ضفائر صبريه

١٣...

- ولج اذا ما خليت كتالج يسويج عبرة لكل بت تصاحب وتفضح اهلها..

مثل الخرسان احرك بيدي واطلع حجي خرسان ما ينفهم...

كامت الجدة...

- الله يستر على بناتنا و يساعد كلبج ام حمدية و الله ما هكيتهة هيج بنية حديثة السلف يحلف بسترها لسة ما مصكدة الصار.

كامت امي وجرتني بسكتة وهي ما تحجي شفايفها يبست مثل صايم كاتلة عطش و الوكت صيف...

وجهة مخطوف موش الاحمر الي ينكط دم..

مشيت و مدري شنو ضاملي الدهر الله لا ينطيك صياح .
كون حوبتي تطلع بكل ظالم ضلمني وتنشل ايد كلمن تعداني..

امشي و ما قاهرني بس ابوي وامي شلون اتنوع بوجه ابوي شلون اعاين لعيونة ياما ربى وتعب و دللنا ما نطانا لاي واحد و الناس تلومة بناتك يكبرن المن ضامهن ردة يكون لليستحقهن....

بداخلي اردن كرب موتج يا صبرية ...

مرت ببالي كل ذكريات من جنت فرخة جاهل الى ان كبرت...

ابوي الي جان يعزني على خياتي ..

خضر.

حبنا من جنا جهال .
لعبنا وحزنا دموعنا ....

مر كل هذا وانة امشي مسلمة امري لله..

وصلنا للبيت امي مخليتني وراها دخلتني للغرفة وقفلتها علي..

ابوي دايخ حتى ما انتبه النا ردينا ...

لازم راسة ومخلي وجهة بالكاع وعكالة نازعة يعاينلة .. يلبس عكالة لو لا ...

بوية السموحة موش كصدي عكالك اوكعة بوية لو معيشيني بامان لو اعرف ما تموتوني جان كتلك هاي مرتك ابنها هيج سوى بية

بوية والله حسبة ودتني وجابتني منا خضر يكتلة هذا عصبجي منا خوفي من الذبح ...

اجت حمدية ونورية وهن عيونهن مورمة بجي و يعاينولي ..

من شافن امي وهي تبجي وتروح توكع يم رجلين ابوي

و تبوسهن

- شتدري بية يا حجي ما اعرفن اربي شتدري ببنيتنا يراضي موش مصكدة ابد بالصار ...

بنتي احد.سالبها غصب ..

رفع عيونة و هو يرجف ...

- راضي بداعة موتاك لا ننفضح تبقة ادك عليها بس لا تذبحها والي ببطنها ننزلة ...

صاحت منتوبة ...

- راضي كوم اغسل عارك هذن ينزلن راسك كوم ترة بس الدم يغسل عار و يرفع راسك بين الوادم...

من شفت كام ابوي خفت شردت للغرفة وما خليت اي امام ما نخيتة ...

اجة بيدة تفكتة غطيت راسي و كل الي بين مني بس ونين ...
رجعت عينت لابوي شفتة يرجف ذب التفكة و ظل يرفسني ببطني لمن حسيتة صاح يا بوية مصيبة و طاحت علية وطلع
..