အသေသတ်မည့်လက်နက်ပြင်း
နောက်တစ်နေ့သည်ကား အားလပ်ရက်ဖြစ်၍ ရူဖေးနှင့်ဝေ့ရှီက ခရီးဆောင်အိတ်ကိုယ်စီကိုသယ်ပြီး တောင်ခြေ ဆင်ခြေဖုံးရပ်ကွက်တွင်ရှိသည့် ခပ်နွမ်းနွမ်းအိမ်ဟောင်းတစ်ခုဆီသို့ ပြောင်းလာကြသည်။ချီမော့၏ သူငယ်ချင်းတစ်ယောက်ဆီမှ ငှားရမ်းထားခြင်းဖြစ်ကာ အဘွားဖြစ်သူချန်ထားပေးခဲ့သည့်အရာလည်းဖြစ်သဖြင့် ရှေးဟောင်းအိမ်တစ်ခုဟုပင် ဆိုရမည်။ပတ်ဝန်းကျင်တစ်ခွင် အိမ်ခြေခပ်ကျဲကျဲသာရှိပြီး တောင်ပေါ်ရှိမြက်ခင်းချုံပုတ်များကြားတွင် ခပ်ရေးရေးထိုးထွက်နေသည့်အုတ်ဂူများကိုပါ တွေ့နေရ၏။
"ချီမော့ ပြောလိုက်သေးလား..ငါတို့က ဘာလို့ပြောင်းနေရတာလဲ"
ဝေ့ရှီက ဖုန်းကိုချပြီး လက်ဟန်ဖြင့်မေးလိုက်၏။
"မီးနီလောကမှာရှိနေတဲ့မိန်းကလေးတွေက ဘယ်အချိန်မှာမေးသင့်ပြီး ဘယ်အချိန်မှာ ပါးစပ်ပိတ်နေမယ်ဆိုတာကို နားလည်ရမယ်လေ...ငါထင်တာတော့ အခုချိန်က ငါတို့ ပါးစပ်ကိုပိတ်ထားပြီး သူပြောတာကို တိတ်တိတ်လေးနားထောင်ပေးရမယ့်အချိန်လေ..ဟုတ်တယ်မလား.."
ဝေ့ရှီက ပြုံးပြပြီးနောက် ထပ်၍မမေးလာတော့၏။နှစ်ယောက်သား ပစ္စည်းပစ္စယများကို နေရာတကျထားပြီးချိန်တွင် ချွေးများပင် စို့နေပြီဖြစ်သည်။
ရူဖေးကဆိုလာ၏။
"နင် ဗိုက်ဆာနေပြီလား...ငါ တစ်ခုခုသွားဝယ်လိုက်မယ်လေ...ကြည့်ရတာ ခဏနေ သူလည်းပြန်လာလောက်တော့မှာ.."
"သူ တစ်ခုခုများဖြစ်နေလောက်မလား"
"သူငယ်ချင်းတစ်ယောက်ဆီ ပိုက်ဆံသွားချေးရုံပါပဲ...ဘာမှမဖြစ်လောက်ပါဘူး..စိတ်အေးအေးထားစမ်းပါ"
ရူဖေးက အပြင်ထွက်ခါနီး တံခါးသော့ကို နောက်တစ်ကြိမ်သေချာစစ်ကြည့်ပြီးမှ ထွက်လာခဲ့၏။ခြေလှမ်းများသွက်လာသည်နှင့်အမျှ အနောက်ဘက်မှတစ်စုံတစ်ယောက် ကပ်လိုက်နေသည်ကိုပါ ခံစားမိလာ၏။ချက်ချင်းရပ်ပြီး အနောက်ဘက်သို့လှည့်ကြည့်လိုက်လျှင် သံသယဖြစ်စရာကောင်းသည့်လူ ဟူ၍လည်းရှာမတွေ့။
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။