" အရှုံးသမား တစ်ယောက် ဖြစ်နေတာတောင် မျက်လုံးက မာနတွေ မပျောက်သေးဘူး ဟားဟား"
လှောင်ရယ်လိုက်သော ထိုလူကို ရှင်းသန့် အဖေလို့ မခေါ်ချင်တော့ . . .
"မင်း တခြား လူတွေ အပေါ်ကိုသာ မာနကြီးလို့ ရမယ် ငါ့ကိုတော့ မရဘူး "
ထို လူ၏ စကားများကို မကြားချင်ယောင် ဆောင်နေလိုက်တော့
"မင်း ငါ့ကို အာခံတဲ့ နေ့ မင်း ဘ၀ ခွေးဖြစ်တဲ့နေ့ လို့ ငါ ပြောဖူးတာ မှတ်မိလား "
အသည်းထဲ ဆွဲနေအောင် မှတ်မိပါသည်။ အကြိမ်ကြိမ် အခါ ထို စကားနှင့် သူ့ဘ၀ ကို ချုပ်ကိုင်ထားခဲ့ဖူးသည်။
သူ ဘယ်လိုမှ မေ့နိုင်မည် မဟုတ် . . . .
"မင်း သိရက်သားနဲ့ ဟို ကောင်လေး အတွက်ကြောင့် ခွေးဖြစ်ခံမယ်ပေါ့လေ "
" လရိပ် အတွက်ဆိုရင် ကျွန်တော် ဘာကြီးပဲ ဖြစ်ရ ဖြစ်ရ ကျွန်တော် မကြောက်ဘူး "
ရှင်းသန့် စကား အဆုံး တဟားဟား နှင့် လှောင်ပြောင်ရယ်မော လိုက်သူကို ရှင်းသန့် မုန်းတီးစွာ ကြည့်နေလိုက်သည်။
"ဟားဟား ဟုတ်ပါပြီ အချစ်သူရဲကောင်းကြီးရေ မင်း နဲ့ ငါ နဲ့ game တခုလောက် ကစားရအောင်"
အဖေ ဖြစ်သူရဲ့ စကားများကို သူ တကယ် နားမလည် . . . .
အဖေ ဖြစ်သူကတော့ သူ့ကို လှောင်ပြုံး ဖြင့် ကြည့်နေသည်။
"အဖေ ဘာကို ပြောချင်တာလဲ "
"မင်း ချစ်သူ ကောင်လေးဆီကို သွားနိုင်တယ် . . . . ဒါပေမယ့် . . . "
စီးပွားရေး သမားတစ်ယောက် ပီသစွာ အပေးအယူ မရှိလျင် အလုပ်မလုပ်တတ်သော အဖေ့ အကြောင်း ရှင်းသန့် သိနှင့် နေပြီး ဖြစ်သည်။
"ဒါပေမယ့် ဘာဖြစ်လဲ အဖေ "
"မင်း ကို ငါပေးထားသမျှ ငါ အကုန် သိမ်းမယ်။ မင်းဖုန်း ၊ မင်းကား ကအစ ပေါ့ကွာ။ ပြီး ငါသေရင် မင်း ငါ့ အမွေတွေ မရဘူး။ ရှင်းရှင်းပြောကြေးဆို မင်း ဒီ အိမ်ပေါ်က လက်ဗလာနဲ့ ဆင်းရမယ် "
သူ အေးဆေးစွာ အဖေ ဖြစ်သူကို ကြည့်နေလိုက်သည်။
အရင်စိတ်နှင့် သာဆို အဖေ ပိုင်ဆိုင်သော အရာများကို မက်မောသဖြင့် အဖေ့ရှေ့တွင် ခွင့်လွှတ်ဖို့ တောင်းပန် နေမိမှာသေချာသည်။
YOU ARE READING
မာနမင်းသား ရဲ့ လရိပ်ရောင် (Uni + ZawGyi)
Teen Fictionဒေါသ မာနကြီးသော ရှင်းသန့်မင်းနောင် တစ်ယောက် အေးချမ်းလှသော လရိပ်ရောင် နှင့် တွေ့ဆုံလာသောအခါ . . . ေဒါသ မာနႀကီးေသာ ရွင္းသန႔္မင္းေနာင္ တစ္ေယာက္ ေအးခ်မ္းလွေသာ လရိပ္ေရာင္ ႏွင့္ ေတြ႕ဆုံလာေသာအခါ . . . Top Ranks #1 BL #32 Original character #42 Myanmar #...
Chapter 30
Start from the beginning