رحلة الحب و الانتقام

الفصل السابع والثلاثون

تفاجأ الفتيات بوجود نايل واقفا على باب الجناح ولكن وقبل أن ينطقن حاول هو التبرير و.....
نايل ببلاهة مبررا"أنا كنت جاى أقعد معاك واتكلم معاكى يا بيرى فى ورق الصفقة الجديدة ...لسه جاى حالا"
بيرلا"صفقة ايه دلوقتى بس"
سيلا"وبعدين فين الورق ده أصلا ومدخلتش على طول ليه"
نايل بضحكة بلهاء"تعرفى ايه اكتر حاجة بحبها فيكى يا بنت عمى ...ذكائك ..خارقة الذكاء وقوة الملاحظة ....انت بتدققى فى حاجات عجيبة ...أنا مجبتش الورق انا جاى اقول ملاحظات عليه ومدخلتش على طول عشان هخبط وهو يجوز أدخل على بنات من غير اخبط افرض خالعين راسهم ولا حاجة"
سيلا بعدم فهم"يعنى ايه خالعين راسهم دى"
نايل "اه صحيح ما انت لسه مبتدئة مش زى"
ديما"نايل احنا مش محجبات اساسا"
نايل بهدوء " اه تصدقى نسيت يا شيخة جل من لا يسهو"
بيرلا "يا سلام على التقوى والايمان اللى بيشروا منك يا شيخ"
عائشة بشك"شكل ذاكرتك ضعيفة"
نايل "أول كلمة حق تتقال انا فعلا مش عارف مالى الفترة اللى فاتت أمال انتم فكرتم ايه مثلا ...بتجسس عليكم يعنى ...مستحيل صح"
اقتربت عائشة ومالت عليه قائلة بمكر وهمس"انا شفتك على فكرة"
نايل بهمس بدون أن ينتبه احد"احيياة أبوكى يا شيخة ما تنطقى"
عائشة بهمس"وتحكيلى "
نايل بهمس"حاضر  يا كرومبو  حاضر"
عائشة بهمس"ايه كرومبو دى"
نايل بتهكم هامسا"ايه عمرك ما سمعتى عن المفتش كرومبو ولا حمكشه ابن اخته"
بيرلا "انتم بتحكوا فى ايه انتم الاتنين"
نايل ببراءة"كانت بتسألنى عن حمكشة"
ديما"انت بتقول ايه "
عائشة بكذب"سيبك منه أنا فعلا جيت وشفته وهو هيخبط على الباب فناديت عليه وبس"
بيرلا"يعنى انت لسه جاى"
نايل"طبعا ...انا مش فاهم ايه لازمة التحقيق ده"
عائشة"طب تعالوا نتكلم سوا شوية لا أحسن حصل معايا حاجات كتير النهاردة"
بيرلا "طيب ندخل الاول"
دلف الجميع للجناح و.....
سيلا"ايه مش هتقول ملاحظاتك عن الصفقة"
نايل"أنا بقول نسمع عائشة الاول شكل موضوعها مشوق"
بيرلا"بس انا كنت عايزة اعرف ملاحظاتك الاول يا نايل"
نايل لنفسه "انا اتورطت"
ديما ببرود"ايه سكت ليه"
نايل بابتسامة"وهسكت ليه بصى انا شايفها صفقة ممتازة متتعوضش اه متتعوضش"
بيرلا"يعنى ده رأيك يبقى خلاص ندخل فيها وبتقلنا"
نايل وهو يومئ برأسه بالايجاب ولكن داخل نفسه يقول.....
نايل لنفسه"ربنا يستر ده مفتحتش الملف اساسا ومعرفش هى عن ايه"
عائشة بابتسامة"أنا قررت استقر هنا وجالى عرض برنامج فى قناة هى تقريبا الtop فى مصر"
ديما"بجد ده خبر تحفة"
عائشة"هم بيقولوا انهم واثقين ان برنامجى هيبقى الافضل كالعادة وطبعا عرضوا مبالغ عالية جدا خايفين ياخدنى غيرهم فعايزين يوقعوا العقد بسرعة بس انا طلبت مهلة افكر"
بيرلا"أنا شايفة انها فكرة حلوة انت اعلامية معروفة واستقرارك فى بلدك هيبقى شئ حلو جدا على فكرة"
عائشة"فعلا دى الحاجة اللى مخليانى اوافق مسمعتش رأيك يا ديما"
ديما بفرحة "بصراحة انا مش قادرة اعبر عن فرحتى بالخبر ده بجد ...انا....انا مصدومة"
سيلا"واخيرا الاصدقاء هيتلموا من تانى"
عائشة"انا اعرفك من امبارح واكتشفت انك انسانة عاطفية جدا...فاسكتى بقى عشان معيطش من التأثر"
هنا سمعوا طرقا على باب الجناح و......
