رحلة الحب و الانتقام

الفصل العشرون

استفسر مالك عن ما فعلته ملاك وأسبابه و...
يوسف "الموضوع وما فيه إننا لعبنا ملعوب صغير كده من الصبح"
مالك"ملعوب"
ملاك بتنهيدة"بص يا سيدى الموضوع وما فيه إن أنا عرفت إن اللى خططت لكل اللى حصلى هى شيرى وعرفت كمان اللى ساعدتها فى كده واستغليت انها لوحدها فى مرة ووقفتها عشان أعرف استغل الموقف كويس"
فلاش باك:
أوقفت ملاك النادلةو....
ملاك بهدوء"معلش ان كنت وقفتك بس بصراحة أنا عايزة منك طلب"
ولاء وقد نسيت أنها هى نفس الفتاة التى كانت اتفقت مع شيرى ضدها سابقا"اؤمرى يا فندم"
ملاك"اسمك ايه الاول بس"
ولاء "ولا يا فندم"
ملاك بابتسامة" طب بصى يا ولاء أنا فى حاجة محدش غيرك يقدر يساعدنى فيها بصراحة أنا عايزة أعمل مقلب فى واحدة فأنا هروح أقعد فى مكانى عادى ولما تيجى هنطلب طلباتنا العادية وهشاورلك عليها عشان تحطلها من حاجة هديهالك فى العصير"
ولاء بتوتر"اللى حضرتك بتقوليه ده مينفعش أصلا ده يودى فى داهية و.."
ملاك مقاطعة "متقلقيش كله هيبقى تمام"
ولاء بتوتر "مينفعش أصلا ده جريمة"
ملاك بمكر"يا بنتى هظبطك والله متقلقيش"
ولاء وقد حسمت أمرها "حضرتك للاسف عرضك مرفوض أنا مش من النوع ده وكل اللى أقدر أقوله لحضرتك إنى مش هقول اللى طلبتيه منى ده لحد وأتمنى إننك تتراجعى"
استدارات ولاء لترحل ولكن أوقفها صوت ملاك و...
ملاك "غريبة مع إنها مش أول مرة تعمليها"
التفتت لها ولاء وهى تبتلع ريقها بخوف"أنا مش فاهمة حضرتك"
ملاك"لا لازم تفهمى مش معقولة ذاكرتك ضعيفة عشان تنسي العصير اللى جبتهولى امبارح بطلب من شيرى ولا دى كمان لحقتى تنسيها"
ولاء وقد شعرت بالمأزق الذى وقعت به"أنا ..أنا... ممممش .."
ملاك "أنتى هتهتهى كتير أنا عارفة كل حاجة على فكرة ﻷن فى حد شافكوا وقالى والغريب واللى فاجئتينى بيه الصراحة إنك بترفضى النهاردة وعملالى شريفة أمال امبارح ده كان قالى بس أنا أصلا مش هاسكت على أمثالك وهقول للمدير عليكى"
ولاء وقد بدأت دموعها فى الهطول برجاء"والله أنا اسفة هى هددتنى عشان أعمل كده وشغلى ده هو اللى بصرف بيه على أمى واخواتى وهى كانت ممكن تقطع عيشى"
ملاك"عايزة تقنعينى انك مخدتيش فلوس عايزانى أسامحك يبقى تحكى كل حاجة بدون كذب وأنا هتصرف"
ولاء بصدق"بصراحة هى جاتلى هنا وقالتلى اعمل كده ولما رفضت فى الاول كلامها كان فيه تهديد ليا وفوق كده عرضت عليا فلوس وأنا فعلا محتاجاها ساعتها عشان أخويا هيعمل عملية وطلبت سلفة واترفضت وتقريبا هى عرفت من حد ﻷنها جت وعرضت عليا المبلغ اللى أنا محتاجاه فأنا اضطريت أعمل كده وكل تفكيرى ان البتاع اللى حطته ده مش مؤذى يعنى وانه مقلب ﻷنى مكنتش أعرف ده ايه يعنى انتى أكيد مهما عملت مش هتخسري حاجة انما أنا هخسر شغلى وكمان مش هاقدر أعمل لاخويا العملية"
ملاك بسخرية"هخسر ايه اهو بذكائك ده أنا كنت هموت"
ولاء "والله ما كنت أعرف ده ايه أصلا وهى فهمتنى ان مفيهوش أذى وحطيته بنفسها"
ملاك"بصى أنا هحاول أصدقك ومخليش حد يسمع التسجيل اللى معايا خالص بس ليا شروط"
ولاء بتساؤل قلق"تسجيل ايه"
ملاك "هو أنا مقولتلكيش أنا من ساعة ما جيت أكلمك أصلا وأنا بسجلك من غير ما تحسي حتى شوفى كده"
رفعت الهاتف أمام عينى ولاء التى طالعته بنظرات مصدومة فقد كانت تسجل لها فعلا فقد فعلت التسجيل الصوتى فى هاتفها بدون انتباه ولاء منذ وقت.
