တောက် တောက် တောက် တောက် . . . . .ရေစက်လေးများ ခေါင်မိုးအပေါ် ကျသံ နဲ့ အတူ
မှန်ပြတင်း တံခါးကို ရိုက်ခတ်လာသော လေသံများလည်း ကြားနေရသည်မို့
မျက်လုံးများကို ဖွင့်မရနိုင်ပေမယ့် အပြင်မှာ မိုးရွာနေသည်ကို လရိပ် နားလည်လိုက်သည်။
ဆူညံနေသော မိုးသံများ နဲ့ အတူ ကြားနေရသည်က အမည်မဖော်နိုင်သော အသံတခု . . . . .
မာကျောသော အရာ၀တ္ထု တခုကို သစ်သားပေါ်တွင် ဖြည်းဖြည်းချင်း ထိခေါက်နေသလိုမျိုး အသံကို အဖြေ ရှာနိုင်ရန်
မျက်လုံးများကို အားယူရင်း ဖွင့်ကြည့်မိသော အခါ . . . .
" မင်း သတိ ရလာပြီလား ?"
ထို အေးစက်သော အသံပိုင်ရှင်က ကြမ်းပြင်ပေါ်တွင် လှဲနေသော လရိပ်ကို
အနီးရှိ ခမ်းနားလှသော မဟောဂနီရောင် သစ်သား အလုပ်စားပွဲတွင် ထိုင်နေရင်း မေးလာသည်။
" ခင်ဗျား ကျွန်တော့်ကို ဘယ်ကို ခေါ်လာတာလဲ ?"
လရိပ် မြင်နေရသည်က အကောင်းစား ပရိဘောဂများစွာ ရှိနေသော ရုံးခန်းတခု . . .
ခမ်းနားသော ရုံးခန်းကြီးက ပိတ်ထားသည်မှာ ကြာပြီ ဖြစ်သည့် အလား ဖုန်များနဲ့ အပြည့် !
"ငါ့ပိုင်တဲ့ စက်ရုံ ရုံးခန်းထဲမှာ . . . "
ထို စကားနဲ့ အတူ လရိပ်ဆီ လျှောက်လာသော ဦးမင်းနောင်၏ လက်ထဲတွင် ယူဆောင်လာသော အရာကို မြင်လိုက်ရ သောအခါ
သတိမေ့ နေစဉ်က ကြားလိုက်ရသော သစ်သားနဲ့ ထိခေါက် ခံရသည့် အရာ၀တ္ထုက ဘာဆိုသည်ကို သိလိုက်ရသည်။
" အရင်ကတော့ ခမ်းနားတဲ့ ရုံးခန်းကြီးပေါ့ မင်းရဲ့ ကိုကို , ငါ့ရဲ့သား ငါ့ကို ဒုက္ခပေးလို့ ပိတ်ထားရတာ ကြာပြီပေါ့ "
တဖြည်းဖြည်း နီးကပ်စွာ အနားသို့ ကပ်လာသော လူဆီမှ ထွက်ပြေးရန် ကြိုးစားချင်ပေမယ့်
လက်များကို ကြိုးဖြင့် တင်းကျပ်စွာ ချုပ်နှောင်ထားသည်မို့ ထွက်ပြေးဖို့ မဖြစ်နိုင်ခဲ့ ။
YOU ARE READING
မာနမင်းသား ရဲ့ လရိပ်ရောင် (Uni + ZawGyi)
Teen Fictionဒေါသ မာနကြီးသော ရှင်းသန့်မင်းနောင် တစ်ယောက် အေးချမ်းလှသော လရိပ်ရောင် နှင့် တွေ့ဆုံလာသောအခါ . . . ေဒါသ မာနႀကီးေသာ ရွင္းသန႔္မင္းေနာင္ တစ္ေယာက္ ေအးခ်မ္းလွေသာ လရိပ္ေရာင္ ႏွင့္ ေတြ႕ဆုံလာေသာအခါ . . . Top Ranks #1 BL #32 Original character #42 Myanmar #...