" ၀တီ!"
ဦးမင်းနောင် ဇနီး ဖြစ်သူ ရှိရာ အိပ်ခန်းတံခါးကို တွန်းဖွင့်လိုက်တော့
"ဘာဖြစ်တာလဲ ?"
အိပ်ရာပေါ်တွင် ခေါင်းမူးသည်ဟု ဆိုကာ လှဲလျောင်းနေသော ဇနီးဖြစ်သူက သူ့ကို အလန့်တကြား မေးလာသောအခါ
"မင်း ငါ့ ကွန်ပြူတာကို ကိုင်ခဲ့တယ် မဟုတ်လား ?"
ဒီ မေးခွန်းလေးကို လိမ်ညာ ငြင်းဆိုလိမ့်မည်ဟု ထင်ထားခဲ့ပေမယ့်
"ကိုင်တယ် "
အမှန်အတိုင်း ၀န်ခံလာသည်မို့ အံ့ဩသွားရသည်။
"အဲ့ဒီ အထဲမှာ အရေးကြီးတဲ့ file တွေ ရှိလို့ မကိုင်ပါနဲ့ ပြောထားရက်နဲ့ ဘာလို့ကိုင်တာလဲ ?"
သူ့ရဲ့ အေးစက်သော လေသံနဲ့ အမေးကို အမြဲလို ဇနီး ဖြစ်သူက ကြောက်ရွံသွားခြင်း မရှိဘဲ
"သားကို အကြတ်ကိုင်နေတဲ့ video ကို ဖျက်ဖို့ "
သူ့ အကြည့်များကို ရင်ဆိုင်ရင်း ရဲရင့်စွာ ပြောလာသော ဇနီးရဲ့ စကားကြောင့်
ကြိုးစား ထိန်းချုပ် ထားသော သူ၏ ဒေါသများ ပေါက်ကွဲသွားရတော့သည်။
"ဘာ! မင်း ဦးနှောက် မရှိဘူးလား?! အဲ့ဒါ သားနဲ့ သူ့ ကောင်လေးကို ခွဲနိုင်တဲ့ တခုတည်းသော လက်နက်ကွ မင်းသိလား ?! "
"သိတယ်! သိလို့ ဖျက်ပစ်လိုက်တာ "
'သိလို့ ဖျက်ပစ်လိုက်သည်' တဲ့ ဇနီး ဖြစ်သူကို သူ တကယ် နားမလည်နိုင်တော့
"ကျွန်မတို့ရဲ့ အတ္တ မာနတွေကို လျှော့လိုက်ကြရအောင် "
"မင်း ဘာတွေ ပြောနေတာလဲ "
"သားနဲ့ လရိပ်ရောင်ကို ကျွန်မတို့ လက်ခံပေး လိုက်ကြရအောင် "
သူ့ လက်မောင်းကို ကိုင်ရင်း အတင်းအကျပ် ပြောလာသော ဇနီးကို
"ဘာ?! ငါ သေတောင် လက်မခံနိုင်ဘူး "
တွန်းလွှတ်လိုက်တော့ အိပ်ရာပေါ် ဝုန်းခနဲ လဲကျသွားရာမှ အမြန် ပြန်ထလိုက်ရင်း
" သဘောတူပေးလိုက်ပါ ! သားက အဲ့ဒီ ကောင်လေးကို သူ့ အသက်ထက်တောင် ချစ်တာ ရှင်လည်း သိရက်နဲ့ ဒီအတိုင်းသာ ဆက်သွားနေရင် သား သေသွားလိမ့်မယ် "
YOU ARE READING
မာနမင်းသား ရဲ့ လရိပ်ရောင် (Uni + ZawGyi)
Teen Fictionဒေါသ မာနကြီးသော ရှင်းသန့်မင်းနောင် တစ်ယောက် အေးချမ်းလှသော လရိပ်ရောင် နှင့် တွေ့ဆုံလာသောအခါ . . . ေဒါသ မာနႀကီးေသာ ရွင္းသန႔္မင္းေနာင္ တစ္ေယာက္ ေအးခ်မ္းလွေသာ လရိပ္ေရာင္ ႏွင့္ ေတြ႕ဆုံလာေသာအခါ . . . Top Ranks #1 BL #32 Original character #42 Myanmar #...