ولاء "حضرتك عايزة منى ايه أنا قلتلك على كل حاجة"
ملاك "مش عايزة حاجة أنا عملت كده للاحتياط عشان متقوليليش دلوقتى وتنكري بعد كده بس أصلا مش هحتاجه خلاص أنا هاحتاج منك خدمات مقابل ليه مش أكتر"
ولاء بدهشة"خدمات"
ملاك"ايوة تساعدينى زى ما ساعدتيها مش حاجة يعنى"
ولاء "بس أنا مش عايزة مشاكل أنا أصلا ندمانة على اللى عملته"
ملاك"واحنا هنربيها مش أكتر عشان متكررش ده ها ايه قرارك؟"
ولاء بعد تفكير"تمام حضرتك هتحتاجى منى ايه عشان أعمله"
ملاك وقد فكرت مسبقا فيما تريد فعله لو تأكدت من شكوكها"بصى أنا عايزة الماستركي اللى بيفتح كل الاوض وهحتاجك فى حاجة تانية لما تجبيهولى هقولهالك"
ولاء بقلق"بس ده هيبقى صعب إنى أجيبه وخصوصا إن شغلى فى الفندق مالوش علاقة بالاوض"
ملاك"شغلك فى الفندق أكيد مخليكى تعرفى ناس فيه فى أقسام مختلفة يقدروا يجيبهولك"
ولاء"طيب هحاول"
ملاك"مفيش حاجة اسمها هحاول لازم تجيبيه والنهاردة فى خلال ساعة ولا حاجة"
ولاء "بس ده هيبقى صعب"
ملاك وهى تسحب هاتف ولاء من يدها فقد كانت ستتحدث بالهاتف عندما نادتها"مفيش حاجة اسمها صعب روحى شوفى يلا هتجيبيه إزاى ولما يبقى معاكى اتصلى بيا عشان أخده وأنا كتبتلك رقمى أهو وساعتها هقولك عايزة منك ايه تانى"
ولاء وهى ذاهبة "حاضر"
ملاك فى نفسها بعد رحيل ولاء"كده فاضل الجزء التانى من الخطة يارب يقتنع بسهوله وما يدوخنيش ماهو مفيش غيره يقدر يساعدنى بس هو أنا معايا رقمه أساسا....أيوة صح افتكرت ده سجلهولى امبارح فى الفون عندى"
أمسكت ملاك هاتفها وطلبت رقم يوسف المسجل عندها .
فى هذا الوقت كان يوسف بسيارته عائدا للفندق وقد تفاجأ من اتصال ملاك منه الان فأجابها سريعا فقد خاف أن يكون حدث مكروها ما.
يوسف بقلق" الو يا ملاك فى حاجة"
ملاك بشك"ﻷ مفيش بس هو انت عرفت ان أنا منين من غير ما اتكلم"
صمت يوسف وهو يحاول التفكير فى طريقة للتهرب من الاجابة فهو لا يريد أن يخبرها بأنه أخذه من هاتف مالك بدون علمه حتى لا تسأل عن السبب فهو نفسه لم يعرف سبب أفعاله تلك حتى الان.
