RGS#1: TO BREAK AN AFFAIR (PUBLISHED)

SIXTEEN

Maingat akong lumabas ng cr, sinikap na hindi makagawa ng tunog na magpapagising kay Rouge. Bago ako makabalik sa paghiga ay nahagip ko ang cellphone ko sa bedside table. Sa pagkakatanda ko, hindi ko ginamit ang phone ko kagabi at nanatili lang 'yon sa bag.

Binuksan ko ang phone at bumungad ang mensahe ni Lauris na isang smiley emoticon. Ganon nalang ang paglisan ng antok ko sa nabasa pagkapindot bukas ko sa message box.

Me:

At my friend's unit. Luv u.

Kailan ko pa 'to tinext sa kapatid ko? 

Gumalaw ang kama sabay daing ni Rouge sa pangalan ko.

"Lory..." kinakapa niya ang malaking espasyo sa tabi niya.

Lumalim ang pagsalubong ng makapal niyang kilay at mas malayo pa ang inabot ng mapaghanap niyang mga kamay. Tinawag niya muli ako sa desperadong tono.

Umupo ako sa kama at patuloy siyang pinagmamasdan.

"I'm here." ani ko.

Dumilat siya. Lumuwang ang kanyang mukha nang makita ako. Pumikit ulit siya sabay hila sa'kin pahiga. Namahinga sa tiyan ko ang kanyang braso at todo siksik ng mukha niya sa'king leeg. Kontento siyang huminga, na parang ito ang nakasanayan niya.

Is this how it's going to be when in a serious relationship with Rouge? But we've just started dating, or not. I don't know but it looks like it. I think we are.

"Ikaw ba ang nag-text sa kapatid ko?" diretsa kong tanong.

His laugh was low and breathy. Ramdam ko ang init ng hininga niya sa leeg ko, na siyang nagpaalala sa init na naramdaman ko kagabi. I still couldn't believe what happened last night!

"I don't text 'luv u' to my brother." halos natawa ako.

I could imagine Lauris's face upon receiving the text message. Paniguradong nagmura 'yon.

May sinabi si Rouge na nalalabuan ako. Dahil sa antok pa siya'y hindi niya masabi ng maayos.

"Ano?" hinarap ko siya. Inadjust niya ang pagkakayakap.

"What d'you want for breakfast?" pikit-mata niyang tanong.

Kumalam ang tiyan ko sa pagbanggit niya ng breakfast. Nag-isip ako ng gustong kainin.

"Toast?" di sigurado kong ani.

Tumango siya. Kumunot na naman ang kanyang noo.

"Ganito ba kayo ni Chaucer noon?"

Ba't bigla niyang naitanong?

"You didn't ask him? Anong sinabi niya nung kinausap mo siya sa bar?"

"Mutual break up." aniya.

"Yun lang?" I've known Chaucer's not big in words so hindi na ako magtataka na hindi niya dinetalye kay Rouge lahat.

Bahagya niyang inangat ang dulo ng suot kong sando at pinasok ang kamay sa likod ko. Kasali rin kasi sa binili niya ay pantulog ko. He's so prepared.

He started tracing circles on my back. "He told me to ask you, and you have more right in telling me than him."

I smirked. "Your friend's not a total jerk after all."

"Was he? During your relationship?" seryosong tanong niya na nagreplika sa kanyang mukha.

Isang sabi ko lang ng mali ay paniguradong mapapasugod siya kay Chaucer. Ganoon ang pinta ng kanyang ekspresyon.

But I don't have to lie and sugarcoat or filter my words.

"Seryoso naman siya." I assured. "But he's a bit impatient and headstrong. He agreed with me about the break up. It's not working."