She's Still In love With Him (HBB #1 Book 2)

Ika-20 Kabanata

Hawak-hawak nalang ng tatlong babae ang mga cups ng kanilang suot na brassieres at nang-aakit na nakatingin sa boys. Paulit-ulit namang sumisigaw ngayon ang marami ng 'Take it off' sa tatlong babae.

May tatlong nilagay na upuan sa stage at hindi ko man naririnig ay alam kong kausap ng mga babae si Harizel, Daren at Aries para paupuin ang mga ito doon.

Nakita kong nauna na ngang naupo si Harizel na nasa left side. Ngingiti-ngiti niya pa ngang pinapalapit sa kanya ang babaeng kapareha niya, at tinatapik ang kanyang hita na para bang sinasabi niyang umupo ito doon. Loko-lokong Harizel. Napakapilyo talaga!

Tinignan ko naman si Aries na ngayon ay nakikipagbulungan sa ka-partner niya. Si Daren naman ay nakangiting umiiling sa kanyang partner, pero itinulak siya nito paupo na nagpahiyaw pang lalo sa mga nanonood.

Ayoko ng panoorin ang kalandian nila kaya umalis na ako sa harapan at naglakad nalang papunta sa bar counter. Inalok naman ako agad ng bartender at binigyan ng isang basong Martini.

Dinig na dinig ko parin ang hiyawan ng marami sa harapan. Karamihan sa mga naroroon ay mga kalalakihan talaga, dahil dito sa pwesto ko ay marami namang babae.

"Aika!"

Napalingon ako kay Daniel na may kasamang kapederasyon niya.

"Gagita ka! Saan ka ba nagsususuot?" Tanong niya sa akin na hinampas pa ako sa hita.

"Ikaw dapat ang tinatanong ko nyan, inaya ko kayong pumunta sa harapan tapos paglingon ko, wala na kayo! Nasaan na nga pala si Dorina?"

"I don't know. I thought she was with you."

"Saan na naman kaya nagsususuot ang isang yon?" Nagpalinga-linga ako sa paligid at nagbakasakaling mahagip ng paningin ko si Dorina.

"Hayaan mo na'yon, baka kasama na naman si fafa Neil. Nakaka-bitter sa unahan kaya di ko kineriboom-boom. Ang lalandi ng mga hitad doon, game na game porket mga yumyumyum ang HBB!" ani Daniel habang nakairap siya. Tumango-tango pa nga ang dalawang kaibigan niya na kauri niya rin.

Naririnig ko nga rin ang ibang usapan ng mga babae roon. They're talking about HBB at yung tatlong babae sa stage na nilalait at mini-murder na nila sa kanilang kwentuhan.

Maya-maya'y bigla kong naramdaman na may umakbay sa akin. Paglingon ko ay nakita ko si Daren na halos umabot na sa tenga ang ngiti. Nagsidating narin si Harizel, Neil, Dorina, Humpy, Elf at Aries na kausap ang babaeng kasama niya simula pa kanina.

Ano kayang pakiramdam ng babaeng 'yon kanina, habang malaswang sinasayawan ng babaeng naka bra at panty lang, si Aries? Kung ako ang kasama ni Aries. I will not be okay. Baka nga umuwi nalang ako at iwan siya. Kahit nga hindi ako ang kasama niya ay naiinis ako sa kanya.

"Damn those hot girls!" ani Daren habang nakangisi. Inalis ko naman ang kamay niya na nakaakbay sa akin.

"E di doon ka na! Pakasawa ka don!"

Nakita kong nag iba ang ekspresyon ng mukha ni Daren ng ngitian niya ako ng nakakaloko.

"Are you jealous, baby?"

"I'm not! Naiinis lang ako sa kalandian niyo."

Naiinis talaga ako. Nag-iinit ang ulo ko sa mga babaeng gumigiling-giling at nagtu-twerk sa harapan nila.

Umupo si Daren, sa bar stool sa tabi ko at humingi din siya ng drink sa bartender. Nagsiupo narin sa mga bakanteng bar stool ang iba pang HBB.

Hanggang sa biglang tumunog ang isang emergency siren sa loob.

"What's going on?" Nagtatakang tanong ni Daren habang kunot ang noo.

"Everyone, please proceed to the exit now!" Wika ng DJ.