يوسف "فى حاجة حصلت عندكم مهمة محتاجين حاجة"
ملاك"فى حاجة حصلت ﻷ إنما هتحصل محتاجين ايه فأنا اللى محتاجة وبصراحة محتاجاك انت"
يوسف بمكر"فى أى حاجة أنا فى الخدمة"
ملاك "دماغك مترحش بعييد أكابتن وامسح ابتسامتك دى حالا"
ضحك يوسف وقد لاحظ أنه مبتسم بالفعل ثم..
يوسف "انتى مراقبانى ولا ايه"
ملاك"لا بس تقدر تقول قرياك المهم قولى انت فين دلوقتى"
يوسف"أنا فى العربية وجاى عالفندق"
ملاك بسرعة"ﻷ ﻷ ﻷ ﻷ ﻷ"
يوسف بدهشة "هو ايه اللى ﻷ"
ملاك"متجيش"
يوسف"نعم ؟مجييش أمال ايه جو محتاجاك ده"
ملاك بثقة "ما أنا محتاجاك بس مش فى الفندق بره عشان نبقى لوحدنا"
يوسف بخبث"لوحدنا كنتى قوليها من الاول وأنا ظبطلك الدنيا"
ملاك"لتانى مرة بقولك سيطر على أفكارك متروحش بعيد احنا هنتكلم فى حاجة مهمة"
يوسف بمكر"ما أنا عارف"
ملاك بنفاذ صبر"يا عم انجز فى يومك مش هنقضيها كده شوف نتقابل فين وياريت مش بعيدة عن الفندق"
يوسف وقد لاحظ ضيقها"بصى أنا عند كافيتيريا (...)عالبحر هى مش بعيدة أوى عن الفندق هركن العربية هنا وأستناكى جوا أوك"
ملاك بحماس"وأنا خمساية وأكون عندك"
فوجئ يوسف بإغلاقها الهاتف فى وجهه عقب جملتها تلك فنظر له بدهشة ومن ثم ضحك و....
يوسف هامسا بضحكة"مجنونة"
أوقف يوسف سيارته بجوار المقهى واتجه له واختار طاولة مقابلة للباب ليراها عند دخولها بسرعة ورفض أن يطلب شيئا حتى تأتى وبالفعل لم ينتظر طويلا ووجدها تدخل تبحث بعينيها عنه حتى رأته عندما أشار لها فابتسمت واتجهت له.
ملاك بابتسامة "اتأخرت عليك"
يوسف"عايزة الحقيقة انتى أصلا فاجئتينى إنك جيتى فى معادك فى العادة البنات عمرهم ما بيجوا فى مواعيدهم وانتى حاليا خالفتى ده"
ملاك بعبوس"ده على أساس انك بتخرج مع بنات كل يوم"ومن ثم اختفى العبوس بسرعة البرق ليحل محله الحماس وهى تقول"المهم خلينا فى اللى أنا عايزاه منك "
يوسف بقلق"أيا كان اللى طلباه فأكيد حاجة مجنونة من الحماسة دى"
ملاك ببراءة زائفة"ﻷ أبدا"
يوسف "أهو البراءة دى أكتر حاجة قلقانى المهم نتكلم واحنا بنشرب حاجة تشربي ايه"
ملاك"أنا شاربة يا سيدى وزى الفل"
يوسف بجدية"أنا مش بعزم عليكى أنا بسألك سؤال واضح "
ملاك"ايه الجو ده بس ماشى هاتلى كابتشينو بالشيكولاتة مشروبي المفضل"
طلب يوسف لنفسه فنجانا من القهوة ولها ماطلبته و..
