Ring ring !
ရုပ်တရက် မြည်လာသော ဖုန်းသံကြောင့် အတွေးများကို ခေတ္တ ရပ်ထားလိုက်ပြီး ဖုန်းကို ဖြေလိုက်သည်။
"ဟုတ် အမေ"
"သား သဘက်ခါ မေမေတို့ရဲ့ ရန်ကုန်က hotel အသစ်ဖွင့်ပွဲနော် အဲ့ဒါ သား ရန်ကုန်ကို ပြန်လာခဲ့မယ် မဟုတ်လား "
ချက်ချင်းပြန်မဖြေမိ။ အမှန်အတိုင်း ပြောရရင် သူ မသွားချင် ။
သူ ငြိမ်နေတော့ မေမေက ဆက်ပြောလာသည်။
" သားလာမှ ဖြစ်မှာနော်။ သားဖေဖေက သားကို သူ့ လုပ်ဖော်ကိုင်ဖက် တွေနဲ့ မီဒီယာတွေနဲ့ မိတ်ဆက်ပေးမှာ ။ တနည်းပြောရရင် သားက အဲ့ဒီပွဲရဲ့ main လေ ။ လာခဲ့နော် သား "
" ကျွန်တော် လာခဲ့ပါမယ် "
မေမေ့ကို ကတိ ပေးပြီး ဖုန်းချလိုက်သည်။
✨✨✨✨✨✨✨✨✨✨✨✨✨✨
လရိပ်, ရှင်းသန့်ရဲ့ အိမ်ကို တခေါက် ထပ်ရောက်ခဲ့ရပြီဖြစ်သည်။
ရှင်းသန့် အတွက် လရိပ် ချုပ်ထားသော Tuxedo ကို မနက်ဖြန်ပွဲ အမှီ လာပေးခြင်းဖြစ်သည်။
ရှင်းသန့် ကလောမှာ အလုပ်သွားလုပ်တယ်ဆိုတာ မဖူးပွင့် ပြောပြတော့ လရိပ်စိတ်မကောင်း . . .
ကလောမှာ အဆင်မှ ပြေပါ့မလား စိတ်ပူရသည်ကလည်း နေ့တိုင်း မောရသည် မရှိ ။
နံရံပေါ်ရှိ ရှင်းသန့် ဓာတ်ပုံများကို ကြည့်ရင်း ရှင်းသန့်ကို လွမ်းတဲ့ စိတ်များ ရင်ထဲ ပြည့်ကျပ်လာသည် မို့
မငိုမိအောင် မျက်တောင်များကို ခပ်ကြမ်းကြမ်း ခတ်လိုက်ရင်း အာရုံပြောင်းအောင် ကြိုးစားနေချိန်
"အော် လရိပ်လေး "
ဧည့်ခန်းတွင် လရိပ် တယောက်တည်း ထိုင်စောင့်နေမိတော့ ရှင်းသန့်ရဲ့ အမေ ဒေါ် ၀တီ ခဏ အကြာတွင် ဆင်းလာသည်။
" ဒါ ရှင်းသန့် အတွက် ၀တ်စုံ ပါ အန်တီ"
"သားကတော့ ညနေမှ ကလော ကနေ ရောက်မှာဆိုတော့ ညကျမှ စမ်းကြည့်ခိုင်းရမယ် အဆင်ပြေပါ့မလား မသိဘူး "
' သူ ပြန်လာမှာလား '
ရှင်းသန့် ပြန်လာတော့မည် ကြားရတော့ လရိပ် ရင်ထဲ အတိုင်းမသိ ပျော်ရွှင်သွားမိသည်။
YOU ARE READING
မာနမင်းသား ရဲ့ လရိပ်ရောင် (Uni + ZawGyi)
Teen Fictionဒေါသ မာနကြီးသော ရှင်းသန့်မင်းနောင် တစ်ယောက် အေးချမ်းလှသော လရိပ်ရောင် နှင့် တွေ့ဆုံလာသောအခါ . . . ေဒါသ မာနႀကီးေသာ ရွင္းသန႔္မင္းေနာင္ တစ္ေယာက္ ေအးခ်မ္းလွေသာ လရိပ္ေရာင္ ႏွင့္ ေတြ႕ဆုံလာေသာအခါ . . . Top Ranks #1 BL #32 Original character #42 Myanmar #...
Chapter 15
Start from the beginning
