ضفائر صبريه

١٢ جزء ثاني ...

غلقت المضروف ورجعت الفلوس بيه
-وصلها اله ...

انتبه الرجل لوضعي عبالة اشتياق

- تهون الله لا ينطي الشتت شملكم ...

ما رديت عليه بس راح سديت الباب .

درت ولكيت عفاف تباوع علي موسعة عينها و مدمعة

- فوتي جوة شطلعج بالبرد ...

-هذا اخوك صياح مو؟ طلع عايش ههههه خضر عبالة ميت ...
و عبالة خلص انتقامة وانة يالله يا الله الرجال يركد ويهتم ببيته و جهالة ..
تالي يطلع عايش راس الحية والبلة راح ارجع للصفر وراح تشتعل نار الثار بكلب خضر من جديد..

واظل انة ضحية كلشي وهاي المرة مو بس وحدي ضحية اني وجهالي ضحاية نار ثار خضر..

رجعت للصفر ..
ظلت تكرر بس من اجت امي ام حمدية سكتت ..

- منهو جاينا من صبحيات الله
التفتت لعفاف ...
-شبيج يمة تبجين ما يصلح... شصاير ؟
- يمة ولد صاحبي بس كتلة يسبقني لسة ما مبدل وعفاف انة تحاجيت وياها و الله موش محسن اذا تمد راسها للباب .

- يااا محسن عيب يمة خيتك جبيرة فهمها بس موش تناكر و تصارخ

ورى ما رزلتني ...
-يمة تاخرت على دوامي

امي ام حمدية تداوم فراشة بمدرسة ابتدائية كلة صباحي دوامها فاتلاكة وياها ب ٣ ايام من يصير دوامي الصبح..

- تريكتي يمة

- موش رايدة شي يمة تاخرت ما اتانيك راح اروحن
.

- صار يمة انت روحي لا تتاخري على شغلج.....

انة وعفاف نباوع لامي ام حمدية راحت كالتلي عفاف..

- اخوك اذا رجع نرجع لسوادين خضر اكتم نفس... الموضوع ما يطلع بلكت ما يلفي هنا

- اكيد ما نحجي ما اريد امي ام حمدية تضوج و تتمرض
سكت ورجع كمل
-و الله يا عفاف هو رجلج يا يوم جان عاقل من فطنت هو مسودن..

خزرته

- گم ولك لا تتعلم تجاوز على الاكبر

اقترب موعد نهاية المهلة الي منحتها امريكا للعراق...

قنوات بغداد و الشباب تبث بث مباشر لمعسكرات الشعب جيش قدس فدائين و حتى اشبال هتافات منددة بامريكا ..

و الثقة من انتصار صدام...

انزرعت بقلوب الشعب ثقة انو مستحيل امريكا تكدر لصدام.. لكن هناك جان فئة من الشعب متخوف..

اخابر لخالتي سعاد تكول تريد ترجع خاف تصير حرب بس خضر مخابر خالة كلة امي امانة يمك لا تخليها تجي

- اكلج عفيف يمة ما تعرفين شبيه خضر شو شمرني يم اخوي خاف ضايجين مني خاف ما تردوني ...

بجيها وشهكتها وجعت كلبي وانة اطمنها