كعدت على الكاع تلطم بوجهها وتصيح لسة اذكر ذاك اليوم جنت بيه مراهقة يمكن حسب تفكيري عرفت صبرية بيها شي خطأ ..
ذاك اليوم الي ما انساه و لا اكدر بيوم انساه مثلة مثل ايام سودة اجت وراه بقت محفورة الي يومي هذا بذاكرتي ...
كومتها اريد ارفعها ما اكدرلها صبرية بت مملية جسمها و خشنة عكسي ناعمة وكلش نحيفة ...
بقى صياح شوي يباوع و صبرية منهارة بس تحاجي روحها ...
شوي و عافنا صياح ركب سيارتة و راح...
انتبهت صبرية ووعت على حالها من شخطة السيارة ركضت باثرها
- لا تروح... الله لا ينطيك ارجع.... اريدن حل ....
كعدت وهي تبجي ...
كمبصت يمها و جسمي يرجف حسبة توديني حسبة تجيبني ....
جني حسيت بمصيبتها وجني اختلطت علي ...
- صبرية شبيج سوالج هذا الحرامي شي احجي والله اخلي ابو عيون يموتة خلاص ما تعرفينة ابو عيون عدة قدرات خارقة و ...
- بسسسسس رحميني بسسسس
كامت تمشي وهي مو على وضعها ..
لحكتها و كتلها...
- العضة ... العضة امس صياح مو ولج احجي خل نتلاحك بس كليلي شنو صار بينكم..
سكتت صبرية و اختارت السكوت و ما تدري السكوت ضياعها ...
بالطريق تذكرت وصية خضر كتلها بالي كلي امس عليه.
رفعتلي عيونها الي انعكست ضوة الشمس بيهن صفار عيونها حسيته لمعتهن انطفت .
همست بصوت بيه غصة حسيتها وصلت سهم لكلبي.
- ما احبن خضر غلطة عشكة دماري جان ...
عافتني وسبقتني ...
الظهر كلة صبرية مثل رجل الي سبحت ولبست الثوب كبل بنهاية التسعينات و هم قبل هذا التاريخ الجلبية نسميها مكسي و القاط نسميه كوستم...
فمن شفت الكلبية ما حبيت خضر مثقف و ما اريد اختي اقل منهطلعتلها كوستم جابتة خالتي طلع مو قياسي جبير ..
- صبرية لبسيه اليوم عقدج.
جرت نفس وكالت...
- موتي يا عفاف موش ملجتي موتي ...
ضجت و كضيت زندها حيل
- لهاي الدرجة تكرهيه لو كايلة لابوي يكللهم .
- امي كلتلة و كال منطي كلمة شيوخ انة ضعت يخيتي وركبتي و ستري بيد خضر.
وسعت عيوني
- صياح .. مسويلج شي ؟
سكتت
YOU ARE READING
ضفائر صبريه
Randomمن ياخذنا الحب لدرجة الهوس و من نفقد المحبوب نحرك الاخضر واليابس الي بطريقنا قصة انتقام عاشك قصة تجمع الحب و طابع الاجرام قصة تتغير الطيبة بكلب عاشكنا للشر قصة ضفائر جانت حرز انتقام .. و تخطيط لموت ضحاياه بكل برود و قسوة قصة ضفائر صبرية قري...