Unbreak My Heart (Playboy Series #6)

Chapter 7

Araw ng Sabado at pasado alas nuwebe na ng umaga ng matapos si Claire sa kaniyang pag-eexercise sa kanilang garden. Naging routine na kasi niya ang gumising ng maaga at mag-workout para ma-maintain ang kaniyang figure. Lalo pa nga at nakikita niyang kung gaano rin inaalagaan ni Amanda ang katawan nito kahit pa nga may anak na, kaya mas lalo siyang na-motivate na gayahin ang dalaga. Nagsimula na rin siyang mas maging conscious pa sa kaniyang physical appearance ng sabihin sa kaniya ng kaniyang bestfriend na si Ella na nitong mga nagdaang araw ay nagmumukha na daw siyang typical housewife, iyon bang mga Misis o Nanay na nakakalimutan ng mag-ayos ng sarili dahil busy sa pag-aalaga ng mga anak.

Kanina pa palinga-linga si Claire sa sliding door at tinatanaw ang gate ng kanilang bahay. Supposed to be, dalawang araw lang ay dapat darating na sa kanya ang mga in-order niyang beauty products sa isang Beauty Shopping Channel na lagi niyang pinapanuod. Pero lumipas na ang limang araw ay wala pa rin siyang natatanggap.

"Ang tagal naman ata, sobra-sobrang delay naman!" naiinis na reklamo niya sa sarili. At dahil naiinip na rin siya kakahintay ay tinawagan na niyang muli ang hotline ng naturang shopping channel.

"Ms. Gonzales, according po dito sa data namin, nai-deliver na po 'yung orders ninyo noong Wednesday pa po." Paliwanag ng customer service representative na kausap niya.

"Huh? Sigurado ka ba? Bakit wala pa rin akong natatanggap? Can you double check, please." paninigurado niya. Nalilito kasi siya sa sinabi ng kausap dahil nang tanungin niya ang kanilang house guard ay wala naman daw itong nare-received na package.

"Okay po, please give me a second po Ma'am." Paalam ng kausap at iniligay siya sa call-on-hold. Ilang sandal lang ay muli itong nagsalita at ibinigay sa kaniyag impormasyong hinihingi. "Upon double checking with our logistics team, Ma'am. May pirma po ang resibo namin, indicating na nareceived po ang item."

"Sino ang nag-received?"

"Mr. Vincent Grecko Hendelson po."

"Ah, okay. That's my..." saglit na napaisip si Claire kung ano nga bang tamang term ang gagamitin para tawagin si Vince. Hindi naman niya matawag iyong asawa dahil di naman sila kasal. "My... friend..." iyon ang naisip na lang niyang term. "Pero wala naman siyang nababanggit sa akin tungkol sa pagdating ng mga orders. Anyway, thanks." Pagkababa ng telepono ay saglit siyang napaisip kung bakit wala man lang binabanggit si Vince sa kaniya tungkol sa pagkakakuha nito ng kaniyang mga orders.

Hindi na nag-aksaya pa ng panahon si Claire. Pinuntahan niya agad ang silid ng binata. Hindi na rin siya nag-abala pang kumatok dahil mas nauna ang inis niya sa pagtatago ng bwisit na lalake sa kaniyang personal na gamit. Mabuti na lang at nasa bakasyon sa U.S. sina Lucho at Dreico kasama ang pamilya nila ni Vince kaya't wala siyang iisipin at puwedeng-puwede niya hamunin ng away ang pakialemerong lalake.

"Wow, this is a miracle. First time mo ata maligaw ng pasok ng kwarto?" mapang-asar na tugon nito ng mag-angat ng tingin mula sa laptop. Naroroon ito at nakaupo sa balcony table kaharap ang laptop, malamang ay nag-ooffice work na naman ito kahit pa nga araw ng sabado. "Don't tell me na miss mo na ako?"

"Wala akong panahong makipagbiruan sa iyo, Vince. Nasaan na ang mga products na idiniliver sa akin nung nakaraang araw?"

"Anong products?" saglit itong napapikit at tila nag-iisip kung ano ang kaniyang tinutukoy. "Oh, you mean those beauty sh!t products? Wala na. Itinapon ko na dun sa basurahan nung pagkakuha ko." Walang pag-aalinlangan pag-amin nito kalakip ng isang mapang-asar na ngiti sa labi.

"What?!" Muntik na niya itong lundagin sa mesa nito para sakalin. "Bwisit ka! Bakit mo itinapon? Akin iyon! Wala kang karapatang pakialaman ang mga bagay na walang kinalaman sa iyo!"