ضفائر صبريه

٢٧جزء ٢...

ولك مطي هي مفهومك الرجولة هيج ...

ولك محسن ما يوم تعبنا جان بلسم لجروحنا انت من هسة تعتبر خواتك خدم

شوف ولك اذا يغسلك هل خيسة وعفونية جواريبك مخيسهن من تنزع حذائك و تلعب طوبة  بالمدرسة بطرك الجواريب

لو يكولك خاف تتمرجل وشمر وطشر لان يلمن وراك لا حبيبي اموتك ضرب امشي يلة لملم خياسك ..

كام يلمهن كدامي ويدردم العجوزي مدري على منو طالع...

فاتت حمدية شادة راسها

- ها حمدية ما خف راسج

- لا خية ضغطي راح الغالي خية شسوي  ما يروح من بالي ولك خوية شكالت روحك من حركوك ...

خية عفاف هي جوية نموت الله يساعد اخونا خية مدلل ترف شلون حمل

نزلت دموعي وكعدتها ...

شالت حذاء علاوي ناسيه

- هذا ابنج خايس عليمن طالع موش علينا....

- نساه خليتة يلمهن

- والله ابنج من خياسة طاح شعر راسه المكطن ..

رغم الحزن حصرتني ضحكة بس رحت شردت لا تهفني نعال لان حمدية كلش متخبلة والجهال فنة اليفتح حلكة يلعب يضحك ... تشبعهم غلط

اجت جلنار

- خالة نقالج يدك
باوعت
- هذا مجد وانة والله ما فارغة

باوعت لجلنار مدنكة و تشهك

- لا تبجين روحي تمددي
انطتني الصورة الي تصمغ بيها

- اكو نقص بعينة و بخشمة و الشعر كلة طاير هذا صار طشار عبالك طحين

- عدنا صورة لهاي اللقطة نسويلج وحدة طباعة ع جام..  بس يمة روحي نامي ارتاحي

شوف التعب ع عيونج

شفتها دخلت الغرفة و اسمع بجيها

استغفر الله رحتلها

لكيتها حاضنة فانيلتة

- ذن لازم نتبرع بيهن يكولون مو زين يبقن بالبيت

دك تلفوني

انطيته رفض

عندي شغل اجت رسالة

- جاوبي شغلة مهمة لا اجيج ابتلي بيج...

شوي دك

جاوبت نزل علي رزايل

- واحد يموت يصير بيه ويحتاجح شنو يعني خوما يقدم عريضة توافقين ..

- جنت اشتغل وعلاوي شلع كلبي هل ولد اذيه و منا تعرف حمدية متخبلة علينا امي مريضة جلنار طفلة ترملت و هاي كدامي منهارة تبجي

شوي واجة صوتة

- سهلة  البشارة

- شنو ما فهمت ...