ملاك باشمئزاز"نفسى أعرف بتشربوا البتاعة دى على ايه لا طعم ولا ريحة"
يوسف"انتى دوقتيها قبل كده أصلا"
ملاك ببلاهة"لا"
يوسف"أمال ايه لاطعم ولاريحة دى تقريبا أكتر حاجة العالم كله ميقدرش يعيش من غيرها"
ملاك بنفى"العالم كله إلا انا دى مجرد ما بشم ريحتها بطنى بتقلب"
يوسف"للدرجادى"
ملاك بثقة"أعتقد لو حد حب يعذبنى وهو بيقتلنى يحطلى سم فى القهوة ويجبرنى أشربها وأعتقد إنى بكده هموت من قبل مفعول السم أصلا"
يوسف" سيبك من الموضوع ده ودلوقتى نقدر نتكلم فى الموضوع اللى جيتى عشانه"
ملاك متذكرة"عندك حق عشان احنا كده ضيعنا وقت بما فيه الكفاية أولا فاكر اتقابلنا امبارح ازاى"
يوسف"أكيد"
ملاك بغموض"أهو أنا بقى عرفت السبب اللى خلانا نتقابل"
يوسف باستغراب"السبب انك كنتى بتغرقى على ما اعتقد"
ملاك" أقصد سبب انى كنت هغرق"
يوسف"تقصدى عرفتى مين حطلك المخدر"
ملاك "ايوه واللى حصل ان فى واحدة بتغيير منى شوية هى اللى اتفقت مع واحدة فى الفندق وحطولى فى العصير المخدر ده وطبعا النسبة كانت كبيرة بالاضافة انى واحدة عمرى ما جربت الحاجات دى فكنت هروح فيها زى ما انت عارف"
يوسف بضيق"ومين دى بقى انتى اكيد مش هتسكتيلها"
ملاك"سؤالك ده هو ثانيا بالنسبالى وهو هتساعدنى ولا ﻷ وطبعا مهما كانت الاجابة اللى هقولهالك"
يوسف"هساعدك أكيد ده انتى كنتى هتموتى بسبب اللى حصل "
ملاك بفرحة"يعنى انت هتقف جنبى"
يوسف "أكيد هو انتى ليه كنتى شاكة فى الموضوع" ملاك بتوتر"هو انا مش شاكة انا متأكدة من انك ممكن ترفض"
يوسف بتساؤل"ليه يعنى؟"
ملاك"بصراحة الثقة فيك منعدمة تقريبا بس انت حلى الوحيد بالاضافة الى ان اللى انا بقولك عليها تبقى.. يعنى ...هى..."
يوسف"هى مين انجزى"
ملاك بسرعة "شيري الالفى"
يوسف"بنت شاكر الالفى"
ملاك مقاطعة بابتسامة"هو بعينه وغباوته وشكله العكر"
يوسف"وطبعا انتى عارفة مين هو"
ملاك"ايوة وعارفة انه شريككم كمان اصلا دى مشكلتى من الاول ان مالك بيكلمنى ومش معبرها مخليها شايطة على طول ومش طايقانى"
يوسف"وهو ده يخليها تعمل كده"
ملاك"هى مفكرة ان الموضوع هيعدى بالساهل ومش هتكشف لكن هى متعرفنيش بقى"
يوسف"انتى اصلا تعرفيها قبل كده"
ملاك"لا بداية معرفتى بيها كانت هنا مش عارفة ايه الرحلة اللى كلها رجال اعمال دى وانا كنت مفكرة انى جاية استجم واستمتع"
يوسف بضحك"تستجمى وتستمتعى طب واحنا علاقتنا ايه ازعجناكى فى ايه"
ملاك"فى ايه معرفش المهم ازعجتونى والسلام انسى بقى وقولى معايا ولا"
يوسف وهو يرتشف من قهوته"ما انا قلتلك خلاص"
ملاك بعدم فهم"ده اللى هو ايه تقصد ايه يعنى"
يوسف" اقصد اللى فهمتيه"
ملاك بفرحة"ايه ده يعنى هتساعدنى حتى لما عرفت انها بنته"
يوسف"ده مالوش علاقة بده هى جت على حد تبعى يبقى تستاهل"
ملاك "مش عارفة اقولك ايه بس بجد طلعت جدع يعنى"
يوسف"بس ابقى افتكرى"
ملاك وهى تغير الموضوع"بص ركز معايا عشان الخطة انت هتروح وتتعرف عليها باسلوبك يعنى وأعتقد انك عارفها "
يوسف بنفى" لا أنا معرفهاش "
ملاك"ليه معملتوش احتفال بالشراكة واتعرفت على عيلته"
