Pretend

Yukki and Senon

Senon's PoV

Nandito kami ngayon sa ospital at hinihintay na magising si Yukki, nahimatay daw siya dahil hindi na daw makahinga. Inatake nanaman siguro ng asthma 'tong- lalaking 'to.

Habang nakaupo ako ay naalala ko yung mga panahong nagkakilala kami.

Flashback

Nandito ako ngayon sa harap ng building ng pinagtratrabahuan ko. 1 week palang ako dito at isa akong editor pero wala pa akong nahahanap na Author na gusto kong ieditan ng story. Masyado kasing boring yung mga story na nababasa ko dito sa kompanyang ito at hindi rin ako pwedeng mag-resign kasi mahirap ng maghanap ng trabaho. Lalo na't dito nalang sa kompanyang ito ang may bakante.

Naglakad ako malapit sa Coffee vendor at bumili ng kape, nang makakuha na ako ng kape ay bumalik ako sa pwesto ko at naupo. Boring. Mukhang wala na akong choice kung hindi ang magtiyaga sa mga boring na story ng isa sa Author dito ah.

"Uhmm, excuse me." Napatingin ako sa nagsalita at isang...teka? Hindi ko mawari kung babae o lalaki, paano kasi naka-mask na tapos nakahood pa tapos naka-shade pa. Pero parang babae dahil sa katawan at boses pero..ay ewan!

"Bakit?" pagkatanong ko n'on ay may inabot siya sa akin na envelope.

"Are you an editor here?" Wow, englishero/a. Nosebleed.

"Yeah, why?"

"Nothing, just asking. Please give that to the CEO of this company." Iaabot ko 'to sa boss namin?

"You can also check that story if you want." Pagkasabi niya nun ay umalis na siya. Balak niya bang maging Novelist sa kompanyang ito? Sigurado akong boring din ang story na ito.

Sumakay na ako ng elevator at pinindot ang button 5. Nang makarating na ako ay agad akong pumunta sa office ng boss namin at kumatok.

"Come in." Rinig kong sabi ni boss kaya agad akong pumasok.

"Boss, may nagpapabigay po nito." Agad ko namang iniabot ang envelope na hawak-hawak ko.

"What's this?" Tanong ni boss habang inuusisa ang envelope.

"Don't know sir." Bored na sagot ko. Pinaupo naman ako ni boss kaya umupo din ako.

Binuksan naman ni boss ang envelope at tumambad sa kanya ang isang USB at papeles. Mukhang Resumé ata yun?

"Mag-aaply? Pfft is this person kidding me? Ni real name niya nga hindi nakalagay dito eh! Tapos nakalagay lang eh Snow?!" Biglang sabi ni boss na ikinagulat ko. Napabuntong hininga naman si boss.

"Well, if this person satisfied me with his work well, I'll accept this person." Sabi ni boss. Choosy pa 'tong taong to eh samantalang ang boboring ng mga Author dito!