بيرلا "ادخل"
دلفت الخادمة وقالت"ميرا هانم وجاسر باشا وصلوا تحت يا هانم"
بيرلا "طيب انا نزلالهم حالا شكرا اتفضلى انت"
خرجت الخادمة و........
عائشة "بصى يمكن انا مش فاهمة هى قالت ميرا وووجاسر تقصد جاسر نفسه....جاسر المحمدى"
بيرلا"اه هو "
ديما"بس هو جه ومع ميرا ازاى"
نايل"ننزل وتبقوا تفهموا تحت يلا"
اتجهوا جميعا للاسفل وبعد التعارف و معرفتهم للحادثة التى وقعت لميرا ورؤيتها لجاسر فسرت بيرلا لهم مغرفتها لجاسر بأنه من وكل للبحث فى قضيتها وعندما تقابلوا وأخبرته بقصة الهدية وملاك وأصدقائها فاجأها بأنه شقيقها فخمنت هى معرفته للجميع فعندما تأكدت تلك الدعوة اليوم دعته لعله يستمتع ويجد ما يفيد فى تلك الجلسة وبعد ذلك انشغلوا فى الاحاديث الجانبية ليمر الوقت سريعا حتى موعد الطعام.
وصل أحمد وعمر ومالك بصحبة سمر وتعانقوا بقوة عند مقابلتهم بالصدفة قبل دخول القصر وعرفهم مالك على سمر أنها خطيبته مما أدهش عمر وأحمد والذين حاولوا ألا يظهر ذلك على وجوههم واكتفوا بالابتسامات ودلفوا سويا ودلهم الخدم على الفرفة المتواجد بها الجميع و.......
عمر بابتسامة وهو يدخل"ايه مفيش أى ترحيب باللى لسه راجع ده"
عائشة "ازيك يا عمر ولا أقول عمر باشا واحد من أشهر رجال الاعمال فى العالم دلوقتى"
عمر"ده ار ده طب ما عندك أحمد ميفرقش عنى"
ميرا"بجد انا فرحانة ان احنا كلنا اتجمعنا اخيرا مرة تانية"
أحمد"بيرلا السبب جمعتنا كلنا من بلاد مختلفة"
بيرلا "أنا معملتش حاجة انتم اللى جيتوا أول ما شفتوا الصور وده شئ كويس"
مالك"لا عملتى "
بيرلا بدهشة"نعم؟ عملت ايه"
مالك "أقصد يعنى لولا انك ظهرتى فى الجرايد مع انك فى العادة مبتحبيش الظهور فى الاعلام فمكناش جينا اللى اقصده ان انت غيرتى عادتك دى فجأة صح وبمجرد ما جيتى مصر"
بيرلا بثبات"عادى ...دعاية لشركة كانت بتنهار"
مالك بشك "ممكن"
سمر بابتسامة"بصراحة كلامها منطقى صح يا...يا ديما"
فهمت ديما ابتسامة سمر الماكرة ومعناها فهى بالتأكيد تعلم بتورطها فى الامر فى لحظة لعنت ظهورها فى حياتهم ولكن أتى لها فكرة أنها من الممكن أن تفيدهم بدهائها ذاك و....
ديما بايماءة"طبعا بصراحة عندك حق"
نظر لهم مالك باستغراب من تجغوب ديما معها بدون أى نظرات قاتلة تلك المرة ولكنه لم يستطع استئناف تفكيره لحضور يوسف والعائلة المكونة من رزان وفريدة ويوسف والوالدان مسافران كالعادة.
رحبت ديالا بالعائلة فى الخارج وأخذتهم بصحبتها هى وجهاد للتحدث بالحديقة بينما أرسلت يوسف للجلوس مع أصدقائه.
توتر الوضع قليلا لحضور يوسف ولكن حاول الجميع الترحيب به بهدوء وابتسامة و......
