လရိပ်က သူ့ကို ငြင်းလာမည်ကို သူသိရက်နဲ့ မိုက်ခဲ့မိသည်။
ရုပ်တရက် အသိတရားများက အလုပ်မလုပ် ငူငူကြီး ရပ်နေမိသည်။
"လရိပ် တကယ် တောင်းပန်ပါတယ်"
စက်ရုပ်တရုပ်လို အသက်မရှိ ဖြစ်နေသော ရှင်းသန့်ကို လရိပ် တကယ် အားနာမိသည်။ သနားလည်း သနားသည်။
အမှန်တော့ လရိပ် ရှင်းသန့်ကို ချစ်သည် . . .
ရှင်းသန့်က ဖွင့်ပြောလာတော့ အရမ်း ပျော်မိသည်။ ရှင်းသန့်ရဲ့ အချစ်ကို လက်ခံချင်ပါသည်။
ဒါမေယ့် လရိပ်ဘ၀ အခြေအနေကို လရိပ်သာ အသိဆုံးဖြစ်သည်မို့ . . .
"ဘာလို့ ကိုယ့်ကို မချစ်နိုင်တာလဲ "
ဒီ မေးခွန်းလေးရဲ့ အဖြေကို လရိပ် ရှင်းသန့်ကို ပြောမထွက် ။
" ကိုယ်က မင်းကို ဒုက္ခပေးခဲ့လို့လား ကိုယ် ၀န်ခံပါတယ် ။ ကိုယ်က မင်း အတွက် အကောင်းဆုံး လူတယောက် မဟုတ်ခဲ့ဘူးဆိုတာကို ဒါပေမယ့် ကိုယ် . . . "
" အဲ့ဒါတွေကြောင့် မဟုတ်ပါဘူး ။ လရိပ် မိသားစု နဲ့ ဆိုင်တဲ့ အကြောင်းတွေ ရှိလို့ လရိပ် ရှင်းသန့် အချစ်ကို လက်မခံနိုင်တာပါ "
" ကိုယ့်အတွက် တကယ် မျှော်လင့်ချက် မရှိတော့ဘူးလား "
လရိပ် ခေါင်းငြိမ့်ပြရုံမှ အပ ဘာမှ မတတ်နိုင်။
"မင်း ကိုယ့်ကို လက်မခံနိုင်ပေမယ့်လည်း ကိုယ် မင်းကို ဆက်ချစ်နေခွင့်လေးတော့ ပေးပါကွာ"
ရှင်းသန့်ရဲ့ တောင်းဆိုမှုကို လရိပ် ခေါင်းခါလိုက်သည်။ သူ ရက်စက်မှ ရမည် ။
"လရိပ် ကို မေ့ပစ်လိုက်ပါ။ ဆက် မချစ်ပါနဲ့ "
ရှင်းသန့် ရဲ့ မျက်ရည်များနှင့် ပြည့်နေသော မျက်၀န်းများကို မြင်ရင် လရိပ်ရဲ့ ရင်ထဲက အမှန်တရားတွေ ထွက်ကျလာလိမ့်မည် ကို ကြောက်သောကြောင့် မျက်နှာကို တချက်လွှဲလိုက်ရင်း ပြောလိုက်သည်။
"သွားကြရအောင်လေ ဖူးပွင့် တို့ စိတ်ပူနေလောက်ပြီ "
ဒုတိယ အကြိမ် အငြင်းခံရလိုက်တော့ မျှော်လင့်ချက်ဆိုတာ လုံး၀ မရှိတော့။ ကမ္ဘာပြိုကျသွား သလို ခံစားနေရသည်ကို လရိပ်က သိမည် မထင် ။
![](https://img.wattpad.com/cover/215860130-288-k308207.jpg)
YOU ARE READING
မာနမင်းသား ရဲ့ လရိပ်ရောင် (Uni + ZawGyi)
Teen Fictionဒေါသ မာနကြီးသော ရှင်းသန့်မင်းနောင် တစ်ယောက် အေးချမ်းလှသော လရိပ်ရောင် နှင့် တွေ့ဆုံလာသောအခါ . . . ေဒါသ မာနႀကီးေသာ ရွင္းသန႔္မင္းေနာင္ တစ္ေယာက္ ေအးခ်မ္းလွေသာ လရိပ္ေရာင္ ႏွင့္ ေတြ႕ဆုံလာေသာအခါ . . . Top Ranks #1 BL #32 Original character #42 Myanmar #...
Chapter 14
Start from the beginning