Tears Per Lines [Poetries]

Hihintayin Kita

Hihintayin Kita
Words by : Via Aiv / QueenSandok WP
Date posted: August 25, 2017, 8:25 pm

Kung ako'y iba
Tatawanan lang kita
Hindi kita mamahalin
Hindi kita gugustuhin
Ang dami mong mali
Pero ikaw 'tong aking pinili
Nakakainis alam mo ba 'yon
Sana ramdam mo 'yon
Ang sakit
Ang hirap
Hindi ka dapat
Hindi dapat ikaw ang pinapangarap
Kasi mali
Kasi hindi pwede
Kasi hindi maaari
Kasi hindi mo ako mapipili
Ngayong nararamdaman mo na ang pagsunod ko
Gusto ko sanang magsalita ka
Sabihin mo sa akin
Sabihin mo sa akin kung kailangan ko na bang pigilin
Kasi mahirap pumreno
Hindi kasi makina ang puso
Utang loob pampalubag loob
Magsalita ka
Magsalita ka
Sabihin mo na tumigil na ako
Sigawan mo ako
Ipagtulakan mo ako
Ipahiya mo ako
Sabihin mo sa harap kong itigil na ang kahibangang 'to
Dahil ako lang ang nahihirapan
Kasi ako ang ang nasasaktan
Sagarin mo na
Para hindi na maulit pa
Para madala na
Para umayaw na 'tong puso kong panay ang asa
Ayoko na
Hindi ko alam kung paano ititigil
Hindi ko alam kong anong gagawin
Magsalita ka
Huwag kang puro iwas
Maraming ibig sabihin ang pagiwas
Magsalita ka
Linawin mo
Isigaw mo sa harap ko
Na wala akong pag-asa
Na mukha akong tanga
Na itigil na
Sige na
Hihintayin kita

---