نايل"أعتقد ان كله حضر كده يعنى مفيش تعارف جديد صح"
بيرلا"ما تهدى وتقعد كده"
نايل"هو انا عارف اهدى من ساعة ما وصلنا البلد دى كل شوية حاجة جديدة...الاكشن عالى هنا اكتر من هوليود على فكرة"
عائشة"حد قالك ان ظريف يا نايلر"
نايل "كتييير"
ميرا"ومضحك"
نايل"اكتر"
كانت ديما ستتحدث هى الاخرى ولكن قاطعها بغرور"عارف ...عارف انى افضل شخص فى العالم"
ديما "مين قال ان ده اللى كنت هقوله"
نايل "واضح ما دى الحقيقة"
بيرلا"مبتعرفش تسكت خمس دقايق اهو انا بقى هزودلك حاجة على صفاتك ....بتتكلم كتير"
نايل"دى احد صفاتى المهمة فى المهنة اعتز بالشهادة دى"
عمر بضيق حاول اخفاؤه"انت مبتكلمش غير مع البنات متعبرنا يا أخى"
نايل بغرور وهو ينظر للفتيات الخمس الجالسات بجانبه"دى اكتر صفة بحبها فى نفسي بقى ...مغناطيس البنات ....طبعا ومين يقدر يقاوم وسامتى "
أحمد"يا ابنى احنا مش بقينا اصحاب ليه الاستهبال ده بس"
نايل بابتسامة"استهبال ايه ؟الشرع حلل اربعة وانا جنبى اربعة يبقى كده تمام اتجوزهم "
مالك بدهشة"تتجوز مين ؟"
يوسف "واضح انك مبتعرفش تعد كويس دول خمسة"
سيلا بضحك"لا اربعة انا كده كده مش داخل العرض ده بقى طول عمرى مستحملاه عشان صلة الرحم وفى الاخر اتجوزه .....مستحييل"
نايل"خسرتى كتير شايفة معايا جميلات العالم وموافقين صح"
عائشة"فكرة مش بطالة اهو حتى كده هنفضل مع بعض"
ميرا"تستحق التفكير"
بيرلا بضحكة"نشووف"
نايل"اهو ده اللى باخده منك طول السنين دى وفى الاخر تقول"
أشار نايل لسيلا لتتابع مقلدة بيرلا"نايل انا بعتبرك صديق ومش بس كده انت اخويا وانت اكتر واحد عارف انى مش قادرة انسى واكيد مشاعرى مفيهاش  أى حاجة خاصة ﻷى حد"
ديما بابتسامة"سيبك منهم كلهم أنا موافقة أنا اصلا single"
نايل"والله شعور الsingleده صعب ما تيجى نبقى double"
ديما "بالرغم من التشوه اللغوى ده الا انك كلامك حكم"
عائشة"بس هو عرض علينا كلنا ها"
ديما"وبذمتك فى شعور احلى من اننا نبقى ضرر ده احنا حتى فريق تحفة"
بيرلا"الفكرة هتبقى حلوة عشان مخسرش أصدقاء واسافر"
دلفت لهم ديالا و.......
ديالا بابتسامة"فيه ايه ؟"
أحمد "واضح ان نايل كان بيهزر"
عمر"بس هزاره تقل حبتين"
مالك"ده المود بتاعه كان عالى "
يوسف" بس أكيد الهزار ده مش هيتكرر تانى"
جاسر"أكيد هنرجع للجد بقى"
ديالا"انا مش فاهمة انتم بتقولوا ايه اساسا ونايل بيهزر فى ايه"
نايل بابتسامة"أنطى ديلا انا مكنتش بهزر انا بطالب بحقى ك single بطالب بزوجة"
عائشة"قول زوجات"
نايل"مفرقتش"
ديالا"ده العادى بتاعه بس مفلحش اكيد كالعادة"
ميرا"شكل فى امل المرة دى"
ديالا"انتم شكلكم هتنسونى جيت ليه يلا عشان الغدا جاهز "
بيرلا"حاضر يا مامى جايين وراكم"
اتجه الجميع لغرفة الطعام وهناك لم تحدث أشياء تذكر فتجمع الجميع كان شيئا صعب على استيعاب البعض وأهمهم فريدة فقد شعرت بقرب النهاية ولكنها انتظرت نتائج التحاليل والتى ستؤكد تلك الظنون .
لم يحدث شئ سوى حديث رزان عن....
رزان باعجاب لديالا"حلو جدا العقد اللى انت لابساه ده يا ديالا هانم"
ديالا بابتسامة"ده من ذوقك يا رزان هانم"
انتبه البعض للحديث الدائر وأحدهم مالك بينما تابعت رزان .......
رزان"بس يا ديالا هانم انت جايباه من روما ولا من بلد تانية عشان الفصوص حاسة ان تصميمها مميز"
ديالا بابتسامة وهى تتأمله"أنا ما اشتريتهوش أصلا ده  تصميم ليا مخصوص وبصراحة غالى عندى جدا لدرجة انى مبشيلهوش خالص"
رزان"بس انا لما قابلتك قبل كده ملاحظتهوش"
ديالا"بصراحة ساعات بتعمد أداريه"
رزان"بس الحروف دى تقصدى بيها ايه"
رفع مالك عينه لينتبه للعقد والذى لديه نسخة منه تقريبا بنفس الاحرف هنا بدأت الصورة تتضح له وبالاخص عندما أكملت ب.....
