The Best Pretending Role

Chapter 24 First Love

Rea's POV

She's mine. Only mine

Ansabe? Drake naman eh. Takte bakit kinikilig ako? Pinipigilan ko ang pag ngiti kaya lumalaki ang butas ng ilong ko. Nilayo niya ako kay Kean habang nakayakap pa rin ng mahigpit ang kanyang kamay sa aking bewang.

"Easy, man! I'm just kidding." Sabi ni Kean. "You really love her, huh?" Nagbigay pa ito ng nakakalokong ngiti.

Hindi naman natinag si Drake bagkus lalong humigpit ang yakap sa akin. Kung totoo lang ito siguro kanina pa ako naglupasay at nilunok lahat ng tubig dito sa pool. Kaso nakakadala na, kasi naman para sa kanya lahat ng pinapakita namin ay 'pretending' lang.

"H'wag mo na kasing inisin si Drake. Ikaw naman kasi napaka babaero mo kahit na sino na lang pinapatulan mo." Sermon ni Justine saka sinuntok ng mahina sa braso si Kean. Ngumisi lang ang kumag saka kami tiningnan.

"Nice to meet you." Aniya. "You are?" Naramdaman ko ang tensyon mula kay Drake kaya napatingala ako sa kanya. Nilingon ko ulit si Kean saka ngumiti.

"Rea." Tumaas ang sulok ng bibig niya. Ang yabang talaga akala naman niya ubod siya ng ka gwapuhan.

"Tama na yan. Langoy na tayo!" Putol ni Wayne sa alitan ng dalawa. Lumayo na ako kay Drake at hindi na siya umangal pa. Tumabi ako kay Jess kahit na nilalamig ako dahil nakadamit pa ako.

Sana pala hindi na ako umahon ang lamig pala. Naka pwesto na silang lahat sa dulo kami naman ay nasa gilid lang nila para madaling malaman ang panalo.

"Ayaw mo bang maghubad, ate? Baka lalo kang lamigin niyan." Ani Jess sa akin. Sasagot na sana ako kaso naunahan na ni Drake.

"No." Seryosong sabi niya saka ako binigyan ng warning look.

"Possessive." Tukso ni Wayne. Hindi ko na pinansin saka na pinanood ang pandesal boys na lalangoy.

Nagsimula na sila sa paglangoy. Lahat sila marunong lumangoy ha. Nangunguna si Kean pangalawa si Drake and then si Justine at Walter ay halos tie lang. Halos magkasabay lang sina Harry at Keith. Pinakahuli si Wayne.

Bawat galaw ni Drake ay nakikita ko ang body built niya. Ang ganda ng katawan niya. Siguro regular siyang pumupunta sa gym.

"Galing mo talaga kuya Kean!" Bulalas ni Jess ng makaahon si Kean at humihingal pa. Sumunod si Drake na madilim ang mukha habang tahimik na umupo sa bench saka nagpunas ng katawan sa tuwalya.

"As usual, consistent si Wayne sa pagiging kulelat!" Tukso ni Keith saka sila nagtawanan. Napasimangot ito saka sinaboy ng tubig si Keith.

Lumapit si Kean sa amin tapos tumabi sa akin. "Wala man lang bang congratulations diyan?" Aniya na nakangisi. Sobrang lapit na naman niya. Parang wala naman nakapansin kasi naglalaro pa ang pandesal boys sa pool.

"Paano yan natalo ko boyfriend mo?" Aba yabang nito. Sarap itulak at ng malunod. Nakaka beastmode to ah.

"Edi congrats, iyong iyo na ang korona." Sabi ko saka tumayo para puntahan si Drake na kanina pa pala nanonood sa amin.

"Congrat's." Sabi ko. Umupo ako sa tabi niya kaso hindi ako pinapansin.

"For being a loser?" Aniya. Kumunot ang noo ko. Ito talaga napaka nega. Iniisip niya lagi na talunan siya. Kaya di makapag move on, e.

"No. For doing great. Galing mong lumangoy ah. Ako nga di marunong, e." Sabi ko. Tinagilid niya ang ulo niya para makita ako.

"Tss." Iyon lang ang sagot saka na pinanood ang mga kasamahan namin na naglalaro at naghahabulan sa pool.