Spirit Of The Glass 2

Part 52

Kenneth's POV

"Iwanan ko na ba kayo dito?" Pagtataka ko kaila John nang maihatid na namin sila sa ospital

"Oo sige, magiingat kayo dun at sana matapos na to" umaasang sabi ni John

"Sana nga" sagot ko sa kanya

"Ingat kayo" sabi ni Jane at yumakap sakin bago umalis

Nakakapanibago yung mga pakikitungo nya sakin pero niyakap ko nalang din sya nga mahigpit. Tapos ay umalis na kami.

"Sure ka sasama ka Kenneth?? Dapat si John nalang yung sumama samin at pinacheckup mo yang legs mo" pagaalalang sabi ni Charlene

"Hindi na, kaya ko pa naman maglakad eh" sagot ko

At naisip ko na kailangan ay meron kaming holy water, para naman mablessan yung bangkay ni Maria

"Siguro mas mabuti kung dumaan muna tayo ng simbahan, para makakuha tayo ng holy water"

"Oo tama, kakailanganin natin yun" pagsangayon sakin ni May

"Sige, basta ituro nyo nalang sakin yung dadaanan kasi di ko kabisado" sabi ni Gwynel

Kaya naman ay yung una naming nadaanan na simbahan ay bumaba na agad ako, at pati si Charlene eh sumama.

At nagtanong agad kami sa isang sakristan na nakita namin

"Uhh, hello... tatanong lang sana namin kung pwedeng makahingi ng holy water" sabi ko sa kanya

"Oo naman po, pwedeng pwede" nakangiting sagot nya

Nag-po parin sya kahit na mukhang magkakaedad lang naman kami. At makikita mong magalang at palangiti syang tao

"May bote ba kayong dala na pwedeng paglagyan?" Pagtataka nya

At napailing nalang ako

"Wala po eh" sagot ni Charlene

"Dibale na, ayus lang, bigyan ko nalang kayo" sabi nya

"Ah sige salamat po" pagpapasalamat ni Charlene

At sumunod kami sa kanya. Meron syang kinuha na lalagyanan at kumuha sya ng tubig sa may holy water tapos ay inabot nya to samin

"Maraming salamat po" sabi namin at umalis kami ng nakangiti

Pagbalik sa kotse ay pinaandar na ulit to ni Gwynel.

"Kung mamalasin ka nga naman oh!" Pagkainis na sabi ni Gwynel

At pagtingin ko sa daan ay sobrang traffic

"Kung kailan nagmamadali tayo, tsaka magkakatraffic ng ganto" dagdag ni Gwynel

"Ganun talaga Gwynel, mahirap na masolusyunan yung traffic sa bansa" pagpapakalma sa kanya ni May

Pero nakakainis nga naman ang traffic. Dahil kung iisipin mo ay maraming oras ang nasasayang sa pagbyahe mo.

At halos ilang oras kami sa byahe nang dahil lang sa traffic na yun

"Libre lang yung holy water na nakuha nyo?" Pagtataka ni May

"Oo, ang bait nga nung nagbigay samin eh" sagot ni Charlene

"Ganun talaga, nasa simbahan sila eh" sagot ni Gwynel

"Hindi rin, marami nga ko kakilala na sobrang madasalin pero iba parin yung ugali" pagkontra ko sa sinabi ni Gwynel

"Sabagay" napagisip isip nya

At matapos ng ilang minuto ay sa wakas at nakarating narin kami sa bahay ni Principal. Kaya bumaba na agad kaming lahat para magsimulang maghanap sa bahay nya.

Col's POV

Halaaaa!! Andito si Jane!! San ako pupunta?? Walang ibang labasan sa storage room na to, kundi itong pinto na to.

Pagsilip ko sa labas ay nakita ko syang naglalakad papunta dito. Kung may sakit lang ako sa puso ay kanina pa ko inatake dahil sa kaba ko. Talagang sobrang bilis ng tibok ng puso ko.

Tumayo nalang ako sa dulo ng kwarto at nagaantay ng pagdating nya. May cabinet dun na maraming mga nakalagay. May mga dextrose dun at mga kung ano anong chemicals na di ko alam kung para saan ang gamit. May isa lang dun na alam ko kaya kinuha ko to at tinago ko na hawak ko to.

"Ayoko pang mamatay!!" Takot na takot na sabi ko

Talagang hindi pa ko handang mamatay at takot akong mamatay.

Hanggang sa biglang bumukas yung pintuan at pumasok si Jane na nakangiti parin at nakatingin sakin.

"Jane.... wag mo tong gawin pls...." pagmamakaawa ko

"Alam naman nating alam mo na hindi ako si Jane!" Sabi nya at narinig ko na namang muli ang isang malademonyong boses. Napakalalim at nakakakilabot

"Jane lumaban kaaa! Alam kong nandyan ka! Isipin mo kuya mo!" Tuloy tuloy kong sabi

Pero mula sa pagngiti nya ay nabalot yung mukha nya ng galit. At nakita kong may hawak hawak sya na injection at may laman ito. Hindi ko lang alam kung ano.

At nagulat nalang ako ng bigla syang tumakbo sakin at tinusok sakin yung injection.

"Agghhhh" impit na sigaw ko at ituturok nya dapat yung laman nun nang bigla kong ibuhos sa mukha nya yung laman ng bote na hawak ko

"AHHHHHHHHHHH" isang malakas na sigaw nya at napahawak sa mukha nya

ACID!! Yun yung laman ng bote na hawak ko

"AHHHHHHHH" patuloy nyang sigaw dahil sa hapdi

Tinanggal ko yung nakatusok na injection sakin at nagawa kong tumakbo palabas.

"Sorry Janeeeee"

Paglabas ko ay may naaaninag akong ilaw na nanggagaling yata sa fire exit kaya sinundan ko to. At pagkarating ay tumakbo na agad ako pataas. Bumalik ako sa 3rd floor para balikan si John at yung phone ko.

May ilaw na dito, pero pagbalik ko ay wala na si John...... ASAN NA SYA??!!!! Nakita ko yung phone ko na andun parin kaya kinuha ko na to at umalis na

"John nasan kaaaaa?!!!!" Sigaw ko at nagbabakasaling may sumagot

"Nasan man si John ay sana okay sya at buhay pa sya"

Umalis na ko ng ospital para puntahan sina Charlene at sinusubukan ko silang tawagan pero cannot be reach yung mga phone nila.

Patay!! Kailangan ko na silang masabihan! Sinabi naman nila Kenneth yung address ng principal bago sila umalis kaya alam ko papunta dun. Sana nalang ay maabutan ko pa sila dun at sana ay nahanap na nila yung bangkay ni Maria.