ديالا بابتسامة حانية"ده بقى بيجمع عيلتى الصغيرة يعنى الحروف بتاعته بتعبر عن تلات أشخاص جهاد وبيرلا وديالا مفيش منه فى العالم كله غير قطعتين بس للتصميم ده"
مالك متدخلا"العقد فعلا حلو جدا بس أنا كان عندى سؤال انت دلوقتى معاكى قطعة فين القطعة التانية"
تطلعت بيرلا بقلق لما يحدث وهى تلوم نفسها على عدم ملاحظتها لذاك العقد قبلا او انها لاحظت ولم تسأل ظنا منها أنه تراث عائلى كان لوالدتها نسخة منها أيضا ولكن حديثهم عنه الان أدهشها وما زاد من خوفها تعليق مالك عليه مما يؤكد فكرة أنه تذكره بل من الواضح أنه لم ينسى أى تفصيل عنها تقريبا فى حين أجابت ديالا عليه ب.......
ديالا بحزن وصدق بائن فى نظرتها ونبرتها"معرفش غير انه ضاع او اتسرق مفرقتش الفكرة دى بالنسبالى فى الحالتين أنا خسرته ...للأبد"
مالك بتساؤل"خسرتيه ازاى يعنى المفترض ان حاجة ثمينة كده تحافظى عليها كويس"
ديالا بابتسامة حزينة منكسرة وقد نست من حولها" لو تقصد القيمة المادية فميهمنيش الملايين دى أما المعنوية فأنا خسرت حاجات أغلى بكتير"
مالك "مش فاهم!!"
ديالا وقد انتبهت لنفسها"أقصد انى كنت محافظة عليه لحد الحادثة اللى حصلت وولادة بيرلا ودخلت فى غيبوبة واعتنت بيها اختى طبعا القصة دى معروفة أصلا ....المهم انه ضاع من جهاد فى الفترة دى مقدرش يحافظ عليه ...للأسف"
ميرا"أكيد العقد مش مهم طالما بيرلا موجودة"
عائشة"فعلا بيرلا اهم"
رزان بحنان"البنات فعلا عندهم حق هتستفادى ايه من عقد واللى انت عملاه عشانهم أصلا حواليكى أكيد وجودهم أهم من مليون عقد"
ديالا بابتسامة وهى تنظر لبيرلا بجانبها"وجود بيرلا فى حياتى هى الحاجة الوحيدة اللى هونت عليا كل حاجة"
ابتسمت بيرلا بينما طالعتهم الكثير من العيون المشفقة والمحبة والخائفة والمنتصرة و.....الشاعرة بالذنب والتى كانت من نصيب ....جهاد.
جهاد"خلاص يا ديالا خلينا نقفل الصفحة الحزينة دى بقى"
بينما كانت سمر تقول بقلق لنفسها"لو اللى فهمته ده صح يبقى الحكاية دى مش عمرها خمس سنين لا دى......عمرها خمسة وعشرين سنة من عمر ...بيرلا تقريبا بس هى مش عارفة أكيد"
مالك بابتسامة لنفسه"اهو انا كده لقيت المفتاح اللى هفتح بيه صندوق الاسرار كله"
بيرلا لنفسها "فى حاجة غريبة فى قصة العقد ده ازاى اتسرق وازاى كان معايا طول عمرى فى حاجة غلط بس انا لازم اعرفها"
عادت بيرلا لذاكرتها للبعيد لما يقرب من عشرين عاما تقريبا وتذكرت ........
سلمى"ملاك .....ملاك تعالى"
خرجت ملاك بسرعة من غرفتها ملبية لنداء والدتها وهى تقول"نعم يا مامى محتاجة حاجة"
سلمى بصرامة"فين العقد بتاعك؟"
ملاك بتلعثم وكذب"بب.. بصراحة يا مامى أصله....أنا شايلاه عندى فى الاوضة جوا"
سلمى بجدية آمرة"طيب روحى البسيه بسرعة"
ملاك "ليه يا مامى مالوش لزوم أنا...."
سلمى بجدية"انت ضيعتيه صح "
ملاك باستسلام للحقيقة"معرفش راح فين بس أنا كنت فى البيت عند حسام وجاسر ولما رجعت كان معايا بس معرفش اختفى فين"
سلمى بصرامة"أنا مش كنت قلت متخلعيهوش خالص"
ملاك "بس أصل...."
