သူ ငါ့ကို မုန်းနေတဲ့အတိုင်း မင်းကိုလည်းမုန်းတယ်
တစ်ညလုံး အေးချမ်းပြီး မည်သည့်အနှောက်အယှက်မှမရှိ။နောက်တစ်နေ့မနက်ခင်း မိုးစင်စင်လင်းသည့်အချိန်မှ နှစ်ယောက်သား အိပ်ရာနိုးကြသည်။
မနက်စာစားနေရင်း လင်းလော့ချွမ်က မနေနိုင်မနေထိုင်ဖြစ်လာကာ မျက်စောင်းနေရာတွင်ထိုင်ပြီး နွားနို့သောက်ရင်းသတင်းစာဖတ်နေသည့်သူမအား မေးလိုက်သည်။
"ဝေ့ရှီ...မင်း ကိုယ့်ကိုသဘောကျလား.."
ဝေ့ရှီက ခေါင်းမော့၍ သူ့အားတစ်ချက်လှမ်းကြည့်ပြီးနောက် ခေါင်းငြိမ့်ပြကာ သတင်းစာဆီသို့ အာရုံပြန်ရောက်သွား၏။
လင်းလော့ချွမ်က ကြောင်အမ်းသွားပြီး စိတ်ထဲ၌ ; ဒါပဲလား?
ချက်ချင်း ခြေလှမ်းကြီးကြီးလှမ်းကာ ဝေ့ရှီ၏လက်ကိုဆုတ်ကိုင်ပြီး
"ရှောင်ဂူးနိုင်နိုင်းလေး..မင်း နည်းနည်းလေးပိုပြီးရှင်းရှင်းလင်းလင်းဖြစ်အောင် ပြောပြလို့မရဘူးလား..ဘယ်လိုမျိုး သဘောကျတာလဲ?..ဘယ်အတိုင်းအတာထိ သဘောကျတာလဲ?...ကိုယ်ပြောနေတယ်လေ...အဲ့ဒါကြီးကိုကြည့်မနေနဲ့တော့...နွားနို့လည်း ခဏနေမှဆက်သောက်!.."
လင်းလော့ချွမ်က သတင်းစာကိုဆွဲလုပြီး နွားနို့ခွက်ကို အဝေးသို့တွန်းပို့ကာ ဝေ့ရှီ၏လက်ထဲသို့ စာအုပ်နှင့်ဘောပင်ကို ထိုးပေးလာ၏။
ဝေ့ရှီက သူ့အားတစ်ချက်မော့ကြည့်ပြီးနောက် လက်ထဲတွင်ကိုင်ထားရသည့်ပစ္စည်းများကို ကြည့်ကာ လက်ဟန်ဖြင့်
"ဘာတွေ လောနေတာလဲ"
လင်းလော့ချွမ်က သူမအား ဆိုဖာပေါ်ထိ ဆွဲခေါ်သွား၍
"ကိုယ် မလောဘဲနေနိုင်ပါ့မလား...ဒီကိစ္စက ကိုယ်တစ်သက်လုံးပျော်ရွှင်ရမယ့်ကိစ္စနဲ့သက်ဆိုင်တယ်လေ.."
ဝေ့ရှီ၏နှလုံးသားထဲ ချက်ချင်းဆိုသလိုနွေးထွေးသွားရကာ အရာအားလုံးကို ရုတ်ချည်းမေ့ပျောက်သွားခဲ့သည်။ ဟုတ်ပါ၏။ အခြားယောက်ျားတစ်ယောက်ပေးခဲ့သည့် ခြိမ်းခြောက်ခြင်း သတိပေးခြင်း နာကျင်စရာလှောင်ပြောင်ခြင်းတို့ပါ မေ့ပျောက်သွားရ၏။ခေါင်းငုံ့၍ မသိမသာလေးရယ်မိကာ စာရွက်ပေါ်ချရေးလိုက်၏။
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။