MAFIA 3: DARK The Mafia Boss (Completed)

OTTO

"Done checking me out?" He smirk while saying those words. Oy, English yun 'a.

Sasagot na sana ako sa kahanginan nito pero ayaw ko na siyang patulan pa dahil baka kung ako lang ang magsalita ay baka kanina pa siya nilipad ng bagyong taglay ko. Duh, itong kagandahang taglay ko ay walang kupas.

"Ahm, lalabas na ba tayo?" Kapagkuwan ay tanong ko sa kanya na ngayon ay nakatitig lang sa akin. Napakurap-kurap ako. Ano pa ba ang hinihintay niya? Pasko o biyernes santo? Gusto ko pa naman sa birthday ko. Pfft.

Seryoso na, talaga naman kasi nakakailang ang titig nito sa akin. Kung makatitig kasi parang ako yung pinakamagandang tao sa balat ng universe. Maarte na kung maarte pero nakakailang lang. Alam ko naman na maganda talaga ako. Bakit pa ipahalata. Flip hairlalu.

Iwinawagayway ko ang kamay sa kanyang harapan na ikinakurap niya. "What?" What daw oh. Kung makatitig kanina parang walang bukas ang kagandahang taglay ko.

"ganda ko 'no?" Tudyo ko sa kanya at itinaas-baba ang dalawa kong kilay.

"Tsk!"inirapan niya ako na ikinanganga ko. Aba! Aba! Inirapan niya ang kagandahan ko. "We have to go."

Napaiktad ako ng may mga brasong pumulupot sa aking beywang. Sheeet na malagkit! May kiliti pa naman ako diyan.

"Why are you laughing?" Seryoso ang pagkakatanong nito pero hindi parin mawawala sa mukha ang walang emosyon nito kahit nakakunot ang noo nito.

"Eh...kasi..." mas hinigpitan pa niya ang pagkakayakap sa beywang ko. Hiniwakan ko ang isang daliri nito na agad ko namang binawi dahil sa bigla na lang akong nakuryente. Hala ka oy! Ano yun?

Tumingala ako dahil sa katangkaran nito at dahil sa pandak na maganda na ako. Kahit na mag-heels pa ako ng ilang pulgada ay hindi ko parin mapapantayan ang isang ito.

"What?" Iritado na ang boses nito.

"N-nakikiliti ako," saad ko sabay sulyap sa braso niyang nakapulupot sa akin.

Nang mapansin niyang nakatingin ako doon ay mas hinigpitan pa niya ang kapit dito. Kainis naman, nakikiliti talaga ako 'e. "O-oy ano ba b-bitaw na nga!"

"Masanay ka na," sabi niya at nagpatiuna sa paglalakad.

Muntik pa nga akong matapilok buti na lang at nasalo ako ni Dark. Naku muntik ko ng makalips to lips si pareng sahig. "Tsk, be careful," sermon niya na ikinasimangot ko.

Kung siya kaya ang magsout ng limang pulgadang takong na sapatos na ito tignan natin kung hindi siya matatapilok. Gaaa, isampal ko ito sa kanya 'e.

Nasa hallway na kami at nakikita ko na ang barindilya ng hagdan nang makita ko si mybebelabs Kidd na kapareho pa rin ang sout nito kanina. Yumuko ito bilang pagalang at agad naman itong inangat. Gwapo talaga nito. Nakaka-nakaka-kakagigil sa kagwapuhan.

"They're waiting, Dark." Aniya na may tipid na ngiti sa mga labi.

Nalipat ang tingin ko kay Dark nang ilipat nito ang mga kamay ko sa braso niya. Nakakawit na ako ngayon sa matitipuno nitong mga braso. "Hold on tight," mahina pero sapat para marinig kong sabi.

Agad akong binundol ng kaba. Iniisip ko palang na maraming tao ang nasa ibaba ay parang masusuka ako. Mas malala pa ito sa reporting sa klase. Huhubels. Kibakabahan talaga ako.

Kasi mula rito ay naririnig ko na ang malamyos na musika na nangagaling sa speaker at ang mga boses ng mga tao.

Wala sa sariling napakagat ako sa ibabang-labi ko ng magsimula na kaming maglakad. Mahigpit akong napahawak sa braso ni Dark at dress ko nang mapalingon sa gawi namin ang lahat ng bisita ss baba at matigil ang kanilang mga ginagawa.