يوسف"لا عملنا بس أنا مبركزش فى الحاجات التافهة دى"ثم تابع بمكر وهو ينظر لها"أنا بركز فى الحاجات الجد وبس عشان أخدها بأى تمن"
ملاك بخجل متجنبة النظر إليه"طب أنا هبقى أوريك صورتها وتستغل انها تكون لوحدها وتتدخل فى الصورة بس طبعا متكونش مدلوق عليها عشان هتكشف وخصوصا انك أصلا شكلك من النوع البارد فلو زودت العيار هتتكشف "
يوسف مقاطعا"بارد"
ملاك موضحة"مش قصدى اهانة بس اقصد انك مش النوع اللى بيجرى ورا البنات والجو ده وانك تكون صلب فى التعامل فلازم تكون جامد بردو فهمتنى "
يوسف "اه بس بردو ايه اللى هعمله هو ده بس دورى"
ملاك متابعة وهى تخرج زجاجة صغيرة من حقيبتها وتضعها على الطاولة"شايف ده انت بقى كل اللى هتعمله انك تحطه فى الحاجة اللى هتطلبها ليها لما تتخانق معايا عشانها"
يوسف بتساؤل "واتخانق معاكى ليه وهو ايه ده سم"
ملاك"سم ايه انت هتودينا فى داهية لا ده دوا هيخليها تنام جبته عشانها وانا هتصرف بحيث انها تبعد وتقدر تحطهلها هتنام ساعتين تلاته كده اكون انا نفذت الجزء بتاعى من الخطة وبعدها تنزلوا سوا عشان الحفلة اللى هتروحها عشانها بردو وزعلها بسببى والخناقة دى عشان الموضوع يبقى منطقى انى اسيبها تقعد معانا والكل عارف اننا مبنطقش بعض وخصوصا البنات عارفين اللى عملته"
يوسف"كلامك كله كويس بس ازاى بتقولى مكونش مدلوق وازاى عايزانى اخدها حفلة فى اول يوم تعارف لينا عشان متزعلش وخصوصا انك بتقولى انى بارد وكمان اسيبكم عشانها ماهى كده هتشك"
ملاك بثقة "ما هو ده من فوائد انك تتخانق معايا هى من فرحتها بانك تتخانق معايا مش هتركز فى كل ده وعلى فكرة هى اللى هتعرض عليك موضوع الحفلة وانت عليك انك ترفض فى الاول بعدين توافق اوك"
يوسف"ولو معرضتش"
ملاك"هتعرض عشان تغيظنى انا متأكدة لانها هتبقى عارفة انى هروح المهم فهمت دلوقتى اللى هتعمله"
يوسف"ايوة بس انتى هتعمليلها ايه وليه محتاجة تنيميها"
ملاك"هنيمها عشان ادخل اوصتها من غير ما تحس هعمل ايه خليها مفاجأة بس اللى لازم تعمله الحفلة أهم حاجة فى الموضوع وعند اللحظة المناسبة هديك اشارة انت تفهمها عشان تبعد عنها"
يوسف"خلاص اتفقنا استعنا عالشقا بالله"
ملاك وهى تقف"أنا هبعتلك صورتها بس همشى دلوقتى وانت شوية وتعالى وابدأ فى التنفيذ على طول واه متنساش تجيب تذاكر لينا كلنا ولما تلاقينا كلنا متجمعين تيجى عشان.."ثم تابعت بغمزة من عينيها "نتخانق وتبقى فضيحة ادام الكل سلام حاليا"
رحلت ملاك بينما ظل يوسف ينظر لاثرها و..
يوسف بابتسامة لنفسه"وهتبقى أحلى فضيحة يااااااه هو فى كده يا ناس دماغ سم الرحلة دى بالشكل ده مش هتعدى على خير"
بعد مرور بعض الوقت اتجه يوسف للفندق وكان قد استلم من ملاك صورة لشيرى وعندما رآها مع موظفة الاستقبال بحجة حجز غرفة واستطاع أن يشعر برغبتها الشدية فى التعرف عليه بل وفى أول لقاء بينهما عرضت عليه صداقتها فمثل اهتمامه بحديثها الغير مجدى حتى وجد الجميع متجمعين فاتجه لهم وافتعل شجارا مع ملاك ليرحل مع شيرى وكما توقعت ملاك عرضت عليه ان يرافقها الى الحفل وقد استجاب فى النهاية.
