احببتها عنيده

(البارت الثاني عشر _الجزء الثالث)💎

يوسف : قافله تلفونها ومعرفش هي فين
ورد نزلت : مريم  بعتتلي رساله انها هتيجي الفجر بعربيتها لما نيجي نطلع من القاهره
كريم : اكيد بس عندها شغل ، تعالي نتغدي بقا بما ان الولاد كلهم هيتغدوا بره
يوسف : مش عايز
ورد بقلق: هو في اي
كريم : لا متشغليش بالك نتي هو بس اكمن مريم مش هتجهز معاه شنطته وحاجته ف مضايق
ورد : تعالي اتغدي ي كريم انا مش ناقصه خناقتهم الهايفه دي خالص
كريم : علي رأيك ملناش دعوه
__________
مالك : ايوه ي تاليا
تاليا : ممكن علي فكره تقولي الأول هتقابل بابا وتقوله اي
مالك : انا تحت المكان اللي نتي فيه انزليلي
تاليا بفرحه: بجد طب نازله
تاليا نزلت
مالك بجديه انا جتلك الأول عشان تبقي عارفه اني مكذبتش عليكي مثلا او حاجه
تاليا: طب قول
مالك : انا اسمعي مالك عز ، عز المغربي اكيد سمعتي الاسم ده ف العيله
تاليا : لا انا معرفش حاجه عن أسماء عائلات الناس اللي دادي يعرفها ممكن ركان وأنس و ولاد عمي يعرفوا اما البنات ف لا
مالك : بتصعبي عليا الامور اكتر ، تمام ، انا من عيله المغربي وعيله المغربي دي تبقي من اعداء باباكي او أعداء عيله البدري كلهم ، بابا وعمو ياما عملوا مشاكل لاهلك وبدل المره ١٠٠ لمحاوله انهم يقتلوا باباكي،  بعد ما بابا دخل السجن وهو حاليا بره بس مش عايش معانا انا وماما لان ماما حاولت تنقذني من فكره اني لما اكبر ابقي زيه ، انا مش زي الافلام اني  هاجي اخد حق بابا واحب بنت الراجل اللي دخله السجن عشان انتقم منه ، لا انا بجد بحبك اكتر من أي حاجه ف الدنيا وانا عارف ان بابا مدخلش السجن ظلم وانه بيسعي بكل جهده انه يشوف العيله دي بتنهار بس صدقيني انا مش زيه   ولا حاولت اني اسعي اني اكون زيه ف يوم من الأيام ومرضتش اكلم باباكي انهارده واتقدملك غير لما تكوني عارفه انا مين  وبزات ركان اخوكي لو كان شافني كنت عارف انه مش هيسبني غير لما يعرف كل حاجه عني عشان كدا كنت بعيد
تاليا ده كله مصدومه: يعني يوم ما أعجب بواحد واتمني انه يكون شريك حياتي يطلع ابن عدو أهلي
انا مش عارفه اقولك اي بس كل اللي اقدر اقولهولك اني لو اختارت بين بابا و ركان واي حد ف الدنيا هختارهم بابا مش بالنسبالي اب بس ده اكتر بكتير من كلمه اب ده الصاحب والحبيب والاخ وكل حاجه ف دنيتي وركان كمان بالنسبالي هو ده سندي عمري ما هقدر ازعلهم او اقف قدامهم وقدام قرارهم عشان اي حد عارف ليه لان هما عمرهم ما هيوصلوني اني اقف قدام قراره لان هما دايما بيختارولي الصح عمرهم ما هيشوفوا حاجه حلوه ويمنعوها عني ف بابا لو قال انك فعلا زي ما بتقول بتحبني ومش هتنتقم ف انا هكون اسعد واحده ف حياتي اني كسبت حبيبي وأهلي ويارب  يكون هدفك كدا فعلا
مالك  : حاضر ي تاليا انا رايح لأهلك دلوقتي وهكلمك بعدها
تاليا كانت زعلانه من جواها دخلت الفيلا وقعدت مع الباقي وحاولت تكون عادي
جنى : انهارده انا شوفت حاجه غريبه جدا مدام ورد كانت فرحانه اووي وعينها فرحانه ولفت انتباهي انها فرحانه عشان جالها شكولاته
تاليا : الشكولاته دي اه هديه بسيطه ومتجيش حاجه وسط الهدايه الكتير اللي بيجبهلها هي بتعتبر ان هو فاكرها دايما وفاكر هي بتحب اي واي اللي بيبسطها دايما التفاصيل الصغيره دي بتفرق بتفرحها اووي ودايما بتحسهها انه بيفكر فيها وبالحاجات اللي بتحبها
جنى : حقيقي انا مشفتش اتنين بيحبوا بعض كدا ربنا يبعد عنهم العيين دايما بعد الجواز الحب بيقل والاهتمامات بتروح
جوري: بالعكس حياه اهلنا مكنتش كدا احنا دايما كنا بنشوف الحب ف عيون دادي ل ماما ودايما ف الأيام اللي كان مثلا مرهقه وكانت صعبه اننا نعديها كانت ماما دايما مسهله الحياه وواقفه معاه حته تفاصيل شغله بتساعده ، مع أن كتير  اوي كان بيبعد عننا بسبب طبيعه شغله فى الجيش بس دايما ماما كانت بتقول انه معاها كل يوم ، قليل اووي لما تلاقي كلام حب بس نظراتهم والمواقف اللي بتحصل بتخلي اي حد يدخل البيت ده  يتمني يلاقي نفسه بعد الجواز زيهم
جنى : يخربيتك ده انا دمعت من الرومانسيه...
سلمي : لا عايزين تفرفش قومي ب جنى مثلي ركان بيتعامل ازاي
جنى وقفت وفردت ضهرها وتخنت صوتها وكشرت: اكون قليل الزوق احس ما يكون لساني طويل، مش معقول هقضي الاجازه كلها وانا شايفك،  هاها نتي عارفه اني بتكلمي مين انا الرائد ركان البدري
