RGS#1: TO BREAK AN AFFAIR (PUBLISHED)

THIRTY FOUR

Hindi kaagad ako pinatulog ng mga sinabi ni Rouge. I know that I just have to ignore and forget about it pero sadyang may sariling isip ang mga 'yon upang magmatigas at gibain ang bakod sa utak ko.

Kulang man ang itinulog kong oras ay nagawa ko pa namang hindi antukin pagka-gising ko nang maaga. Nag-inat ako't pumasok sa banyo upang makapag-sipliyo at hilamos.

Nagtungo ako sa dresser at binuksan ang pinaka-ibabang kahon upang kunin ang maluwag kong racerback doon na may kaakibat ng sports bra. Sa kabilang kahon ang aking leggings. Hinawi ko ang bumukas na pinto ng cabinet na katabi lang nitong dresser saka ako tumayo at nagbihis.

Kinuha ko ang bag ko't tumungo sa kusina pagkatapos kong magsuot ng running shoes. Kumuha ako ng dalawang bote ng cleansing juice sa ref, sinilid ang isa sa bag at balak kong dalhin ang isa upang inumin habang maglalakad papuntang gym.

Binilang ko ang natitirang mga bote ng cleansing juice. Kasya pa sa remaining days for this week. I cleansed every month so by next month ulit ako o-order sa supplier ko. 

Dala ang aking bag at keycard ay lumabas na ako ng unit. Sakto namang may bumaba dito sa palapag kaya pumasok na ako at pinindot ang ground floor.

Dumaan ako sa jogging trail bago ko pinasok ang gym. Malawak, simple at nandito ang kailangan kong kagamitan para sa work-out. I heard they also have a Pilates program here but I'm more of a Yoga fan. Bigla kong naitanong sa utak ko kung nagji-gym pa ba si Lorca ngayong buntis siya. I bet she'd be a sexy momma!

Walang masyadong tao dahil karamihan nasa pool area. Tumungo ako sa isa sa mga bakanteng treadmill kung saan ang view sa harap ay ang pool area at ang tinahak kong jogging trail kanina.

Binaba ko ang bag saka tumapak sa walking belt. Nilagay ko muna ang aking Iphone sa cellbuckle ng treadmill saka sinaksak sa mp3 connector. Hinanap ko ang weirdo kong workout playlist na walang niisang dance track.

Nag-set muna ako ng speed bago ko sinet ang oras which is fifteen minutes lang. Tinakda ko ang speed sa mabagal as a warm up bago tinakda sa mabilis. Tumakbo ako hawak ang dalawang dulo ng towel na nakapulupot sa 'king leeg.

Nakatanaw lang ako sa mga naglalarong bata sa pool sa harap na binabantayan ng mga magulang o yaya nila. Sa ganitong paraan hindi ko maiisip ang pagod at ng ibang mga particular na bagay.

Pagkatapos ng tatlong kanta sa Iphone ay naramdaman ko nang masyado na akong nabibilisan sa speed kaya binabaan ko ulit na hindi humihinto sa pagtakbo.

Nang matapos ang labing-limang minuto ay sa row ng mga weights naman ako nagtungo na madali lang mahagilap dahil nasa pinakagitna ito ng gym. Hinanap ko ang five pound dumbell at nang makita ay kumuha ako ng dalawa. Isasabay ko ang squats at arm workout.

I made fifteen reps of arm raises and squats in each three sets. Nagpahinga ako sandali bago bumalik and this time, I do lunges naman.

Naramdaman ko ang panghahapdi ng ibabang likod ko, just a normal feeling pagkatapos ng squats. Nagpunas ako ng pawis saka uminom ng cleansing juice habang hinahanap ang equipment para sa abs-workout. I found a vacant core decline bench na pinapagitnaan pa ng dalawa kung saan may mga nagwo-work out doong mga foreigner na lalake.

Katulad sa squats ay three repetitions ulit ako pero twenty reps na ng curl-ups. Binagsak ko ang aking ulo sa 'king kamay habang nakatukod ang siko sa 'king hita, pinapakalma ang aking hingal. Dinama ko ang panginginit ng aking tiyan. I could feel the calories burning now.

Yumuko ako 't inabot ang bote ng cleansing juice na nilagay ko sa ilalim ng bench.

"I'm not yet done there."