MAFIA 3: DARK The Mafia Boss (Completed)

OTTO

DARK The Mafia Boss Chapter 8

"ANG GANDA mo talaga," puri ko. Hindi ko talaga maalis-alis ang pagkamangha ko sa babaeng kaharap.

Tignan mo nga naman 'o parang dyosang bumaba sa lupa para ikalat sa lahat ng mga mortal ang kagandahang taglay nito. Naks! Iba rin siya oh.

Umikot ng isang beses ang babaeng kaharap ko. Bagay talaga sa kanya ang damit. Bagay na bagay. Kulang na lang ay itapon sa basurahan. Di joke yun. Bumagay talaga sa kanya ang pulang floral dress na hanggang tuhod nito. At binagayan pa ng pagka-messy braid nitong buhok at light make-up lang ang gamit nito.

Para siyang dyosa na bumaba sa mount Olympus para ipalaganap ang kagandahang taglay nito. Hindi nakakapagtaka na agad mo talaga.

Umikot ulit siya sa huling pagkakataon. "Omg!" Gulat kong sambit na ikinataranta ng mga tagapagsilbi sa likod ko

"ayos lang po ba kayo, miss?"

"May masakit po ba sa inyo?"

"Ano po ang nangyare?"

Tinitigan ko sila isa-isa, oo nga pala may ina-sign saakin na tatlong babae. Sila si Ana yung maikli ang buhok na nasa gitna nila. Kaliwa naman nito ay si Cose at si Cole na kapatid ni Cose. Sila daw yung mga magbabantay sa akin. Daig ko pa nga ang bata nito sa dami nila.

"Okay, lang ako." Napahinga naman sila ng maluwag.

"e ano po yung ikinatili ninyo, miss?" Tanong sa akin ni Cose.

Napatingin ulit ako sa harapan na ngayon ay nakikita ko parin ang babae sa harapan. Napahalukipkip ako at inilagay ang hintuturo sa baba ko. "Kasi..." pabitin muna. "ang ganda ko talaga." Ani ko.

"Po?" Utal naman ni Cole.

Tinitigan ko siya mula sa salamin. May pagtataka sa mukha nito. Kung pwede lang ay may mag-pop-up sa itaas ng ulo niya. Hindi ba niya gets ang sinasabi ko? Urgh, wag na nga lang. Ayaw kong mai-stress ang kagandahan ko.

Napalingon ako sa pinto ng may marahan na kumatok rito at iniluwa 'non si Dark. Natigilan ito sa pagpasok na ikinakunot ng noo ko. Nakatuon ang mga mata nito sa akin.

Ang assuming ko naman kung ako ang tinitigan niya. Kaya nilingon ko ang likuran ko. Subalit sarili ko lang ang nakikita ko sa salamin at inilipat ulit ang tingin ko sa kanya na ganoon pa rin.

Ahm, may nakikita ba siya na hindi ko nakikita? Sabihin niya lang, takot ko lang na may manyika rito. Ayaw ko pa naman sa mga ganoon. Magpakita na sa akin lahat ng multo o halimaw basta wag lang ang manyika. Nakakatakot kaya sila. Feeling ko kasi gumagalaw sila at papatayin ako.

Nabalik ako sa wisyo ng magsalita si Ana na nakayuko. "Master, handa na po si Lady Aileen."

Napakurap-kurap naman ang huli at tumikhim. "G-good," nauutal pa itong saad. Anyare bes'?

Tumikhim ulit ito at pumasok sa silid na agaran namang ikinaalis nila Ana, Cose at Cole. Ang ibig-sabihin ay kaming dalawa ang naiwang ngayon sa kwartong ito.

Hindi ko magawang alisin ang pagtitig sa kanya. Nakakapanlambot talaga ng tuhod ang uri ng titig nito.

Marahas akong huminga ng malalim dahil sa lapiy nito at hindi ko maitangging napakagwapo niya sa suot nito. Nakikita ko naman siyang ganito pero iba ngayon.

He is very handsome in his tuxedo. Walang kahit na anong gusot man lang ito. And a his simple black hair, na para bang dinilaan ng kalabaw ang ayos ng buhok nito at pwede ng madulas ang bangaw rito. Binagayan din ng kulay ang necktie nito ang suot ko ngayon.