سلمى مقاطعة"أول حاجة أنا أكيد مش هسامحك على الكدب ده ﻷنى أنا مربتكيش على كده ومش عايزة يجى يوم وتهزى ثقتى فيكى"
ملاك مدافعة عن نفسها"أنا مبكدبش خالص ومعملتش كده غير لما خفت من ردة فعلك ﻷنك بتحبى العقد ده جدا ومبتخلينيش أقلعه أنا مش فاهمة اشمعنى انا لكن ملك لا"
سلمى بتسرع"ﻷنه معمول ليكى انت"
ملاك"مش فاهمة"
سلمى وقد استعادت انتباهها لما تتفوه به"مش مهم تفهمى دلوقتى بس المهم ان العقد معايا وتعالى عشان هلبسهولك واياكى تخلعيه وتنسيه تانى"
ملاك بفرحة"بجد معاكى"
سلمى "طالما بتحبيه بتخلعيه ليه؟"
ملاك"انا بحبه بس من خوفى عليه ساعات بحب اشيله عشان ميحصلوش حاجة"
سلمى"وبتضيعيه"
ملاك وهى تقف أمام والدتها وتوليها ظهرها وهى تساعدها فى وضع العقد "ما انا بردو مش هفضل طول عمرى لابساه"
سلمى وهى تضعه حول رقبة ملاك بحرص"ملاك هتفضلى لابساه....أرجوكى حافظى عليه"
ملاك وهى تستدير"انت بتقولى ايه يا مامى طبعا هحافظ عليه انت بس تؤمرى يا قمر"
احتضنتها والدتها وهى تقول دافنة وجهها فى شعرها الطويل"ملاك ده ذكراكى الوحيدة من أهلك حافظى عليها"
ملاك باستغراب"ذكرى ايه يا مامى ما انتم معايا اهو وبعدين اشمعنى انا وايه معنى الحروف دى"
سلمى بهدوء"متسأليش كتير واعرفى انك محظوظة اكتر من ملك عشان حاجة زى دى تبقى ليكى انت وبس ....ﻷنها ملكك يا ملاك..........!!!؟؟؟"
.......................................
عادت مرة أخرى من شرودها ﻷرض الواقع وقد انتهى الجميع من الطعام واتجهوا جميعا للحديقة الواسعة ليسمروا بها فى يومهم السعيد....حتى الان.
سحبت عائشة نايل بعيدا و........
عائشة"ها ايه بقى؟"
نايل بعدم فهم"ايه؟"
عائشة"سمعت ايه بلاش تستغبى"
نايل "انا سمعت حاجة ده انا كنت بخبط على الباب"
عائشة"انت هتستهبل عليا ده انا اللى انقذتك"
نايل "انا مش فاهم تقصدى ايه"
عائشة بغيظ وهى تتحرك"بقى كده انا بردو كنت بقول احكى لبيرلا وهى تفهمنى كل حاجة....بيرلا"قالت كلمتها الاخيرة متظاهرة بالنداء
نايل وهو يسحبها من يدها لتعود لمكانها مرة اخرى"اترزعى الله يخربيتك انت مبتهزريش ابدا انت من المنوفية"
عائشة"انت متأكد انك من روما مش شبرا"
نايل بفخر"شبرا بلدى الثانى"
عائشة"يلا ادخل فى الجد"
نايل"فى البدايه كده انا مسمعتش حاجات كتير ﻷنك وبكل غباء فضحتينى فى اللحظة الاخيرة وهى خلاص هتحكى وهفهم"
عائشة لاعنة حظها"ياريتنى كنت سكت واستنيت لحد ما يقفشوك بنفسهم"
نايل"خلاص اخرسى بقى انا كل اللى سمعته كلام عن حاجة زى شغل عصابات وورق بيدوروا عليه بمساعدة ناس كتير معرفهمش و....."
حثته عائشة على المتابعة"وايه؟"
نايل"كلام كان عن صاحبتكم ملاك "
عائشة باضطراب"انت اللى توقعت انه عنها"
نايل"لا اسمها اتذكر وكانوا بيفكروا عن حاجة مخدوش بالها منها فى ايه معرفش ﻷنك دخلتى فى اللحظة اللى بيرلا كانت هتحكى فيها"
عائشة بتوتر"هى ممكن تكون......لا مستحيل ....ديما ومالك حتى يوسف شافوا الجثة واتعرفوا عليها"
نايل"جثة ايه انت بتقولى ايه فهمينى"
عائشة"انت لازم تدور ورا الكلام ده"
نايل"انا فعلا عملت مكالماتى وحاليا هتأكد قريب من شوية استفسارات وانت هتساعدينى"
عائشة بابتسامة"اكيد المهم نعرف الحقيقة"
اقترب منهم أحمد بابتسامة باردة وهو يشعر برغبة فى خنق عائشة فهو يراقبهم من بعيد من أخذها له بعيدا وامساكه ليدها وضحكاتهم وهمساتهم معا فشعر برغبة غريبة فى ضربها فجأة و....