جنى اتكلمت عادي : نفسي مره اشوفه بيتكلم معايا عادي محسسني اني قاتلله قتيل
كلهم بيضحوا ومفيش حد عارف يرد عليها
مليكه: بصراحه قلدتيه جامد هو ، بس هو بيضحك عادي
جنى ضحكت بسخريه: عمري ما بين سنانه خايف عليها من التسوس
ريتال: يخربيت كدا لو سمعك نتي حره
جنى: لا انا جربت ده مره طلع يجري ورايا قالع عادي وكان هيفرج الناس علينا
سلمي ضحكت  :  بقولكم اي تعالوا نأكل انا جوعت
ريتال: الديلفري زمانه جاي
_________________
في فيلا كريم
مالك جه ودخل استني كريم
كريم دخل وهو مبتسم: ازيك ي مالك صح
مالك بخوف : اه
كريم: ها قولي تاليا قالتلي انك عايزني
مالك : بصراحه اه وعايز حضرتك تفهمني كويس
كريم : قلقتني
مالك : انا بحب بنت حضرتك جدا وجاي زي ما الأصول بتقول اطلبها من حضرتك وانا مش عايز فتره خطوبه ولا حاجه انا عايزها ف حياتي علي طول مش مستني اتعرف عليها اكتر
كريم اتعصب شويه بغيره: حيلك حيلك تاليا لسا صغيره
مالك استغرب: صغيرة!صغيره اي دي ف ٣ كليه وخلاص معتش غير امتحانات الترم التاني وتبقي ف رابعه يعني كبيره و واعيه
كريم بغيره : وانا مش عايز بنتي تسيبني دلوقتي
مالك : ومين قال انها هتسيبك دي هتتجوز وتجيلك كل يوم طبعا انا عارف انها متعلقه بيك وان حضرتك بتحبها وعارف انك دلوقتي هاين عليك تضربني لولا اني ف بيتك بس حقيقي انا بحبها وعايزاها
كريم : اديني وقت افكر
مالك : عايز اقول لحضرتك حاجه كمان
كريم : ها
مالك : انا اسمي مالك عز المغربي
كريم وقف : اه انا كدا فهمت وعايز اتجوزها بسرعه ده شغل انتقام ونت مفكرني اهبل مثلا وهوافق ادي بنتي ل ابن عز المغربي
مالك وقف : ممكن تسمعني،  انا عارف انك كنت بتساعد والدتي كتير ماديًا لحد ما تشتغل تاني واظن انك عارف انها ربتني بعيد عن الانتقام وانا مليش اي نيه للعدوه او حته بفكر انا لما حبيت بنتك كنت عارف هي مين ولو كنت عايز انتقم مكنتش قولتلك اسمي ، حقك تفكر ومش لازم ترد عليا دلوقتي بس لازم تعرف اني مش هتنازل عنها تحت اي ظرف من الظروف وهفضل وراك وهثبتلك اني بحبها بجد.
مالك مشي من قدامه وكان عارف انهم هيسافروا انهارده
ف قرر انه هيكمل ف المحاوله وهيسافر وراهم
عدي بقيت اليوم بسرعه محدش نام 
كارما سهرانه لوحدها بدأت تحس بوحده
البنات متجمعين مع بعض حته روضه راحت لهم بس متأخر مفيش خناق كله بيهزر وبيضحك بس سيلا واخده جنب وبتفكر ف سليم و قراره ومين هي البنت
والولاد رواحوا وجهزوا حاجتهم
مريم محكتش ل زين حاجه خالص عن اللي حصل ولا لاي حد زين جاهز بخطته عشان يغيظ كارما
يوسف بيفكر هيطلع ازاي ويشرحلها ازاي ويفهمها
كريم بيفكر ف مالك وهل فعلا بيقول الحقيقه
ورد مشغوله وخايفه تنسي تاخد معاها حاجه
الوقت بيعدي بسرعه
والكل متحمس وبدأوا يلبسوا
ريناد : ايوه ي خالتو لا احنا لابسين جاهزين اهو ابعتلنا عربيات
جنى خدت منها الفون: متقوليش أنكم هتسافروا ف عربيات اي الملل ده بس ، اقولك انا عندي فكره حلوه
______________________
كريم وقف تحت مع ورد
كريم : دي كلها حاجات ي ورد وتقوليلي حاجات بسيطه ده هما اربع ايام
ورد : ي حبيبي دي رفايع مجبتش حاجه مش بدل ما نحتاج حاجه هناك ومنلاقيهاش
ركان : اي ده العربيات مجهزتش ليه
ورد بانتصار: هما عربيتين بس اللي جهزوا  واحده ل يوسف وكارما معاه ياخدها معاه بدل ما تيجي لوحدها وانا وكريم ف واحده  وشروق و فارس مش هيجوا هما حابين يقعدوا
آسر : وانا نركب جناحات ونطير وراكم يعني ولا اي
ورد : لا ي خفيف
فجاه  ميني اتوبيس وقف قدام الفيلا
جنى نزلت منه : متأخرتش صح ، ازاي اساسا كنتوا هتسافروا ف عربيات فين المتعه مفيش احلي من جو الرحلات ده عيشوا حياتكم نتوا شباب
ركان بتعصيب: لا مستحيل اني اركب معاهم الاتوبيس ده
وبعد شويه
ف الاتوبيس والاغاني شغاله وجنى فرحانه
جنى وبتغني : بيقولك مره ان المستحيل  بيتحقق
ركان : نتي لو مسكتيش هقوم اعملك لحمه مفرومه حالا نتي سامعه
جنى مكمله غني: ولا بعد سنين.......
سلمي قاعده مع أنس قدام
مكنش في ل سليم مكان غير جنب مليكه عشان سيلا قعدت جمبها ريتال
روضه اتزنقت ورا جمب الشنط عشان الكرسي اللي جمبها كان ل ركان  بس اتحط عليه شنطه
نص الاتوبيس شنط
آسر قاعد جمب تاليا
وريناد و جوري جمب بعض
وجنى من ساعه ما طلعوا عماله تغيظ ف ركان
و وراهم عرييه كريم و يوسف وزين اللي طلع فجأه وهو معاه سهيله زميلته ف الشغل ومريم

