ရှင်းသန့် , တိုက်ရှေ့ ရပ်လိုက်သော ကားတစီးကို အမှတ်မထင် အကြည့် ရောက်သွားမိတော့ ကားပေါ်က လူက . . . .
လရိပ် ဖြစ်နေပြီး မောင်းလာသူက ဦးသီဟ ဖြစ်နေသည်မို့ မယုံနိုင် ဖြစ်သွားရသည်။
ဘာကြောင့် လရိပ်က ထို လူရဲ့ ကားပေါ်တွင် ပါလာသည်ကို စဉ်းစားလို့ မရသလို
တွေးရင်း ဒေါသ များလည်း ထွက်လာရသည်။
လရိပ်က ကားပေါ်က ချက်ချင်း မဆင်း. . . . .
ထို သူနဲ့ စကားများ ပြောနေသေးသည်မို့ . . . .
ရှင်းသန့် စိတ်အတိုင်းသာဆို လရိပ်ကို သွားခေါ်လိုက်ချင်သည် ။
ဒါပေမယ့် ဒီ အိမ်ရာ၀င်း အတွင်းမှာ ပြသနာ မဖြစ်ချင်သောကြောင့်
ဆူပွက်လာသော ဒေါသများကို မြိုသိပ်ထားရင်း
လရိပ် အိမ်ထဲ ၀င်သွားတော့မှ ရှင်းသန့် လိုက်၀င်လာခဲ့လိုက်သည်။
✨✨✨✨✨✨✨✨✨✨✨✨
"ကိုကို ပြန်လာပြီလား "
လရိပ်က အိမ်နေရင်း အကျီ အပါးလေးကို လဲထားပြီး ဘာမှ မဖြစ်သလို မေးလာတော့
"မင်း ဒီနေ့ ဘယ်သွားသေးလဲ "
ရှင်းသန့် လေသံ အနည်းငယ် မာသွားပေမယ့်
ရှင်းသန့် အမေးကို လိမ်ဖြေရန် ကြိုးစားနေသော လရိပ်ကတော့ သတိမထားမိ ။
" ဘယ်မှ မသွားပါဘူး အိမ်မှာ တနေ့လုံး နေနေတာ "
လရိပ်က မုသားလေးကို မျက်နှာ တချက် မပျက် လှလှလေး ပြောလိုက်သည်ကို သူ လုံး၀ မယုံနိုင်မိ
' မင်း သီဟနဲ့ သွားတွေ့တယ် မလား ' လို့ ဗြောင် မေးချင်ပေမယ့် သူ့ကို လရိပ်ရောင်
ဘယ်လောက် အထိ လိမ်ထားနိုင်မလဲ သိချင်သည်မို့ မသိချင်ယောင်သာ ဆောင်နေလိုက်ပြီး
" ကိုယ် ပင်ပန်းလာတယ် သွားနားတော့မယ် "
ရှင်းသန့် အခန်းထဲ ရောက်တော့ လက်ထဲက ဖိုင်တွဲများကို ဒေါသနဲ့ လွင့်ပြစ်လိုက်မိသည်
YOU ARE READING
မာနမင်းသား ရဲ့ လရိပ်ရောင် (Uni + ZawGyi)
Teen Fictionဒေါသ မာနကြီးသော ရှင်းသန့်မင်းနောင် တစ်ယောက် အေးချမ်းလှသော လရိပ်ရောင် နှင့် တွေ့ဆုံလာသောအခါ . . . ေဒါသ မာနႀကီးေသာ ရွင္းသန႔္မင္းေနာင္ တစ္ေယာက္ ေအးခ်မ္းလွေသာ လရိပ္ေရာင္ ႏွင့္ ေတြ႕ဆုံလာေသာအခါ . . . Top Ranks #1 BL #32 Original character #42 Myanmar #...