أحمد ببرود"عائشة ممكن لحظة كنت عايز نتكلم سوا فى حاجة مهمة"
عائشة بدون أن تنظر له"طيب لحظة يا أحمد بتكلم فى حاجة ضرورى"
نايل بابتسامة"لا أنا خلاص قلت اللى عندى روحى ونبقى نتكلم بعدين او فى الفون"
عائشة"اوك هستناك"
ابتعدوا عن نايل وأجلسها أحمد بصحبة الباقين و...
عائشة"ها يا أحمد كنت عايز ايه"
أحمد"مفيش"
عائشة وهى تنهض"ونادتنى ليه مادام مفيش أنا قايمة"
أحمد بغيظ"ايه عجباكى القعدة مع عريس المستقبل"
عائشة بمكر"بقى كده ....بصراحة منكرش القعدة معاه جميلة وخصوصا انه مستعد حتى لو وافقت يدوبك هحدد القاعة تقريبا"
أحمد بضيق وهو يسحبها لتجلس مرة اخرى"اترزعى جنبى بدل ما اشوهك دلوقتى"
عائشة لنفسها بخبث"بقى كده وربنا لأربيك والله وهستفيد منك يا سي نايل"
..................................
لم تمر دقيقة على نايل بمفرده لتذهب له ميرا متسائلة بفضول"كنت بتقول ايه"
نايل بدهشة"هو انا اتكلمت "
ميرا"لعائشة انت بستهبل"
نايل"يوووه ما انا شكلى جاى اتشتم النهارده انتم هتستلمونى"
ميرا وهى تضربه بكتفه"يلا بقى قول"
اقترب جاسر منهم بحنق "يقول ايه؟"
ميرا "أصل انا كنت بسأله عن...."
نايل كاذبا مقاطعا لها"كانت بتسأل عن صفقاتنا الجديدة مع الشركة اللى بتشتغل فيها مع عمها"
جاسر"طب تبقى تسأل بعدين عشان أنا عايزها ضرورى دلوقتى "
ميرا"بس أنا عايزة نايل فى حاجة بعدين يا جاسر"
نايل بابتسامة"بعدين يا ميرا روحى شوفى فبه ايه وهنبقى نتكلم بعدين او الفون"
جاسر وهو يجذبها من يدها "يلا بقى "
اتجهوا للمكان الجالس به الجميع و.........
ميرا "عايز ايه يا جاسر"
جاسر"هو انا مقلتلكيش"
ميرا"لا"
جاسر"طب اقولك بقى نايل أكيد مش شايفاه عريس المستقبل صح"
ميرا بابتسامة مكر"وليه ده حتى لطيف ووسيم و....."
جاسر"اسكتى ياميرا دلوقتى"
ميرا"حاضر اهو حتى افكر بهدوء"
نظر لها جاسر نظرة قاتلة فبادلته بابتسامة.
.......................................
لم تمر دقيقة أخرى حتى أتت بيرلا تمزح معه قليلا وتسأله عن حاله وصمته المفاجئ وبعد دقائق اتجه لهم يوسف ومالك بحجة الكلام عن الاعمال العالقة فتركته ورحلت بينما هو يضحك على ما يحدث وفى نفس الدقيقة أتت ديما و........
ديما بضحك"هو فى ايه أنا شايفة البنات يجولوك لوحدهم يرجعوا معاهم حد هو انتم بتعملوا ايه هنا"
نايل"لا واخر واحدة جالى اتنين فى حاجة مش طبيعية والله"
ديما"اطمن بقى أنا لوحدى"
نايل بابتسامة"متأكدة "
أومأت ديما برأسها ايجابا بثقة فأجابها"طب بالنسبة للى جاى من وراكى اعتبره ايه"
ديما وهى تستدير للخلف"تقصد مين؟"
رأت ديما عمر قادما نحوهم فابتسمت ببرود "ده عمر"
نايل"هو انا قلت حاجة تانية انت اللى قلتى مفيش حد هيجى ياخدك"
ديما هامسة"متقلقش اهو انا بقى اللى هرجعلك حقك"
عمر "ديما انا كنت عايز اتكلم معاكى فى...."
ديما"معلش يا عمر وقت تانى عشان بتكلم مع نايل"
عمر بضيق"وهو الموضوع ميتأجلش"
نايل"والله اسألها"
ديما بضحك "وأجله ليه سيبنى اتكلم معاك مش يمكن اقنعك بالجواز"
عمر"ملهوفة عالجواز اوى"
نايل"المشكلة فيا هو فيه حد يشوفنى وميحبش الجواز ....ويا شيخة أنا موافق لو انت موافقة يااااه نفسى بقى اغير الحالة على الفيس من single بقى"
ديما"وانا كمان نفسي بجد تيجى نلحق قبل القطر ما يفوتنا بقى"
عمر بحنق "لازم نتكلم يا ديما"
ديما"عمر صديق يعنى مش هتضيع لكن ده عريس ممكن يفلت"
نايل"ايوة تمسكى بيا انا ليا معجبين كتير"
عمر"صديق ده من امتى ان شاء الله "
ديما "الشغل حاجة وهنا حاجة واحنا اصدقاء ولا انت نسيت صداقة عمرها خمس سنين"
نايل "هو انا حاسس ولا بيرلا بتنادى علينا وتجمع الكل"
عمر "واضح كده تعالى نمشى يا ديما"
ديما"وليه انا همشي مع عريس المستقبل "
نايل"يلا يا دمدوم"
ديما"يلا يا نايلر"
ذهب الاثنان وارتسمت ابتسامة بلهاء على وجه ديما لشعورها باستفزاز عمر من تجاهلها له بينما كان عمر على وشك الاشتعال و.......
