ضفائر صبريه

١...جزء ثاني

حسيت نفسي كدام واحد مخبل ...
مو ذاك خضر معقولة بشاعة قتل صبرية اثرت بعقله...

وانة اقاومة عثرت انلوت رجلي و هنا وكع اخر امل الي من شكك ملابسي...

بعد ساعة كاملة .....

الملم بجروحي و احضن بنفسي و انة اذكر كلماتة وهو يتمم الزواج غصب ..
احجي هيج توجعت صابرين مو هيج ضربها ويضربني .. و يرهبني ويعنفني عشت ساعة وي مسودن مهوس يستلذ بتعذيبي ...
صرخاتة بوجهي لسة اذكرها ...

"هيج يغلط عليها ويذلها ...
لو ربطها .."

وانة احس بقيود شالي تقيد ايدي وانة كل صرخة عذاب احسها اخترقت الجدران...

- اكيد ما راد تفضحه بصراخها ...
ربط حلكي وانكتم صريخي بهمهمات ما مفهومة وصوت ما يخترق الغرفة...

كل الساعة المرت عذاب و ذل و ذكرى ما انساها ليومنا هذا...

بقيت يومها مصفنة و انة احضن نفسي مثل الجنين ببطن امه بس شهكات تبدر مني ..

شفتة طلع من الحمام رافع تك حاجب..

- شوفي الزمن تربينا سوى ردتج اخت الي انتهينا وانت مرتي الي اكره مجرد انفاسها الي تشاركني غرفتي ....
بلكت تحبلين بعلي و ما اجيج بعد..

يحجي يرجف و ايدة مرة على خدة على الجرح مرة على شعره لو يحصر راسة بين ايديه و هو يحجي بعمق صوتة .

- من اليوم ما اريدج بغرفتي ...

و حاجتي كزوج مجبور لمن يجي علي ..
بعدها ينتهي عذابج ....

و بس تولدينة بيه دم صبرية اي اطلكج و احرمج من الطفل هذا عقاب انتقامي الابدي الج عرفتي خضر ممكن شكد يكون حاقد .

ما بدر مني بس صوت شهكتي ..
استغرابي و تعجبي من الحال الي وصللها ...

سنين مرت وياه و جنت اشوف ممكن يكون خطر من احد يحرك الشر داخله..
سنين اخاف لا اكون انة الي احترك بناره...

--------------
السلف ... "غازي "
ما ارتاحيت غسلت عاري وما ارتاحيت بداخلي احس صبرية بكل مكان باحلامي بهواجسي
تجيني غاضبة وتشيل طفل بكماط وتكولي شنو ذنبه انة وياك بيوم القيامة نتلاكة ...
الوادم ما نصفتني ولا انت يخوي بس الله القاضي بينا..

لو احلم بيها تصيح بوجهي تخنكني ... قريب حوبتي تطلع بيك عبن ظلمتني يخوي.

صرت ما اركز بمهماتي لمن فشلت مهمة خطرة مهمة نهاية مطافي وي فدائي صدام.

تعاقبت بقطع صابيع ايدي اليمنى و نص القدم يعني من الصابيع لنص المشط قدمي اليسرى فصرت معوق ..

و طرف لساني فاحجي بكلمات موش مفهومة تعالجت وشمروني ..
وانة معاق..

كلامي موش مفهوم بيه رتلة قوية ..