ခွမ်း !
သူ့ လက်ထဲမှ အစိတ်စိတ် အမွှာမွှာ လွတ်ကျ ကွဲကြေသွားသော ဖန်ခွက်လေးကို ကြည့်ရင်း . . . .
" သား , တနေ့လုံး ဟိုဟာ လွတ်ကျ ဒီဟာ လွတ်ကျနဲ့ သားရဲ့ စိတ်တွေ ဘယ်ရောက်နေတာလဲ ? "
အမေက မေးလာတော့ သူ အမှန်အတိုင်း မပြောပြချင်မိသောကြောင့် ခေါင်းခါလိုက်ရင်း လိမ်လိုက်မိသည်။
" ဘာမှ မဖြစ်ပါဘူး "
" သေချာလို့လား ?"
သူ အမေ့ကို ခေါင်းငြိမ့်ပြရင်း သေချာကြောင်း ထပ်မံ ပြောပြလိုက်ပေမယ့်
" သား ရန်ကုန်ကို ပြန်ချင်နေတာမလား ?"
ရှင်းသန့် တွက်ထားသည့် အတိုင်း အမေ့ကို လိမ်ပြောလို့မရခဲ့ ။
" ကျွန်တော် ပြန်ချင်ပေမယ့် . . . . မပြန်သေးပါဘူး "
အမြဲ အလုပ်ကိုသာ အချိန်အပြည့် ပေးထား တတ်သော သူ ,
အမေ ဆေးရုံတွင် ရှိနေစဉ် အချိန်လေးမှာတော့ အမေ့ ဘေးမှာ ရှိနေပေးသင့်သည်ဟု ထင်ပါသည်။
" အမေက အဆင်ပြေပါတယ် ။ သား ပြန်လိုက်ပါလား ?"
" မပြန်သေးပါဘူး မာမီရယ် "
ရှင်းသန့်၏ ပြတ်သားသော ဆုံးဖြတ်ချက်ကို နားလည်လိုက်သော အမေက ဆက်မတိုက်တွန်းတော့ . . . .
✨✨✨✨✨✨✨✨✨✨✨✨✨✨
" Alvin ! ကိုကို ဘာလို့ ငါ့ကို ဖုန်းမခေါ်တာလို့ ထင်လဲ ?"
စားပွဲပေါ်ကို ခေါင်းငိုက်စိုက်ကျရင်း ငိုမဲ့မဲ့ မျက်နှာထားနှင့် သူငယ်ချင်း ဖြစ်သူ၏ အမေးကို . . . .
" သူ့မှာလည်း အရေးကြီး ကိစ္စ တခုခု ရှိလို့ နေမှာပေါ့ "
အေးစက်နေသော ကော်ဖီခွက်လေးကို ဘေးသို့ တွန်းပို့ရင်း ဖြောင်းဖြပေးဖို့ ကြိုးစားလိုက်တော့
" လရိပ်က သူ့အတွက် အရေးကြီး ကိစ္စလောက် အရေးမကြီး တော့ဘူးလို့ ပြောချင်တာလား ?"
ထိုအခါမှ အခြေအနေက ပိုဆိုးသွားရသည်။
Alvinစွမ်း ရေ . . . . သူများ အတွဲကြား ၀င်ပါချင်တာ မင်း အခု သေစမ်း !
ESTÁS LEYENDO
မာနမင်းသား ရဲ့ လရိပ်ရောင် (Uni + ZawGyi)
Novela Juvenilဒေါသ မာနကြီးသော ရှင်းသန့်မင်းနောင် တစ်ယောက် အေးချမ်းလှသော လရိပ်ရောင် နှင့် တွေ့ဆုံလာသောအခါ . . . ေဒါသ မာနႀကီးေသာ ရွင္းသန႔္မင္းေနာင္ တစ္ေယာက္ ေအးခ်မ္းလွေသာ လရိပ္ေရာင္ ႏွင့္ ေတြ႕ဆုံလာေသာအခါ . . . Top Ranks #1 BL #32 Original character #42 Myanmar #...