عمر بغضب لنفسه"صديق ونايل زوج المستقبل ده فى أحلامك أنا مش جاى للعب العيال ده "
.................................
كانت بيرلا تجمع الكل حولها وحين تأكدت من اكتمالهم بدأت حديثها ب......
بيرلا بجدية"كلكم عارفين انى بالاساس كنت عايزاكم تتجمعوا سوا يعنى كل اللى كان ليهم علاقة بملاك وده كان عشان أحاول أجمع الخيوط ببعضها واعرف اللى خطفنى ده يبقى مين لحد ما جه المقدم جاسر وقابلنى عشان يجمع منى معلومات وعرفت فى الحديث انه  أخوها ومش بس كده عرفت كلام تانى كنت عايزة أفاتحكم فيه بس افضل انه اللى يقولها جاسر"
جاسر "أنا مش عارف هبدأ ازاى بس مفيش أحلى من الوضوح ملاك كانت.....يعنى هى اتورطت مع مافيا بتاجر فى كل حاجة غير مشروعة وأولهم المخدرات"
عائشة بذهول"مافيا "
ميرا بصدمة"مخدرات"
أحمد "ملاك مستحيل تعمل كده"
عمر"ازاى اللى انت بتقوله ده"
يوسف"وانت عرفت ده منين ووصلت لايه"
ظل مالك فى تلك اللحظة صامتا ناظرا لوجه بيرلا يتأمله بصمت لتعابيرها الصلبة الجامدة و....
مالك "أعتقد انك تقصد ان ملاك فضحتهم مش كانت معاهم"
جاسر"بالظبط"
يوسف"طب اشرحلنا جبت الكلام ده منين "
جاسر"أنا......"
"أسف للمقاطعة ولكن هذا لن يحدث قبل التحدث بأمر أهم ....ان كنت نسيتى الوصية يا زوجتى المستقبلية"
أتى هذا الصوت مقاطعا لجاسر وبالطبع لم يفهم الحديث أغلبهم فقد كان باللغة الايطالية ولكن استدار الجميع ليروا أمامهم شاب قوى مفتول العضلات طويل القمة ذو شعر بنى طال قليلا فجمعه للخلف وعقصه فى ربطة صغيرة يملك لحية بنية تجذب له النظر وملامحه وسيمة ومختلفة عن الجالسين أمامه.
قطع شرودهم فى ملامحه صوت بيرلا المصدوم"دانى......من أدخلك هنا؟"
دانى بابتسامة باردة"أرى أنك نسيتى أمر الوصية فجئت ﻷذكرك بصحبته"
نظرت للاخر وقالت "سام ماذا يحدث هنا"
نايل بغضب"لما أتى هؤلاء الان"
دانى"لا تغضب يا صغير سترانى كثيرا الفترة القادمة"
ديما"اهدأ قليلا نايل"
دانى "استمع اليها أفضل لك"
نايل"سأقتلك كيف تجرؤ على المجئ "
سيلا"لا تدعه يستفزك انه هكذا دائما يا نايل"
جهاد بجدية"لما اتيت يا دانى بالتأكيد ليس للاطمئنان على الاحوال"
دانى "جئت بأمر هام ولكن أعتقد انهم لم يخبروك به قبلا عمى"
ديالا"اتركوه ليجلس هو وسام أنا من أدخلته لديه موضوع هام ليحادثنا به"
جلس الاثنان بينما كان الجميع يراقب الموقف بلا تدخل وبعدم فهم وعندما حاولوا الانصراف منعتهم بيرلا و......
