ဝေ့ရှီ၏နောက်ဆုံးသောဆန္ဒအရ မြေကြီးနက်နက်ထဲတွင်နစ်မြှုပ်ရမည့်အစား တောင်တန်း၏အမြင့်ဆုံးနေရာတွင်ရပ်ကာ နေရောင်ဖျော့ဖျော့ မြူနှင်းစက်တွေပျောက်မကွယ်ခင်မနက်ခင်းတွင် 'ချောင်ယင်း'ဟု ခေါ်သည့်ပန်းချီကားနှင့်အတူ လေနှင်ရာအတိုင်း ပြန့်ကျဲခေါ်ဆောင်သွားစေတော့၏။
'အသက်ရှင်တဲ့အချိန် စောင်ခြုံထားသလို သေတဲ့အချိန်လည်း အုတ်ဂူကြီးထဲနေရပြန်ရတယ်' ဤစကားက လောကကြီးထဲမှထွက်ခွာသွားသောဝေ့ရှီ၏နောက်ဆုံးသောဆန္ဒဖြစ်၍ ညီအစ်မလိုနေထိုင်ခဲ့သည့်သူမကသာ ဝေ့ရှီ၏ညှင်းပန်းနှိပ်စက်မှုများပြည့်နှက်ရာဘဝအား နှစ်သိမ့်လိုငြား ဖြည့်ဆည်းပေးခဲ့သည်။
ဤအခိုက်အတန့်တွင် နှလုံးသားကိုလိမ်ဖဲ့ခံနေရသလိုနာကျင်နေရသည့်ရူဖေးတစ်ယောက် နားမလည်နိုင်သေးသည့်အရာတစ်ခုရှိနေသေး၏။အားလုံးပြောကြသည်က အထက်ကောင်းကင်နတ်မင်းကြီးဟာ စိတ်ဝိဥာဥ်တစ်ခုလုံးကိုအလျော့မပေးဘဲ ကြိုးစားသူများကိုဂရုစိုက်ပေးတတ်သည်ဟူ၍။သို့သော် အဘယ်ကြောင့်များ အချိန်ပြည့်အသက်ရှင်သန်နေဖို့ရာကြိုးစားနေခဲ့သည့် ဝေ့ရှီအား ယခုလိုအဆုံးသတ်မျိုးပေးအပ်ခဲ့သနည်း။
ဝေ့ရှီ၏အရိုးပြာများ လေထုထဲ တစ်စနှင့်တစ်စပျောက်ကွယ်လွင့်ပျယ်သွားသည်ကိုကြည့်ပြီး နောက်ဆုံးနားလည်သွားခဲ့၏။ဖြစ်နိုင်သည်က ဤအဆုံးသတ်က ဝေ့ရှီ အမှန်တကယ်မျှော်လင့်နေသောအရာတစ်ခုဟူ၍ပင် ချစ်ရသောသူနှင့်အတူရှိနေနိုင်ပြီး သေဆုံးသည်ဖြစ်စေ ရှင်သန်သည်ဖြစ်စေ အမြဲတစ်သက်လုံးမပြောင်းမလဲ...
ဆယ်နှစ်ကြာပြီးနောက်
ရူဖေးက ချီမော့နှင့်အတူ ပန်းဆိုင်တစ်ဆိုင်ဖွင့်ထားပြီး လောကကြီးထဲရှိ အရိုးရှင်းဆုံးသောဇနီးမောင်နှံအဖြစ် နေထိုင်ကြ၏။ဘဝက ရိုးရှင်းသော်လည်း အေးချမ်းလွန်းလှသည်။လောကကြီးထဲရှိအခြားသော စုံတွဲများလို သေးသေးမွှားမွှားကိစ္စလေးများအတွက် စကားများရန်ဖြစ်ကြကာ အရေးမပါသောကိစ္စလေးများစိတ်ဆိုးစိတ်ကောက်ကြသော်လည်း ဘယ်သောအခါမှ ခွဲခွာသွားဖို့မတွေးကြပေ။
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။
Chapter 64 ( Ending )
Start from the beginning