سأعود بالأمل

الفصل الثاني والعشرون

و اتخذت "إيمان" مجددا طريقها نحو الأمل .... و سارت على درب الناجحين بعد أن حادت عنه ... و سارت على خطة "آدم" تحاول جاهدة الالتزام بها ... بكل ما أوتيت تحاول منع تلك الأفكار التى تراودها ...

فإذا حدثتها نفسها بالعودة ... ترد بأن هنا مكانها ...

و إذا حدثتها نفسها بأن لافائدة من العلاج ... ترد بأنه حتى و لو بلا فائدة ... حتى و إن لم تصل ... يكفيها المحاولة

و إذا حدثتها نفسها بأن الرسالة لن تفيدها فى شئ ... ردت بأن المؤمن القوى خير و أحب إلى الله من المؤمن الضعيف ...

استيقظت باسمة كعادتها و هى تقرأ رسالة "آدم" الصباحية كل يوم منذ حديثهما "قال رسول الله -صلى الله عليه و سلم - : (المؤمن القوى خير و أحب إلى الله من المؤمن الضعيف و فى كل خير ... احرص على ما ينفعك و استعن بالله و لا تعجز ) "

لن تترك أفكارها السلبية تتحكم فى حياتها ثانية ... تغلبت عليها ... و استعانت بالله على ذلك ...

لاأدرى إن كانت ستستمر على نهجها أم ستحيد عنه مجددا ... و لكن دعونا نرى و نراقب تصرفاتها فى الفترة المقبلة ...

---------------------

استقبلت "آية" مكالمة هاتفية من "محمود" ... ارتسمت ابتسامة سعيدة على وجهها و ردت قائلة :
-السلام عليكم ...
ثم هتفت قائلة :
-حودة ازيك ... ليك وحشة أوحش م الواد عمر ... اه و الله ...

اندهش "محمود"من ردها ... نظر إلى هاتفه يتأكد أنه يحادث "آية" ... ثم أعاد الهاتف إلى أذنه قائلا :
-مين معايا ... النمرة غلط يا عصام ...

صاحت "آية" قائلة :
-محمود متقفلش ... انا اية ... عصام مين ...

رد قائلا :
-اية ... اية مين ... عصام دة واحد صحبى متعرفيهوش ...

تبرمت قائلة :
-اية مين .. مش عارفنى يا هندسة برضه ... طيب اقفل اقفل ...

رد مندهشا :
-هندسة ... انا واثق انى اخدت مقلب ... انتى يا بت ... خليتينى حودة وهندسة ... تصدقى انا غلطان انى كتبت الكتاب ... كانت الخطوبة مربياكى ...

غضبت قائلة :
-الخطوبة مربيانى ... طيب اقفل بقى ... و لا اقولك انا هعرف الخطوبة كانت مربية مين ...
ثم هدأت قليلا قائلة :
-السلام عليكم ... ازيك يا محمود ...

ابتسم قائلا :
-ايوة كدة ... هى دى اية حبيبتى ...

ردت ببرود:
-لو سمحت يا بشمهندس انا مقبلش التجاوزات دى فى فترة الخطوبة ومحبش اسمع الكلام دة ...

تمادى فى استفزازها قائلا :
-انا اسف ... نسيت معلش ... استغفر الله العظيم ...

تظاهرت بالبرود :
-اقدر اعرف حضرتك كنت متصل بيا ليه بقى ...

رد بهدوء :
-رايحين دار المسنين النهاردة .. كنت حابب أفكرك ... بس نسيت اشوف عمر نظامه ايه ... اصل مينفعش نخرج لوحدنا لازم محرم ...