بينما عند ملاك وبعد أن أخبرتهم عن الحفلة واتفقوا على الذهاب وصلتها رسالة من ولاء أن تقابلها بنفس المكان فاتجهت لها.
ملاك"جبتى اللى قلتلك عليه"
ولاء "المفتاح اهو بس عايزاه تانى بسرعة عشان محدش يشك فى حاجة"
ملاك"متقلقيش من ده أنا عايزة منك طلب تانى بقى"
ولاء"حاضر أنا معاكى فى أى حاجة"
ملاك"اتصلى بيها دلوقتى وفهميها انى بحاول اكلمك وانى بشك فيكى وانتى مش عارفة تعملى ايه"
ولاء"حاضر"
اتصلت ولاء بشيرى أمام ملاك بينما شيرى ما ان رأت
الاتصال حتى استأذنت من يوسف وابتعدت لتجيب..
شيري بغضب"انتى بتتصلى ليه انا مدتكيش الرقم عشان تتصلى كل شوية "
ولاء "ما انتى لازم تتصرفى البنت بتاعة امبارح مش سيبانى فى حالى كل شوية تطلعلى فى حتة وبحجة جديدة وانا قلقانة ومش عارفة اتصرف"
شيرى"وانتى اوعى تكونى قولتلها حاجة "
ولاء "أنا مقلتلهاش بس هى مش سيبانى فى حالى ومش عارفة اتصرف"
شيرى بجدية"خدى اجازة وابعدى دلوقتى أعتقد انك كنتى محتاجة الفلوس روحى واعملى بيها اللى كنتى عاوزاه وابعدى خالص دلوقتى"
ولاء "بس المدير مش هيوافق انه يدينى اجازة"
شيرى "انا هبعتلك واحدة صاحبتى هتكلم مديرك"
ولاء "طيب"
شيرى"ياريت بقى تنسى الرقم ده خالص"
أغلقت شيرى المكالمة واتصلت بصديقتها ندى لتطلب مساعدتها.
بينما استغل يوسف الفرصة ووضع الدواء الذى أعطته له ملاك بكوب العصير الخاص بها بدون أن تراه.
انتهت شيرى من المكالمة مع ندى بعدما اتفقوا على أن تساعد ولاء فى أخذ الاجازة واتجهت مرة أخرى ليوسف وبدأت فى ارتشاف عصيرها بابتسامة أثناء حديثهم.
فى مكان اخر عند ولاء وملاك ..
ملاك"انتى دلوقتى خليكى وراها عادى وروحى وخدى الاجازة وبالليل بقى عايزاكى تبقى فى الحفلة تحاولى تخشيها بأى طريقة وعينك تبقى عليها طول الحفلة ولما اقرب منها تبدأى تصورى كل حاجة اتفقنا"
ولاء"حاضر بس هو ايه اللى هيحصل بالليل "
ملاك "هتشوفى بنفسك"
ورحلت بعدها لتنفذ الجزء المخصص لها بالخطة اتجهت بعدها للغرفة وبدأت فى صنع خليط معين من الكريمات وجدته عالنت بالاستعانة بأدوات ميرا طبعا لتكون خليط لزج غريب.
ملاك بابتسامة "وهو ده المطلوب"
فى هذا الوقت شعرت شيرى ببعض الارهاق فاستأذنت يوسف للذهاب واتفقوا ان يتقابلوا للذهاب للحفلة فاتصل يوسف بملاك و....
يوسف" انتى فين"
ملاك"فى الاوضة ايه الاخبار معاك"
يوسف" لسه طالعة اهى والبتاع اللى ادتيهونى ده شكله جاب مفعوله"
ملاك"تمام اقفل دلوقتى ونتكلم بعدين بقى ومتنساش تشوف حوار التذاكر وابعتهالى مع اى حد"
يوسف"اوك سلام"
انهت ملاك المكالمة مع يوسف وانتظرت بعض الوقت واتجهت بعدها لغرفة شيرى واستخدمت المفتاح معها للدخول وكما توقعت كانت شيري تغط فى سبات عميق..
