Girl of Never : Days to Love (Chat MD Series #4)

Day 361 : Warm

TCWDM : Dapat ay Christmas day ko ito ipopost, pa-Christmas ko sa inyo kaso tinamaan ako ng sakit. May sakit pa rin ako hanggang ngayon pero tolerable naman na mag-type. So, sorry sa late greeting. Merry Christmas, readers! Happy holidays! ^___^

Warm
-----

Natapos ang conference by seven thirty in the evening. Nagpaalam ako kina Professor Hidalgo, Chard, at Jules na mauuna nang lumabas ng function room at maghihintay na lang sa kanila sa parking lot. We arranged to eat dinner together.

Paglabas ko sa hallway, nakita ko si Harry na nakatungo sa pagkakaupo sa isa sa mga benches. May katabi siyang bouquet ng bulaklak habang naghihintay.

He raised his eyes and looked at my direction. He smiled.

Seryosong nag-apply siyang driver ni Prof para manligaw?

Binilisan ko ang hakbang ko palapit sa kanya.

"You're really here," sabi ko.

"Of course. Ako ang driver n'yo tonight," malaki ang ngiting sabi niya at tumayo. "Your flowers for today."

Kinuha ko ang bouquet ng blue roses na iniabot niya bago mapalingon sa direksyon ng function room. Nakalabas na sina Prof sa silid at nakatingin sa amin habang palapit.

Now what? Paano ko ipakikilala si Harry?

I was working on the introductions in my head when the professor called out.

"Dr. Lastimosa," bati ni Prof, "you're really here in Minnesota."

"Nice to see you, Prof. I haven't heard from you in a while," sabi ni Harry at sumalubong.

I watched in amazement when the two of them exchanged the usual 'How are you's'. They looked closely acquianted and I have no idea how. Nang tuluyang makalapit sina Chard at Jules, ipinakilala sila ni Prof kay Harry.

"Nakilala ko si Dr. Lastimosa sa isang conference sa Stanford. Paborito ito ni Dr. Hughes," sabi ni Prof sa amin. "He will join us for dinner."

"I hope you don't mind having me," sabi ni Harry.

"It's alright, Dr. Lastimosa," sagot ni Jules. "Si Prof naman ang manlilibre."

Mahinang tumawa sina Prof at Harry. Napapatingin naman sina Chard at Jules sa akin at sa hawak kong bulaklak.

Nagyaya si Prof papunta sa parking lot habang casual lang silang nag-uusap-usap tungkol sa conference.

Professor Hidalgo came straight from a research in Japan just to join the conference. Naging professor namin ito nang kumuha kami ng Masteral sa cell at molecular biology sa University of Minnesota.

"Will you be joining the conference, Dr. Lastimosa?" tanong ni Chard kay Harry.

"Not really. Biglaan lang ang pagpunta ko rito," sagot ni Harry.

"What brings you to Minnesota?"

"Si Jianna. Manliligaw kasi ako," Harry said.

Sandali kaming natahimik. Hindi ko masalubong ng tingin ang curiosity nina Chard at Jules.

"Really, Ji?" untag ni Jules. Tumaas ang pitch ng boses niya.

"Y-yeah," sagot ko lang.

I'm all for letting everyone know that Harry's courting me. Pero wala namang gulatan. Hindi pa nga ako nakakalma sa mga tags ni Harry sa social media, ngayon naman ay kailangan kong mag-explain sa mga colleagues ko tungkol sa amin.