Breaking the Rules (Mondragon Series #3)

Chapter Forty Three

"May boyfriend na pala siya, e! Bakit hindi siya doon yumakap sa boyfriend niya at makipaglampungan?"

Lalong lumalim ang guhit sa noon ni Gael. Pero maya-maya lang ay napalitan iyon ng ngiti sa labi at mata niya.

"Are you seriously jealous right now, babe?"

Gusto ko sanang itama kay Gael na hindi ako nagseselos, lalo pa sa kanilang dalawa, kundi naiinis lang talaga ako sa binungad na ugali sa akin ng Elisha na 'to.

Pero alam ko na kahit anong gawin ko doon, ang ngiti sa labi niya ay nagsesenyales na iba pa rin ang iisipin niya at mas tatanggapin niya iyong ideya na nagseselos ako kaysa naiinis sa babaeng ngayon ko pa lang nakilala.

"Not because you have boyfriend it means that you can't play with someone else," sinubukan pa ni Elisha na magdahilan sa akin at pinakita na hindi siya ang uri ng babae na basta-basta umaastras sa laban. "Should I start telling you my actual relationship with the Mondragons?"

"Elisha, this is not the right time," pumagitna na sa pagitan namin si Gael. "Gaya nang nasabi ko, wala pang maalala si Eliz. Hindi ko gustong makasama sa kanya iyong mga sasabihin mo. Baka hindi niya maintindihan."

"Why? Are you going to marry an imbecile woman?" hindi na tinago ni Elisha iyong nang-uuyam niyang tawa matapos banggitin iyon. "Gael, honey. What's with the downgrade? You disappoint me!"

"Excuse me lang ano, Elisha?" nagkusa na akong umalis sa likod ni Gael at muling hinarap ang nakakapang-init ng ulo na babae na 'to. "Hindi boyfriend ang hanap mo kung gusto mo lang din pala maghanap ng iba pang lalaki mag-e-entertain sa'yo. At hindi porke't hindi na gustong makipaglaro sa'yo ni Gael ay aakusahan mo na siya na magpapakasal sa isang imbecile na babae!"

"But aren't you?"

"Anong ano ako?"

"Imbecile."

Susugurin ko na sana ang babae na 'to at sasabunutan nang maramdaman ko ang pagpulupot ng mga braso ni Gael sa baywang ko saka ako hinila at pinigilan sa mga plano ko.

"Baby, calm down! Binibiro ka lang ni Elisha!"

"Anong binibiro? Narinig mo ba pinagsasabi niya kanila lang? Tinawag niya akong imbecile!"

"Listen to him. Calm down, girl!"

Muling bumalik ang tingin ko kay Elisha nang marinig ko na ang halos mamatay-matay niyang paraan ng pagtawa.

Marahas kong inalis ang mga braso ni Gael sa akin at litong pinaglipat-lipat ang tingin ko sa kanilang dalawa.

"Anong nangyayari?" tanong ko kay Gael.

"Wait, Gael! Let me explain."

Napatingin ako doon sa nakalahad na kamay ni Elisha ngayon sa harapan ko saka inangat ang tingin ko pabalik doon sa mukha niya at tinaasan siya ng kilay.

"Okay. I guess I deserve that," sagot niya saka nagkibit-balikat at binawi ang kamay niya. "I already saw you at the door a while ago. Then, I proposed a fun game to Gael to tease you and at the same time, force you to remember him as fast as you could."

"Hindi ko maintindihan," litong sambit ko.

"Baby," muli akong humarap kay Gael. "Pinagseselos ka lang ni Elisha. Kinuntsaba ko siya na pagselosin ka para makita ang magiging reaksyon mo."