ضفائر صبريه

١٢

اكو عملية اذا سويتها اكوش على الفلوس واشرد  من العراق واطلع ...

اجيت اشوف امي لاخر مرة و هنا لمحتلي ..

- اسمع صبرية تتحلم  يمة  بس من هلوساتها كلبي يكول انت مسويلها شي صارحني يوليدي ما بيه حيل يعيروني بعد بيك و راضي يطلكني اذا دايس عرضه .
كلي شو هاي من جت من الجول موش هي صبرية الي نعرفهة .. يمة انت شمسويلها هي متحجي اسمك بس من نجيب سيرتك تنصرع لو تصرخ انة موش غبية شبيها بت راضي ..

- اكيد تتحلم بية موش انة لكفتها متواعدة مدري شنهي بس لحكت على شحطة  سيارة.

و ما عرفت انة ذول سلابة لو واحد تعشكة من ورى ديرتها تبعتها وضعها جان مبهذل ومبينة عدها شي هاي تاليتها يمة ياما نبهتكم ونبهت غازي خياتكويرحن جول وحدة تخبلت والثانية الله يستر على اعراض الوادم مكدر انطقها ...

- الحمد لله مالك بيها ايد و هسة اجة وكت احجي بزود موش ابني العار يا راضي هاي بناتك ما صنتهن..

- يمة مالج شغل بيهم ذن خوات اخوي و يمة البنية مخطوبة تزوج تنفضح لو تطلكونها وتكعدوها تخدمكم طول العمر..

باوعتلي و سكتت و كالت ...

- انت لا تبين خاف هاي تنتقم منك وتذب عارها عليك ...

- يمة جايج اسلم عليج هو انة بس اكضي شغلة اسافر  ما مرتاح بالعراق  .. 

ابني مستقبلي برة ...

انتبهت من صفناتي   من  مشيت بطسة ركعت سيارتي ف لفت الستيرن  و  فتت بفرع و رادت تنكلب بية السيارة دست بريك وكفت ....

اباوع للشارع الدنيا صارت ظهرية وحارة .. 

اجتني موجة ضحك

- خل نشوف يا خضر  امي واعرفها ما تضم سر تطشة بالسلف خل نشوف خضر شسوي من تعرف بمرتك اكو غيرك سبقك.. تغسل عارك بيدك لو تصير ديوث وتقبلها ..

و الله صبرية كسرت خشمج وضربت عصفورين بحجارة لا ٣ عصافير ...

راضي الكلب الي يتباهة و الي اذاني هواي خليت راسك بالطين و خضر الي زامط صبرية اله بالعافية عليك عارك هههههههه..

ظليت اضحك وانة مجنون ... اريد اسكت مامش.

حققت انتقامي بصبرية ضربت الكل بسهم و ثأرت لامي الي يعيرونها بيه والي...

الحقد من يتغلغل بالنفس ننسى احنا نزرع حب الناس واحنا نزرع كرههم ...

بس تنعمي عيونا عن الاخطاء النوكع بيها ونذب مصايبنا براس ناس ثانية وهذا حال صياح.

-----*_*_*_*......

باوعت لمجد الي كل شوي ويركز منو حرك البستان و ليش انت هيج تخلين الناس تنضرلج بنظرة انسانة معدها مصداقية ...