ما دخلت عندكم مش بشوفك غير متعصب وبس وبتزعقلي
ركان : ما عشان نتي تعصبي
جنى : اهو شوفت اهو ده اللي بقول عليه انا بتكلم عادي ونت ف ثواني بتتعصب
جنى قامت وضمت ايديها وجابت شويه مايه وكبتهم علي وشه : ده عشان وشك المكرمش ده يفك كدا
ركان بصلها : نتي اد اللي نتي عملتيه ده
جنى ضحكت : اده ونص
ركان قام
جنى خافت : لا خلاص مش قده
جنى طلعت تجري علي الشط وهو وراها
فضلت تضحك وهو يجري وراها ودخلت البحر تهرب منه وهو وراها
روضه جت علي الشط وفضلت واقفه تتفرج من بعيد
ورد ابتسمت بفرحه : انا مش مصدقه نفسي بصوا
تاليا : لا انا اكيد بحلم
ريناد و جوري مبرقين
آسر : هو وقع علي رأسه ولا حاجه
أنس ضحك : والله برافو عليكي ي جنى
ريتال: انا عمري ف حياتي ما شوفته مبتسمون قلبه كدا ولا حته بيجري في اي مكان بنسافر فيه
كريم ابتسم ومايل علي ورد : مش بيفكرك بحد
ورد قالت بصوت واطي: بيك لما انا بقيت في حياتك
سليم : براكتك ي ست جنى
فضلوا باصين عليهم وهما فرحانين وبيتكلموا
جنى قعدت وهي مبلوله: يلهوووي خلاص استسلمت
ركان قعد وهو مش بيضحك: اعتقد انهم قاعدين يتكلموا عليا هناك
جنى : عشان تعرف اني مش اي حد برضه ، شوفت اد اي نت جميل وانت بتضحك
ركان بخبث: بجد
جنى : جدا والله ضحكتك قمر وملامحك بتبقي جميله ونت بتضحك كدا ، يعني حد زيك وسيم وطول بعرض وشعر ورائد وغني وعنده كل حاجه ليه بقي ميضحكش لازم تضحك وتفرح وتلعب وتقف تفتح ايدك كدا قدام هوا البحر يضرب في وشك
ركان: ده أنا بتعاكس بقا
جنى : هه لا طبعا انا بس بشجعك هتفضل أستاذ مغرور ويلا قوم علشان مخدش برد بسببك
جنى قامت وهي بتضحك وسابته ومشيت نحيه العيله وهو فضل قاعد باصص عليها ومبتسم وحرك شعره وقام راحلهم
جنى قعدت جمب سلمي بتترعش
ركان : انا جوعت تاني
كلهم ضحكوا
آسر : هو كدا البحر بيجوع
ركان : اي ي جماعه في اي
سليم : لا اصل غريبه يعني بتجري وعلي الشط غريبه
ركان : لا عادي علي فكرا
روضه اتنرفزت: مساء الخير
ورد : ودي ايه اللي جابها دي
ريتال : مساء النور
روضه : عايزه اتكلم معاك شويه ي ركان لو سمحت
ركان نفخ وقال ف سره : نت اللي وقعت نفسك ف القرف ده
ركان ل روضه : حاضر ي روضه هقوم اغير هدومي واجي تتكلمي زي مانتي عايزه
ركان قام يغير وشويه وقامت جنى
روضه راحت وراها : نتي ي خدامه
جنى موقفتش
روضه وقفت قدامها : هو انا مش بكلمك
جنى : كلمتيني انا ؟ نتي بتنادي علي خدامه وانا اسمي جنى لو ناسيه
روضه اتعصبت: لا خدامه خدامه عند أهل خطيبي، بقولك ايه ابعدي عنه احسنلك
جنى ضحكت: لا ي حبييتي انا مش خدامه ومش هحذرك تاني تكلميني كدا ، وبعدين هو انا قربتله عشان ابعد عنه
روضه : بطلي استهبال امال اللي كنتي بتعمليه علي الشط ده اسمه ايه
جنى بغرور: اي اللي عملته علي الشط ، نتي مش واخده بالك ان ركان اللي كان بيجري ورايا ولا ايه ، لو عايزه تكلمي حد ابقي كلميه هو وأساليه عن اذنك بقا لازم اغير هدومي بدل ما اتعب سلام
جنى مشيت فرحانه و روضه وقفت متعصبه وطلعت علي الفندق لاوضه ركان
عند العيله
ورد : مريم انا عرفت اللي حصل اديله فرصه يشرحلك ولو حسيتي انه بيكدب ي ستي ابقي اعملي اللي نتي عايزاه نتي عارفه ان ده سوء تفاهم ويوسف بيحبك ولا نسيتي اللي عمله عشانك اسمعي الكلام ي حبييتي 
مريم بهدوء: حاضر ي ورد هتكلم معاه