ملاك بغل"نايمة يا عقربة بس انا هربيكى من اول وجديد"
اتجهت لها ملاك وبدأت فى وضع الخليط الذى صنعته على شعرها فأفسدته بالكامل وامسكت بالمقص وقصت اجزاء محددة ليصعب عليها انقاذ الموقف ورحلت بعدما تركت لها هدية مغلفة ورحلت.
وما ان خرجت حتى اتصلت بيوسف..
ملاك"الو يا يوسف جبت التذاكر"
يوسف"ايوة بس فى حاجة كده الحفلة للكابلز بس"
ملاك"طب واحنا هنعمل ايه دلوقتى "
يوسف"هما هيبقوا تلات شباب مع تلات بنات يدخلوا"
ملاك"وأنا ايه انط من عالسور"
يوسف بضحكة"لا هو مفيش اصلا سور تنطى من عليه بس أنا عموما عندى الحل"
ملاك بضيق"اشجينى"
يوسف"انا هبقى معاكى"
ملاك بسخرية"لا يا شيخ حضرتك بقى هتبقى اتنين واحد معايا وواحد مع الهانم التانيه"
يوسف"بطلى تريقة انتى عارفة انى هكون معاها لوقت معين انتى اللى هتحدديه والباقى هبقى معاكى فانا هخلى الناس اللى عالبوابة بمجرد ذكر اسمك تدخلى ويتعملك تعظيم سلام كمان"
ملاك"وهقول للى معايا دول ايه"
يوسف"متقوليش جاية مع مين وخليها مفاجأة ليهم"
ملاك"وهما كده مش هيشكوا "
يوسف"لا مش هيشكوا وده الحل اللى وصلتله لو عندك غيره قولى"
ملاك بعد تفكير"خلاص ماشى بس ظبط انت الدنيا عندك"
يوسف"متقلقيش خالص كله تمام سلام بقى ونتقابل بالليل بانتظار مفاجأتك"
ملاك"سلام ياسيدى"
انهت ملاك حديثها مع يوسف واتجهت لغرفتها وبدأت تتجهز لحفل الليلة ومر بها الوقت.
وبعد مرور عدة ساعات وقبل الحفل بساعة تقريبا استيقظت شيري من النوم وتفاجأت بما حدث معها فاتصلت مفزوعة بندى لتأتى...
شيرى ببكاء"شفتى اللى حصلى يا ندى انا مش هسكت على اللى حصل ده ولازم اشتكى عالفندق ده"
ندى "انا مش عارفة مين عمل كده الحقيقة لا وكمان سايبلك باروكة فى هدية"
شيرى بغل "اه بس لو اعرفه مش هسيبه او اسيبها عشان يجرؤ يعمل كده معايا بس مين"
ندى "بصى احنا نحاول نتصرف دلوقتى ونشوف حل"
أمسكت ندى المقص وبدأت بقص الشعر الممزوج بالخليط اللزج وكلما حاولت تعديله زاد تعقيدا أكثر..
ندى بيأس"واضح مفيش حل خالص اللى عملك كده عملها بحيث ان متنفعش معاه ولا قصة شكلنا مضطرين نستخدم الباروكة دى هى تقريبا نفس طول ولون شعرك"
نظرت شيرى لشعرها ببكاء فلطالما كانت تحبه طويلا وجميلا وتتباهى به بينما الان هو مقصوصا بعشوائية وقصير جدا بينما بدأت ندى فى وضع الباروكة لها وتعديلها لتكون مناسبة لها وأثناء ذلك بدأ هاتف شيرى بالرنين برقم يوسف وأمام رفضها للرد أو النزول له أقنعتها ندى بعكس ذلك لتذهب معه ويحدث جميع ما خططت له ملاك من فضيحة لشيرى أمام الجميع......................................................
عودة من الفلاش باك:
ملاك"وبس يا جماعة هو ده اللى حصل"
ديما"يعنى انتى وهو كنتم بتلعبوا علينا كل ده"
يوسف"بلاش مبالغة يا جماعة"
أحمد"بس دماغك سم يا بنت الايه"
مالك "بس ليه يوسف بالذات"
ملاك"ﻷن يوسف هو أجدد واحد علينا فى المجموعة ومكنش ينفع حد فيكم غيره "
عائشة"بس انتى مبالغتيش فى رد فعلك"
ميرا"ايوة انتى فضحتيها ادام الكل"
ملاك"متنسوش بردو انها كانت ممكن تكون السبب فى موتى"
مالك"بالرغم من اننا اصحابك مفكرتيش تقوليلنا وكدبتى علينا انتى وهو "
ملاك مبررة"مكنش ينفع يا مالك أنا.."
