SOMEONE LIKE YOU

Chapter 24

Papasok na ang Starex van na kinalulunan nila ng mag mulat ng mga mata si Tin, bumungad agad sa kanya ang lugar na napapalamutian na ng magarbong ilaw  nasa Camotes Island sila isang private resort na pag aari ng mga Saavedra., mahigit dalawang oras din ang ibiniyahe mula Pier hanggang sa kinaroroonan ng resort nina Slater. Tiningnan nya ang mga kasama nya na mahimbing na natutulog maski si Slater ay tulog din tila napagod sa biyahe nila mula Manila to Cebu. Saka lamang ang mga ito nagising ng iparada na ng Mamang driver ang sasakyan sa mismong bungad ng resort.

" Andito na po tayo Ma'am Sir!.." ani Manong. Habang ang mga kasama ay nag inat inat na rin. Inayos nya ang sarili, itinali nya ang mahabang buhok pataas dahil sa sobrang init ng panahon, inayos nya na rin ang hand bag upang maghanda sa pagbaba.

" Welcome to Camotes Island!.." wika naman ni Slater habang nag iinat ito. " Lets go guys!!." nang makabawi ay nagpatiuna na ito sa pagbaba. Inalalayan sya nito palabas ng kotse akmang iaabot nito ang kamay sa kanya para alalayan sya nito pababa ng tinanggihan nya iyon.

" No, huwag na I can manage." aniya rito.

" Ang sungit." bubulong bulong na turan nito habang napapailing. Para di mapahiya ay inalalayan na lamang din nito sina Georgy na tuwang tuwa at si Collete na syang huling bumaba. Tahimik na inantay na lamang nya ang mga ito ma idiskarga ang mga gamit nila. Kinuha nya ang kanyang trolly kay Slater, tumanggi naman ito at inako na sya na lamang ang magbubuhat niyo.

" Ako na." ngumiti ito sa kanya at nagpatiuna na tumungo sa medyo kalakihang bahay na naroon, gawa ang bahay sa Nipa Hut at Kahoy may ilang parte lamang na sementado doon. Inaasahan nya na ang mga magulang nila ang sasalubong sa kanila ngunit isang matandang babae na nasa late 50's siguro ang edad lamang ang naroon at syang sumalubong sa kanila.

" Magandang gabi Senyorito." anang matandang babae at tumango ito sa kanila at iginiya sila patungo sa bahay.

" Magandang gabi din po Inang Ising.." magalang at nakangiting bati naman ni Slater. " Sya nga po pala Inang Ising sina Tin po at mga kaibigan nya Georgy at Collete." pagpapakilala ni Slater sa kanila.

" Magandang gabi po Inang Ising." ganting bati nilang tatlo sa matanda.

" Magandang gabi din mga Iho, Iha.." ana man ng nakangiting matanda.

" Ay Inang Iha na lang po." nagpapatawang sabi ni Georgy na ikinatawa naman ng matandang babae.

" Ay nakuh Ineng ka na lamang kung ayaw mo ng Iho." anang matanda at nagtawanan sila.

" Ayyy.. Inang Ising magkakasundo tayo." anang kaibigang si Georgy at inakay na ang matanda papasok nagpatiuna na ang mga ito habang sila naman ni Slater ay nahuli.

" Tara na Tin." ani Slater na nakangiti sa kanya. Tumango lamang sya dito at sumunod na sa mga ito. Iginiya sila sa loob ng bahay ng matanda, maganda ang loob niyon napaka linis tingnan at napaka presko. 

" Ah Inang Ising asan sina Mommy?.." tanong ni Slater sa matanda.

" Ah sina Senyora nangibang baryo, inimbitahan kasi ng Mayor dun at Piyesta roon ngayon.. Gusto nyo ga sumunod? at ipapahatid ko kayo roon." anang matanda sa kanila, nagkatinginan naman sila ni Slater. Mukhang nakuha nito ang gusto nya sana sabihin.

" Ah hindi na po, pagod po kasi sa biyahe.." pagtanggi ni Slater.

" Oh eh sya ipaghahanda ko na kayo ng hapunan at ng makakain na kayo at ng makapag pahinga na rin kayo agad." anang matanda." Eh Iho kaw na bahala sa mga bisita mo ha, kung saan ang kwarto nila. Alam mo naman pasikot sikot, sya nga pala okupado na ang dalawang kwarto at dalawa na lang ang bakante.. eh kayo na ang bahala kung sino ang magsasama. Eh ikaw ga Iho at Ihang maganda eh kayo ba ay mag irog?" tuloy tuloy na sabi ng matanda, napatingin sya sa matandang babae. Magsasalita na sana sya ng si Slater na ang sumagot.