" ငါပေးထားတဲ့ တပတ်ပြည့်ပြီ လမင်းမောင်"
အိမ်ထဲသို့ ၀င်လာသော သီဟ ရဲ့ စကားကြောင့် လမင်းမောင် ငိုင်နေရာမှ အသက်၀င်လာသည်။
"မင်းမှာ သိန်း ၅၀၀၀ ရှိနေပြီလို့ မျှော်လင့်ပါတယ် "
သီဟ လမင်းမောင်ကို အကဲခတ်ကြည့်မိတော့ လမင်းမောင် ပုံစံက အရင်လို သားသားနားနား ပုံစံမဟုတ် ။
အ၀တ်အစားများက မသတ်မခပ်။ ဆံပင်များကလည်း ပွယောင်းနေပြီး . . .
စိတ်နှင့် လူနှင့် မကတ်သလို အဝေးကိုသာ ငေးကြည့်နေသည်။
သီဟ လမင်းမောင် ရှေ့တွင် ၀င်ထိုင်လိုက်တော့ ဘေးတွင်ချထားသော ခရီးဆောင်အိတ် အသေးလေးကို တွန်းပို့ပေးလိုက်သည်မို့
" မင်း ကတိတည်တာ ၀မ်းသာပါတယ်ကွာ "
အတူပါလာသော တပည့်တယောက်ကို ငွေတွေ စစ်ခိုင်းရင်း လမင်းမောင်နဲ့ စကားပြောကြည့်ဖို့ ကြိုးစားပေမယ့် လမင်းမောင် ပုံစံက လူကောင်း တယောက်နဲ့ မတူ ။
နှစ် ၃၀ ကျော် ပေါင်းလာခဲ့သော်လည်း သူငယ်ချင်းဖြစ်သူကို အခုလို စိတ်နဲ့ လူနဲ့ မကတ်သလို ပုံကို တခါမှ မမြင်ဖူးခဲ့သည်မို့ သီဟ အကြအကျယ် အံ့ဩမိသလို စိတ်ပူလာမိသည်။
"မင်း ပိုက်ဆံတွေ လိမ်သွားတဲ့ ထိုင်းဘက်က ကောင်တွေရဲ့ သတင်းရော ရလား "
"မသိဘူး "
လမင်းမောင်က ခတ်ပြတ်ပြတ်ဖြေပြီး အဝေးကိုသာ ငေးကြည့်နေမြဲမို့
သီဟ သက်ပြင်းတချက် ချလိုက်ရင်း ဆက်မမေးရန် ဆုံးဖြတ်လိုက်သည်။
" ဆရာ ၂၀၀၀ ပဲ ရှိတယ် ဆရာ "
"မင်း ဘာလုပ်တာလဲ လမင်းမောင် "
သီဟ အတွက်လည်း ထိုပိုက်ဆံများက အရေးကြီးသော အခြေအနေတခုမို့ ဒေါသနဲ့ အော်လိုက်မိပေမယ့်
လမင်းမောင်ကတော့ အေးဆေးစွာ ပြောလာသည်။
"ငါ့မှာ ပိုက်ဆံ မရှိဘူး ။ ဒါ ငါ့မှာ ရှိတာ အကုန်ပဲ "
"မင်း သူများ ပိုက်ဆံ ယူပြီးသွားရင် ပြန်ပေးရမယ် ဆိုတာ မသိဘူးလား "
YOU ARE READING
မာနမင်းသား ရဲ့ လရိပ်ရောင် (Uni + ZawGyi)
Teen Fictionဒေါသ မာနကြီးသော ရှင်းသန့်မင်းနောင် တစ်ယောက် အေးချမ်းလှသော လရိပ်ရောင် နှင့် တွေ့ဆုံလာသောအခါ . . . ေဒါသ မာနႀကီးေသာ ရွင္းသန႔္မင္းေနာင္ တစ္ေယာက္ ေအးခ်မ္းလွေသာ လရိပ္ေရာင္ ႏွင့္ ေတြ႕ဆုံလာေသာအခါ . . . Top Ranks #1 BL #32 Original character #42 Myanmar #...