مالك مقاطعا"لو كنتى عاوزاه ينفع كان هينفع بس انتى لا"
رحل بعدها مالك غاضبا ومستاء من ملاك و...
يوسف"هو زعل ليه"
ديما"هو فكر ان ملاك اكيد لما تحتاج مساعدة تطلبها منه متخيلش انها ممكن تفكر كده"
ملاك بضيق"يلا نمشي بوظتولى فرحة النصر "
اتجه الجميع بعدها لغرفهم وكل نفسه مليئة بمشاعر مختلفة الفرحة والحزن والاستياء ومن يتعجب من كل ماحدث واخرون شعروا بمشاعر أخرى تغزو كيانهم لا يعرفون لها معنى ويخشون من تفسيرها .
فى صباح اليوم التالى بعد استيقاظ الجميع ونزولهم مر عليهم الوقت من الافطار لاشياء أخرى وأحاديث كثيرة واندمج يوسف وملاك بأحاديث عديدة اكتشفوا فيها ميولهم المشتركة فى بعض النقاط بينما كان مالك لايزال غاضبا من ملاك التى حاولت ان تراضيه ولكن لا حياة لمن تنادى فهو ليس غاضبا منها لهذا السبب بل غاضب من نفسه لما اكتشف أنه نمى داخله دون شور أو سابق إنذار ويخشى توابعه.
فى هذا الوقت أتى النادل ليتحدث مع ملاك......
النادل"حضرتك انسه ملاك الشافعى"
ملاك"ايوة فى حاجة"
النادل"حضرتك فى واحد بيسأل عنك منتظرك فى الاستقبال بره"
ملاك "واحد ؟طب مقلش اسمه"
النادل "لا بس هو عايز يقابلك ضرورى"
ملاك"حاضر أنا رايحاله"
ذهب بعدها النادل و.....
يوسف"رايحة فين هو أى حد يطلب يقابلك تروحى كده "
ملاك"ممكن تكون حاجة ضرورى"
مالك متدخلا فى الحوار لاول مرة منذ الصباح"يوسف عنده مينفعش تروحى لوحدك انا هاجى معاكى"
نظر له يوسف بضيق ثم لها وقال"وأنا كمان"
ملاك"أنا هروح أقابل الراجل بحراس"
يوسف "هو ده اللى عندنا "
ملاك"خلاص ماشى الراجل بقاله ساعة بره يلا"
اتجهوا بعدها ثلاثتهم للخارج وأشار لها النادل على مكان من ينتظرها فاقتربت قليلا منه ووجدته يقف على بعد منهم موليا ظهره لهم ففتحت عينيها على وسعهم و....
ملاك بدهشه" مش معقولة"
ليستدير لها وتتأكد شكوكها عندما ترى وجهه ليراها ويبتسم لها فى المقابل لتركض ناحيته و......
ملاك بصراخ وهى تركض ناحيته وتستقر فى أحضانه"جاسررررر"...................................................................................................
عودة للوقت الحاضر :
فى قصر بيرلا بالقاهرة:
كانت فى جناحها بالقصر تمسك بالصورة التى تجمعهم سويا فى حفل العيد ميلاد حيث كانت بداية دمار الجميع وتتأملها فى صمت كل تلك الذكريات دفعة واحدة.
بيرلا بوعيد لنفسها"جه وقت الحساب أخيرا مفيش حد هيفلت من العقاب"
ليقاطع أفكارها دخول سيلا الغرفة وهى تتنفس بسرعة وصعوبة كمن كان فى سباق للعدو فرفعت نظرها لها بتساؤل لتجيب تلك تساؤلها الصامت ب....
سيلا وهى تتنفس بسرعة وصعوبة"يو..يوسف الشناوى تحت وعايز يشوفك...!!!"..........................................................................................................