ဒုက္ခတို့ အရင်းခံ
ဝေ့ရှီက ဘာတစ်ခုမှမဝင်ရသေးသော အစာအိမ်ကြောင့် နိုးလာရ၏။မျက်လုံးနှစ်လုံးကို ဖွင့်လိုက်သည့်အချိန်တွင် အချိန်က နေ့လည်ခင်းပင် ရောက်နှင့်နေပြီဖြစ်သည်။တစ်ဖက်သို့လှည့်လိုက်သည့်အခိုက်တွင် ဘေးနားတွင်အိပ်ပျော်နေဆဲဖြစ်သည့် ရွမ်ရှောက်နန်ကို တွေ့ရ၏။ပြတင်းပေါက်လိုက်ကာစတို့၏အရိပ်များကြား သူ၏အနက်ရောင်ဆံနွယ်တို့က မျက်နှာထက်သို့ လျော့တိလျော့ရဲကျနေကာ မျက်ခုံး မျက်တောင် အစိတ်အပိုင်းတစ်ချို့ကို ကွယ်အုပ်ထား၏။
လက်တစ်ဖက်က သူမ၏ခါးကိုဖက်ထားဆဲဖြစ်ရာ ဝေ့ရှီက သူ့အား မနိုးသွားစေလိုသဖြင့် အသာအယာလေးသာ လှုပ်ရှားလိုက်၏။အိပ်ရာထက်တွင် ထိုင်လိုက်မိပြီးနောက် ခြေဖဝါးနှစ်ဖက်က ကြမ်းပြင်နှင့်မထိရသေးခင် လက်မောင်းတစ်စုံ၏ပြန်လည်ထွေးပွေ့ခြင်းကို ခံလိုက်ရ၏။
ခန္ဓာကိုယ်တစ်ခုလုံး ခေါ်ဆောင်ရာသို့ပါသွားခဲ့ပြီး ရွမ်ရှောက်နန်က သူမ၏ပါးပြင်ကို ခပ်ဖွဖွနမ်းရှိုက်ရင်း ပလုံးပထွေးဆိုလာ၏။
"ဘယ်သွားမလို့လဲ.."
"ဗိုက်ဆာနေပြီ...စားစရာတစ်ခုခု သွားရှာဝယ်မလို့...နင်ရော ဗိုက်မဆာဘူးလား.."
သူ၏လက်မောင်းတစ်စုံက သူမ၏ပုခုံးတဝိုက်ကို တင်းကြပ်နေအောင်ပွေ့ဖက်ပစ်လိုက်ပြီး
"မင်း မသွားရဘူး..ကိုယ်ကလည်း မင်းကို ပေးမသွားဘူး...ဝေ့ရှီ...မင်း ကိုယ့်ကို ထပ်ပြီး တစ်ယောက်ထဲပစ်မထားခဲ့ပါနဲ့.."
"ငါ မသွားပါဘူး...မသွားဘူးနော်.."
ဝေ့ရှီက ကျောဘက်တွင်ထိကပ်နေသည့် သူ၏မျက်နှာအား လက်နောက်ပြန်ထိတွေ့လိုက်ပြီးမှ ဆက်၍
"စားစရာတစ်ခုခုသွားဝယ်ရုံလေးပါ...ရှောက်နန်...ငါ နင့်ကိုချစ်တယ်...ငါ့ရဲ့ခန္ဓာကိုယ်ကရော ငါ့ရဲ့နှလုံးသားကရော အားလုံး နင့်ဆီမှာရောက်နှင့်နေပြီးသားလေ..ငါ ဘယ်ကိုသွားနိုင်ဦးမှာမလို့လဲ.."
သူ၏မေးဖျားက ဝေ့ရှီ၏ပုခုံးကို ပွတ်သပ်ရင်း တိုးတိုးဖျဖျလေးဆိုလာ၏။
![](https://img.wattpad.com/cover/355954269-288-k649433.jpg)
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။