عصام اللي كان بيسوق عربيه كريم
عصام جاله تلفون : تمام  انا هبلغه لما نوصل

وبعد سعاعات من الهزار والاكل واللعب والنوم وكذا استراحه ف الطريق
وصلوا .....
نزلوا تعبانين من العربيات
ركان : ربنا يسامحكم والله ازاي تخلوني اركب ف مكان واحد مع الكائن ده
عصام  قدامهم كلهم  : للاسف دي حاجه كويسه عربيه ركان بيه و آسر بيه كانت مفيهاش فرامل ومنعرفش مين عمل كدا ومفيش حد دخل البيت ولا كاميرات المراقبه جايبه حاجه،  ف لولا جنى كان ...
ورد : بعيد الشر عنهم الحمد لله ربنا عدها علي خير ، عرفت ي ركان ربنا بيسبب الاسباب لتاني مره جنى تنقذ حياتك وحياتنا بجد نتي زي ملاك ربنا بعتهولنا يحمينا
جنى ابتسمت  : حصل خير ربنا ما يجيب حاجه وحشه
يوسف بص وراه لقي مريم واقفه مع زين
يوسف راحلها : ممكن نتكلم
مريم : بعد إذنك انا مش عايزه مشاكل هنا ده خطوبه أنس ومحدش يعرف حاجه،  ارجوك وبعدين انا نفسيتي مش حمل اسمع كلام منك وبلاش تتخانق مع زين لانه ميعرفش بس طبيعي لما يلاقيك بتضغط عليا هتتخانقوا
يوسف : اضغط عليكي اي وهو ماله نتي مراتي
مريم : والله كويس انك فاكر عن اذنك
زين خد سهيله ومشي قدام كارما
زين : ازيك ي كريم عامل اي اظن قبلت دعوتك
كريم : اه بس مين  دي
زين ابتسم: دي سهيله خطيبتي
كارما اتعصبت بس اتكلمت عادي : الف مبروك مش كنت تعزمنا
زين : مهي جت فجأه معلش
كارما جواها نار: انا بقول ندخل الفندق عشان انا تعبت من الوقفه دي
كريم قلقه كل شويه بيزيد مين اللي بيعمل كدا وعايز اي

#إسراء ابراهيم
#احببتها عنيده