မေမီ တံခါးဖွင့်ပေးတော့ မြင်လိုက်ရသည့် မြင်ကွင်းက ကြည့်မကောင်း . . .
လရိပ် တစ်ယောက် sofa ပေါ်တွင် ခွေခွေလေး လှဲနေသည်။ မျက်လုံးများ မှိတ်ထားသော်လည်း အိပ်နေပုံမရ ပါးစပ်က ပွစိပွစိ ရွတ်နေသည်။
"ကိုယ် သူ့ကို ခေါ်သွားတော့မယ်။ ကျေးဇူးနော် "
လရိပ် ကိုယ်လေးကို သူ့ ရင်ခွင်ထဲ သတို့သမီးလေး တစ်ယောက်လို ပွေ့ချီကာကား နောက်ခန်းတွင် ဖြေးဖြေးလေး ချပေးလိုက်ပြီး အိမ်ကို မြန်မြန်လေး မောင်းလာလိုက်သည်။
လရိပ်ကို အိပ်ရာပေါ် ဖြေးဖြေးလေး ချပေးလိုက်တော့. . .
"ကိုကို "
ပျင်းရိပျင်းတွဲ မျက်လုံးလေးများ ပွင့်လာပြီး သူ့ကို မြင်တော့ လည်ပင်းကို အတင်း သိုင်းဖက်လိုက်ကာ ဆွဲချလိုက်တော့ ရုပ်တရက်မို့ ရှင်းသန့် တကိုယ်လုံး လရိပ် အပေါ်ကို လဲကာ ကျသွားသည်။
လရိပ်ကို မဖိမိအောင် လက်များ ထောက်လိုက်တော့ ရီဝေဝေ မျက်လုံးလေးများက သူ့ကို ကြည့်နေပြီး . .
"ကိုကိုက သိပ်ချောတာပဲ "
ရှင်းသန့် ပါး နှစ်ဖက်ကို ဆွဲညစ်ပစ်လိုက်ပြီး တခစ်ခစ်နှင့် ရယ်နေတော့သည်။
"လရိပ် လွှတ်ကွာ "
"ကိုကို ဘာလို့ ဒီလောက် ချောရတာလဲ "
"လွှတ်ပါ အမူးသမားလေးရယ် "
"လရိပ်ရဲ့ ကိုကို မို့ ချောတာ သိလား "
အရေးထဲ ဂုဏ်ဆာနေသေးသော လရိပ်ရောင် ကြောင့် ရယ်ရမလို ငိုရမလို ။
အမူးသမားလေး ရဲ့ လက်ထဲက ရှင်းသန့်ပါးနှစ်ဖက်ကို ကယ်ထုတ်လိုက်တော့ နောက်တမျိုး ပြသနာရှာလာပြန်သည်။
"ပူတယ်"
ပူတယ်ဆိုပြီး လရိပ်တစ်ယောက် လည်ပြည့် အကျီကို ချွတ်ဖို့ လုပ်တော့ ချွတ်မရ . .။
"ကိုကို ချွတ်ပေးကွာ ပူတယ် "
ငိုမဲ့မဲ့ မျက်နှာလေး နှင့် ပြောလာတော့ မတတ်နိုင် ချွတ်ပေးလိုက်ရသည်။
![](https://img.wattpad.com/cover/215860130-288-k308207.jpg)
YOU ARE READING
မာနမင်းသား ရဲ့ လရိပ်ရောင် (Uni + ZawGyi)
Teen Fictionဒေါသ မာနကြီးသော ရှင်းသန့်မင်းနောင် တစ်ယောက် အေးချမ်းလှသော လရိပ်ရောင် နှင့် တွေ့ဆုံလာသောအခါ . . . ေဒါသ မာနႀကီးေသာ ရွင္းသန႔္မင္းေနာင္ တစ္ေယာက္ ေအးခ်မ္းလွေသာ လရိပ္ေရာင္ ႏွင့္ ေတြ႕ဆုံလာေသာအခါ . . . Top Ranks #1 BL #32 Original character #42 Myanmar #...
Chapter 25
Start from the beginning