ضفائر صبريه

٣٥..

وهسة اريدن الهوية اعبرن سيطرات نفرض رادوها مني ..

بيبي باوعت لمحسن بتك عين

- يمة اسال مريتك ...عبن المحفظة عدها ...و جليلة يمي موش تحركت . 

يمة عبنك اجيت كبل على جليلة عبن تذكر فلوسك الراحت موش شرط هي هاي المرة الخذتهن...

كمبص كبال بيبي وهو يناقشها ..

- العلوية تحلف خلتها بنضدة البوفية الغرفة مال فرش و غراض الشمرتينا بيها انة ومرتي وقفلتن علي حجرتي موش عيشة احسن عايش وسط حرب وعصابة

يمة ترى حمدية والعلوية نزلن النضدة المحفضة مامش

كمت معصبة

- اكلك يومية اكرهك شنو ماكو عدكم حرامي بالبيت بس اني
..

خزرني وخلا صبعة كدام حلكة

- اشش ولاه نفس صوتج... هواي عالي صاير ترى شلعتي كلبي شتردين مني جليلة سامحتج للمرة الثانية كلت عقل مسربت اعدلنة بمرور الوقت ..

وكتلج ترجعين حالج من حال العلوية بس انت الموش  قابلة عفتج براحتج تسوين مشاكل ..

مرة شعر بالاكل .. ومرة ذبان بالماي كلة حتى تاذين اختج.... وهسة المحفظة ...

تخوصرت وانة احس جلد وعظم وخصري زاد ضعف...   عفت كل حجية وهسة لزكت بكلمة اختج...

- اختج؟ ماعندي خوات ... وحدة وذبحها داعش...

- معصومة وانت خوات منانة ورايح مثل ما هي جاي تسعى تضم غيرتها وموش تسوي مشاكل تعتبرج اخت انت نفس الشي ...

طلعي المحفظة سوالفج حفظتها ..

باوعت لبيبي الي صايرة فنه اليحاجيني حتى لو محسن...

-بيبي شوفيه يعيل بية كوة هاي كلة يريد يذلني لان ما اقبل بيه

----

ضجت من مراهقة لجين كلش اذتني تصرفاتها ...عدنا بالريف الي عمرها ١٦ تدير بيوت .. وتربي جهال وتعين الزلمة  بالحياة ..

وانة حظي من طلابة لطلابة ...

موش عارف شصرف .   لاهي الراجعتلي ..

موش عارف شلون اتصرفن تحاربني بغراضي وموش عارف شنهي بعقلها ...

لو تريد تاذي ضرتها تتوقع بهيج اطكن  العلوية الي متاكد موش مال مشاكل درست شنهي شخصيتها ...

طلعت اتحسب وامري لألله ....

تصنتت عليهن امي تكللها

- جليلة اذا ماخذة المحفظة جيبيها ارجعنها... ولاتجيسين بعد غراضه

- مو عندي هو شنو ماكو بالبيت بس انة اكيد هي .. باكت رجلها تريد تبليني من جوة الجوة هي...