ضفائر صبريه

٢٦..ج٢.

شخر كاظم ...

اموتن من الي يشخر  والي يمخط بصوت عالي واذا مرة تلعب روحي اكثر عبن وين الرقة والانوثة

و هذا كاظم يقسم ....ااااخخخخ اااخشووووو اغغغععع ...

النوب قريب مني و شوي و الزكنه بطراك

كمت استغفر الله ....
طلعت و انة متلهف كعدت مكمبص ...

و دكيت

سبقني صوتها بلهفة تملك صوت طفولي ناعم و نبرة مغرية دوختني

بقيت صافن لحظات ع حجيها

- محسن ما انام والله يمتة ترجع

- ما صارلي هواي من التحقت...

بجيها اذاني

- حبيبة اليوم ما انام على انفاسج اليوم كاظم ابو شخير يمي شينومني شردت منه

ضحكت

- يفدوة هل ضحكة كلها لمحيسن اكللج

ما تنطيني بوسة  اتلهة بيها لرجعتي الج ...

صوت تنفسها وسكتتها توترها خوفها شهكة خجل خلتني اهمس

- مفعل نت بس ضعيف جا اتصلت بيج فيديو..

لك جلال اموتن عليك شنهي شو ساكتة واحجي وحدي...

- محسن احبك والله

ضحكت
- ادري والنبي ادري لج انت روحي شلزكتي بس هاي الكادرتلها حسستيني احجي و كاسكو معلمينة بس يكول محسن احبك محسن احبك

شنهي ما تتحجين كولي غزل كولي حركيلي كل  الدفرنشل الي يتحكم بنبضات قوليبي ...

ضحكت
اهووو هاي ما تعرف تتغزل كضتها علي محسن احبنك و ههههههي

- لج جوجو .. ضحكتج فاهية شنهي  ههههي

ضحكت ههههههههي

- لا اله الا الله اكضيها هاي كل ما اتصل بس احبنك وههههي

- لعد شتريد اكولك

- كولي يمحسن من اشوفنك تتكهرب محاسيسي

و حتى قانون اوم استقال من ورى غزلج الفاشل سمعي احب اعازلج غزل كهربائي
يجلولة انت موش فولتيتج  عالية انت للاسف كهرباء ساكنة ...

لا خل نحجي صدك ...

جلنار بس ارجع موش تاركج والنبي هل مرة الا مرتي ترضين تبجين ...

و الله سولفت لديقي وضعج

-عزة شكد عيب

- شنهي عيب غير جماعتي ونسولف
صديكي يكول كل بنية هيج تخاف اول مرة تالي تصير زلاطة...

سمعت شهكتها .... ضحكت عليها

- شبيج مصدومة هههه تعودي علي يكليب محسن تعودي علي يبعد عمر محسن و كل طوايفة و الله افاجأج