كريم : يوسف اتكلم براحه واشرح اللي حصل ومتكدبش لان الستات بتشم ريحه الكدب كدا وما بيصدقوا يلاقو سبب يقنعوا عقلهم بيه انك غلطان ف قول اللي حصل وحاول تصالحها قوم يلا
يوسف: طيب
يوسف: مريم معلش تعالي
جوري: ليه خلي خالتو  قاعده معانا
مريم بابتسامة: ثانيه ي حبييتي وهرجع
مريم ومشيت بعيد عنه شويه علي الشط
يوسف بعد كام دقيقه وقف : مريم اسمعيني بصي والله ما في بيني وبينها اي حاجه نهائي الموضوع مجرد انها صديقه قديمه من ايام الكليه ورجعت عشان شغل وبعدين الفتره اللي فاتت كانت فتره صعبه ف الشغل وكمان في مشاكل ف الفيلا ونتي كنتي مضغوطه ف المستشفي ف مكنتش راضي اشيلك هَم فوق هَمك  واضغط عليكي كمان بمشاكلي ف كنت بضطر أسكت لما نتي كنتي بتساليني ولما نرمين ظهرت بدأت تتكلم عن مشاكلها ف شجعتني اني اتكلم مش اكتر واليوم ده مرضتش اقولك اني معاها عشان عارف هتفهمي غلط
مريم اتعصبت: افهم غلط !!غلط اي انا جيت لقيتك قاعد مع واحده ف كافيه ولسا مكلماك قولت انك ف الشركه اللي بيكدب يبقي اكيد بيعمل حاجه غلط وانا اعرف منين بقا انك بتقول الحقيقه دلوقتي اللي بيكدب مره يكدب ألف مره ، والراجل اللي يدور علي واحده غير مراته تسمعله يبقي مبيحبهاش ، احنا بقالنا عمر مع بعض كل حاجه متشاركين فيها بعرفك تفاصيل يومي وانت كنت بتعمل كدا لحد ما لقيت غيري ، والله مش عارفه اقول اي لما عيالنا يكونوا كبار كدا ونت رايح تقعد مع ستات دي اسمها خيانه وملهاش اسم غير كدا
يوسف : ماشي معاكي حق غلطت اني متكلمتش بس مخنتكيش والله اللي بينا كان مجرد كلام عن المشاكل اللي حياتنا ومفيش اي حاجه مشاعر ليها والله انا لا حبيت ولا هحب غيرك
مريم : لا خيانه لما تروح تقعد مع واحده صحبتك وتكدب علي مراتك تبقي خيانه والله أعلم من أمته لما تخبي عليا مشاكلك وتروح تحكيها لغيري تبقي خيانه لما اشوفك قاعد مع واحده في كافيه تبقي خيانه شغل يبقي ف الشركه وميتعداش حدود الشركه بس اللي حصل ده مش هعرف اتخطاه انهارده كلام الله اعلم بكرا اي طالما معنتش عايزني وعايز حد تاني براحتك انا هريحك مني انا هبعد عنك  واهي دبلتك معاك
يوسف صوته على :  نتي اكيد مجنونه اطلق اي نتي فاهمه غلط ولازم تفهمي الصح مش تقولي اي كلام وخلاص ده من رابع المستحيلات اننا نبعد عن بعض ده مش حل ده هبل
مريم : لا مش هبل ي يوسف طالما نت مش عاوزني يبقي كل واحد يروح لحاله
يوسف : مين قال اني مش عايزك
مريم : لما تدور علي غيري وتكدب عليا عشان واحده تانيه يبقي مش عاوزني
يوسف : وانا قولتلك اني غلطت اني لأول مره متكلمش معاكي ولما خبيت اني قاعد معاها عشان مزعلكيش وعشان متفهميش غلط
مريم : يعني عارف ان ده هيزعلني طب ليه بتعمله عارف انه غلط ليه من الاول
يوسف: اللي حصل حصل ي مريم دلوقتي انا مش عايز المشكله تكبر اكتر من كدا نتي عارفه اني بحبك واووي شيلي من دماغك افكار البعد دي والبسي دبلتك ، حقك عليا صدقيني معتش هيتكرر
مريم بصتله: انا زعلانه منك اووي ازاي قدرت تقعد مع واحده غيري وتبص لوحده لغيري ، عشان اعرف اتخطي اللي حصل لازم ابعد شويه سبني براحتي
يوسف : نتي شايفه كدا تمام براحتك
يوسف مشي ورجع مكانه وهي فضلت واقفه مكانها باصه عليه

#إسراء ابراهيم
#احببتها عنيده
كل سنه وانتوا طيبين وينعاد عليكم بالصحه و السلامه 💜