Don't Play With Fire (Published under Pop Fiction)

Chapter 42

Ngumisi siya at hinaplos ang kanyang buhok. Nagmamadali akong lumabas ng suite at sumakay ng elevator. Akmang pasara na ito nang makapasok pa siya.

Parehas ang nasa isip namin nang pindutin niya ang numero ng palapag kung nasaan ang kapatid niya.

"Dela Vega..."

"Don't talk to me, you sleazeball!" Irita kong sabi.

Nakita ko ang paglawak ng ngisi niya sa salamin. Nakarating kami sa tamang palapag. Hahawakan niya sana ako nang tapunan ko siya ng masamang tingin.

Kumatok ako sa pinto nila Zeus. Nang magbukas ito ay agad akong pumasok. Pinihit ko ang sarili nang maramdamang hindi nagpakita si Altamirano sa kapatid.

"Bumaba ako. Nakibalita. His body is not yet found-"

"If I tell you that I've seen him, what are you going to do?"

"What?" Halata sa mukha niya ang pagkalito.

Hinanap ng mga mata ko ang mag-ina. Kandong ni Hera si Serenity na tumahan na rin. Maging si Hera ay binakasan ng reaksyong katulad kay Zeus.

"Altamirano, get inside if you don't want to be hauled!" Malamig kong sabi.

Napatingin kami sa pintuan nang pumasok siya. Ang mga kamay ay nakasuksok sa bulsa ng kanyang drawstring pants.

Inirapan ko siya nang itaas ang kamay tanda ng pagbati sa kapatid.

"F-fire?"

Nilingon ko si Hera. Para silang nakakita ng multo.

"He's not dead. It's just a hoax!" Muli akong umirap. "Hindi ko alam kung saan siya nakitext or bumili ng sim or what. Basta ang alam ko baliw na ang kapatid mo, Zen Eulysis. Dalhin na kaya natin 'to sa mental?"

"Kuya-"

Bago pa siya makalapit sa kapatid ay inunahan na siya nito. Tumama ang kamao ni Zeus sa kanyang mukha.

Lumayo ako at lumapit sa mag-ina. Tiningnan ko si Serenity na nakatingin sa gago niyang tito at sa kanyang daddy.

"F uck, Fire!" Sigaw ni Zeus.

Tinakpan ni Hera ang magkabilang tainga ng anak.

"What kind of shit came into your mind to do that? You made our flesh creep!" Galit na galit na saad ni Zeus. "Hindi ka ba nag-iisip ha? Saan ka nagtago? Halos hindi na kami makatulog paghahanap sa'yo tapos ay ligtas ka naman pala!"

Pinunasan ni Altamirano ang gilid ng labi niyang nagdudugo dahil sa lakas ng suntok ni Zeus.

"Paanong nangyari ito-"

"Pinulikat ako. Nakita ako ni Duo. Nagpatulong ako papuntang Fireside. I'm really drunk and dizzy."

"So you're hiding at your bar?" Asik na tanong ni Zeus.

"Bar?" Lito kong tanong.

"Kanya ang Fireside, Tamiya."

"What?" Nilingon ko si Altamirano.

Naglakad siya palapit sa amin. Pinanood namin siya. Si Serenity ay nagmamadaling bumaba sa kandungan ng kanyang mommy at yumakap sa binti niya. Binuhat niya ang bata at hinalikan sa pisngi.

"Hindi mo ba narinig si Tamiya? Hinahanap ka niya!"

"Malayo na ako nang pulikatin ako! I need to f ucking go away. Hindi niyo alam ang nangyari kung bakit gusto kong makaalis doon!" Mataman niya akong tiningnan.

Muling tumama sa akin ang konsensya. Iniwas ko ang tingin.

"Labas tayo, Fire. We need to talk. Kung kailangang bugbugin pa kita para magising ka sa mga kagaguhan mo, gagawin ko!" Nilingon ni Zeus si Hera. "Give my baby back to her mom."