مالك"هو ايه اللى بيحصل"
ميرا"واضح انه مش حاجة كويسة"
جاسر"مش بتفهمى ايطالى انت وديما ،ترجموا"
ميرا"ديما مشغولة معاهم اهو بس انا ممكن اترجم بص يا سيدى الاخ ده واضح انه بينهم عداوة لان محدش طايقه وهو جاى يتكلم فى موضوع  بيقول انه مهم عن وصية تقريبا  "
بيرلا "الان اخبرنا ماذا تريد؟"
سام"ﻷبدأ انا بيرلا اقترب موعد انتهاء المدة المتروكة لك للاختيار بقى شهر واحد عليك تنفيذ الشروط أو سيبقى لك حلان فقط ان مرت تلك المدة"
بيرلا"هل تلك وصية جديدة ؟"
دانى"بل هو شرط من القديمة تقرأيه فى حالة عدم تنفيذك أى طلبات في الوصية قبل شهر من انتهاء المدة المتروكة لك"
جهاد"ألم ننتهى من أمر تلك الوصية من سنوات"
نايل"نعم ذهبت بيرلا وفتحت وانتهى الامر"
سام"وما كان بداخلها ألم تخبركم بهذا"
ديالا "تكلم بوضوح سام"
بيرلا "سام انتظر أنا....."
ديالا"اصمتى بيرلا تحدث سام"
سام "أنا كنت المحامى المسئول عن وصية جاك والوصية هى كالتالى وهو أمر بالزواج من اخر قبل اتمام خمس سنوات من بعد الوفاة وبعدها تكون الثروة لبيرلا وزوجها والا تذهب كل الثروة للجمعيات الخيرية وجميعكم تعرفون أن ثروة جاك ليست بقليلة ....أبدا"
بيرلا بضيق"وانا قلتها قبلا لن اتزوج ولا أريد أى شئ"
دانى بضيق"ولكن غيرك يحتاج أنسيتى والدته"
بيرلا"سأعطيها ما تريد وسأتكفل بكافة المصاريف"
دانى "ألم تحاولى لسنوات ورفضت وحاولت انا ايضا"
بيرلا"سأظل أحاول ما الجديد فى الامر"
سام "الجديد أنكى لو لم تختارى الزوج المحظوظ خلال شهر ستكونى مجبرة على شخص بالتحديد "
ديالا"ومن هو ؟"
سام "السيد دانى"
نايل"ماذا تقول انت؟"
بيرلا بغضب "أنت تهذى بالتأكيد"
دانى ببرود"بالتأكيد لست متشوقا لذلك عزيزتى أتمنى أن تجدى الزوج المحظوظ اليوم قبل الغد"
سام"وفى تلك الحالة ستظل الثروة ملك لكى وللسيد دانى الى أن تنجبى اول طفل فتذهب له"
بيرلا وهى تتركهم غاضبة"هذا مستحيل .....لا أريد تلك الاموال وان كانت كنوز الدنيا اجمع فلتذهب تلك الاموال للجحيم"
دانى وهو ينهض خلفها"أنت لا تريدين لكن ما لا تعرفيه أن والدة جاك الان بين الحياة والموت وحياتها تتوقف على تلك الاموال التى تتمنى ذهابها للجحيم"
تسمرت مكانها واستدارت له بعدها"ماذا تقصد؟ انت تكذب"
ديالا "ما يخبرك به صحيح هى مصابة بمرض خطير وترفض العلاج والعملية تكلف أموالا طائلة حاولت مساعدتها لكنها رفضت "
دانى"لقد قالتها صراحة لن تأخذ الا من أموال جاك وشرطها تنفيذ الوصية أى زواجك ....وان حدث شئ لتلك المرأة ستكونين السبب كما كنت السبب فى وفاة جاك وشقيقتى "
بيرلا وهى على وشك فقدان أعصابها والانهيار"كانت حادثة"
دانى باتهام"لا بل كنت انت المتسبب الوحيد بها ...دلالك الزائد وحبهم لك كان السبب فى ضياعهم"
بيرلا بصراخ"اصمت انت لاتعلم شئ"
بدأت بالبكاء بعدها وهى تصرخ قائلة"كانت حادثة"
انهارت تماما فحاولت الجميع تهدئتها الى ان اقتربت منها سيلا وهم يمسكونها وأعطتها مهدئا لتسقط بعدها مغشي عليها فحملها مالك والذى كان الاقرب لها فى تلك اللحظة وتركوها فى جناحها ليعودوا مرة أخرى للأسفل وعلامات الغضب ترتسم على وجوههم و.......
مالك"اسمحيلى يا ديالا هانم افهم اللى بيحصل"
عائشة"دى انهارت تماما"
ميرا بغضب لدانى"انت معندكش دم بتضغط عليها وهى منهارة بالشكل ده"
نظر لها دانى بعدم فهم بينما قالت عائشة"ايه سبب الانهيار ده"
ميرا بغضب"البيه بيضغط عليها عشان يتجوزها وياخد الميراث بتاعها من جوزها الاولانى"
مالك بصدمة"يتجوز مين........ميراثها من مين........؟؟؟!!!"...............................................................................................