ضفائر صبريه

١٢ جزء ثاني ...

- شنو هذا الكلام . انت الخير والبركة ..

بس صوتها المتحشرج ما كدر التلفون يغطي مخاوفها انو متعاجزين منها..

- يمة اشتاقيت للبنات هسة ينسني يمة صابرين وصبا ذن بروحي و خاف تجيبين اريد اشوف الولد ...

هذا خضر يمكن ضاج مني لان تمرضت يومية واكعة واحتاج مداراه شمرني عد اهلي

قهرتني كلش تبقى ام تريد ولدها و احفادها داير مدايرها وهي بعمر حساس الجبير يحس على روحة انو صار ما مرغوب ..

- خالة كلامج بلا اساس تدرين انة هم شمرني ع امي مو بس انت و سمعت من خالي مطوع ...

- يا يمة هل ولد يظل يمرمر بية

وانة اخابر اسمع دك باب و محسن الي توة اجة من المدرسة بعدة ما مبدل راح يفتح الباب

سمعته يرحب بخضر ..

ركضت للباب جان لابس قمصلة عسكري بس ع ملابس مدنية ...

جان ذاك الوقت هاي القمصلة ثمينة عند العراقي تدفي ...
لان مهيئة لاسوء نوبات برد بالجو..

حتى بالبيت المرأة العراقية تستخدمها ووياها جزمة نايلون مبطنة فرو جوة وتكوم لشغل البيت..

حياة بسيطة ما بيها مظاهر وتكلف هيج جانت اجيال الطيبين..

- خضر صدك جذب كل هذا الوكت وين ما ندري بيك اخابر على البيت ماكو ..

تالي يكولون مطوع. ... دخيل بختك ما تفكر بمسؤولياتك..

جرني لحضنه و باس راسي.. ولفني على صدرة جوة قمصلتة

- ولج برد تدفي و اريد من ايدج جاي بردان كلش .. اتصلت بامي الله يسلمها تعتب . هي الدنية متكاونة وامي تعتب تكول مليت مني شمرتني لو تبجي وتكلي وديني دور عجزة المن شامرني على العالم..

جان محسن يسد البيبان وخرت مستحية وهمست
- شبيك منا محسن لا يشوفنا

ابتعد وهو يروح للديوانية ويكول

- ام علاوي تدفي برد وانت حبلة موزين...
طلعت من الضيافة وتلاكت عيوني بعيون محسن

نظرات اخوي المتكلفة كلما يشوف خضر وسلامة الثقيل بين ان محسن ما متقبل خضر...

بس هو عربي و الجود عد العرب فجان مجبور حسن ضيافة

بس محسن ميفوت عنده طبع يبسمر دخل الدوانية

- يا اهلا بخضر چفتت ميحتاج اكلك تفضل .. عفاف جاياتج

تلميحة قوي انو خضر دخل دون دعوة خجلني خاصة خضر خزرني عود شوفي اخوج شيحجي

- والله يمحسن مو غريب والبيت مبيه حرمة الموجودات عمتي و مرتي .. ها خاف تقصد امك ههههههههه

جرها ضحكة و ما كمل مكلة امك الخبلة .. بس محسن يستهضم يتحسس اخر السنين جانت الها فضل بتكوين شخصية حساسة عنيدة وهي محسن...رغم هو توة طك عودة بس تحسونة عبالك عشريني بالتفكير وكل عمره تقريبا ١٣ ...